სსიპ – ივანე ჯავახიშვილის სახელობის თბილისის სახელმწიფო უნივერსიტეტთან სსიპ – ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების საზოგადოებრივი კოლეჯის შექმნის შესახებ

1. სოციალური და ხელოვნების მიმართულებით ყველა საფეხურის პროფესიული საგანმანათლებლო პროგრამისა და საქართველოს კანონმდებლობით გათვალისწინებული სხვა პროგრამების განხორციელების მიზნით, საქართველოს განათლებისა და მეცნიერების სამინისტრომ სსიპ – ივანე ჯავახიშვილის სახელობის თბილისის სახელმწიფო უნივერსიტეტთან პროფესიული საგანმანათლებლო დაწესებულების სტატუსის მოპოვების მიზნით შექმნას საჯარო სამართლის იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების საზოგადოებრივი კოლეჯი.

2. ამ მუხლის პირველი პუნქტით შექმნილ საჯარო სამართლის იურიდიულ პირზე სახელმწიფო კონტროლი განახორციელოს სსიპ – ივანე ჯავახიშვილის სახელობის თბილისის სახელმწიფო უნივერსიტეტმა.