დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს პირველი პრეზიდენტის ზვიად გამსახურდიას მიმართ აღძრული სისხლის სამართლის საქმის თაობაზე | |
|---|---|
| დოკუმენტის ნომერი | 954 |
| დოკუმენტის მიმღები | საქართველოს პარლამენტი |
| მიღების თარიღი | 19/06/2001 |
| დოკუმენტის ტიპი | საქართველოს პარლამენტის დადგენილება |
| გამოქვეყნების წყარო, თარიღი | სსმ, 71, 04/07/2001 |
| სარეგისტრაციო კოდი | 0000.00.00.000000 |
საქართველოს პარლამენტის დადგენილება
საქართველოს პირველი პრეზიდენტის ზვიად გამსახურდიას მიმართ აღძრული სისხლის სამართლის საქმის თაობაზე
საქართველოს პარლამენტი აღნიშნავს:
საქართველოს პირველი პრეზიდენტის ზვიად გამსახურდიას მიმართ რამდენიმე მძიმე დანაშაულის ჩადენისათვის აღძრული სისხლის სამართლის საქმე შეწყვეტილ იქნა ეჭვმიტანილის გარდაცვალების გამო.
საქართველოს პარლამენტის 2000 წლის 20 აპრილის დადგენილების შესაბამისად და საქართველოს სისხლის სამართლის საპროცესო კოდექსის 28-ე მუხლის პირველი ნაწილის „ვ“ ქვეპუნქტის მოთხოვნის თანახმად, დაუშვებელია ეჭვმიტანილის მიმართ აღძრული სისხლის სამართლის საქმის შეწყვეტა მისი გარდაცვალების გამო, როცა საქმის წარმოება საჭიროა გარდაცვლილის რეაბილიტაციისათვის.
საქართველოს პარლამენტი ადგენს:
1. ეთხოვოს საქართველოს გენერალურ პროკურორს, შეისწავლოს საქართველოს პირველი პრეზიდენტის ზვიად გამსახურდიას მიმართ აღძრული სისხლის სამართლის საქმის შეწყვეტის კანონიერება მისი რეაბილიტაციის მიზნით.
2. ეს დადგენილება ამოქმედდეს გამოქვეყნებისთანავე.
საქართველოს პარლამენტის
თავმჯდომარის მოადგილე გ. წერეთელი
თბილისი,
2001 წლის 19 ივნისი.
№954–IIს
დოკუმენტის კომენტარები