„ლაგოდეხის მუნიციპალიტეტის საკრებულოს დებულების (რეგლამენტის) დამტკიცების შესახებ“ ლაგოდეხის მუნიციპალიტეტის საკრებულოს 2014 წლის 14 ივლისის №11 დადგენილებაში ცვლილების შეტანის თაობაზე

„2. საკრებულოს სხდომები ტარდება საკრებულოს ან მერიის ადმინისტრაციულ შენობაში . საკრებულოს მიერ სხდომის სხვა ადგილას ჩატარება დაიშვება საკრებულოს განკარგულებით ან საკრებულოს თავმჯდომარის ბრძანებით , ამ რეგლამენტის 48-ე მუხლით დადგენილი წესით .“.

2. დებულების მე -20 მუხლის მე -2 პუნქტი ჩამოყალიბდეს შემდეგი რედაქციით :

„2. ცნობა საკრებულოს ბიუროს სხდომის ჩატარების ადგილის , დროისა და დღის წესრიგის თაობაზე და განსახილველ საკითხებზე დაინტერესებულ პირთა მიერ მოსაზრებების წარდგენის ვადის შესახებ ქვეყნდება სხდომის ჩატარებამდე 7 დღით ადრე მაინც ამ რეგლამენტის 135-ე მუხლით დადგენილი წესით . ბიუროს შემადგენლობაში შემავალ თანამდებობის პირებს ურიგდებათ ან ეგზავნებათ ელექტრონულ ფოსტაზე ბიუროს სხდომის მასალები სხდომამდე 1 დღით ადრე მაინც , რასაც ორგანიზაციულად უზრუნველყოფს საკრებულოს აპარატი .“.

 3. დებულების მე -20 მუხლს დაემატოს შემდეგი შინაარსის 2¹ პუნქტი :

„2¹. გადაუდებელი აუცილებლობისას საკრებულოს ბიუროს სხდომა შეიძლება ჩატარდეს ამ მუხლის მე -2 პუნქტით გათვალისწინებული წესების დაუცველად . ამ შემთხვევაში დაუყოვნებლივ უნდა გამოქვეყნდეს საკრებულოს ბიუროს სხდომის ჩატარების ადგილი , დრო და დღის წესრიგი , ხოლო გადაწყვეტილების მიღებისას – ინფორმაცია სხდომის დახურვის შესახებ .“.

 4. დებულების მე -20 მუხლის მე -3 პუნქტი ჩამოყალიბდეს შემდეგი რედაქციით :

„3. ბიუროს სხდომა იწყება ბიუროს წევრთა რეგისტრაციით . რეგისტრაციას უზრუნველყოფს საკრებულოს აპარატი . საკრებულოს ბიუროს სხდომა უფლებამოსილია , თუ მას ესწრება ბიუროს წევრთა სიითი შემადგენლობის ნახევარზე მეტი . თუ სხდომის გახსნის დროისათვის საჭირო ქვორუმი ვერ შედგა , საკრებულოს თავმჯდომარის გადაწყვეტილებით ბიუროს სხდომის გახსნა გადაიდება იმავე დღის სხვა დროისათვის , თუ ამ შემთხვევაშიც არ შედგა ქვორუმი , სხდომა გადაიდება მომდევნო დღისთვის .“.

5. დებულების მე -20 მუხლს დაემატოს შემდეგი შინაარსის 3¹ პუნქტი :

„3¹. ბიუროს სხდომის გახსნის შემდეგ , ბიუროს წევრთა რეგისტრაცია ტარდება ყოველი კენჭისყრის დაწყების წინ . გადაწყვეტილება ბიუროს სხდომაზე მიიღება ბიუროს სხდომაზე დამსწრე ბიუროს წევრთა ნახევარზე მეტით .“.

6. დებულების მე -20 მუხლის მე -4 პუნქტი ჩამოყალიბდეს შემდეგი რედაქციით :

„4. საკრებულოს ბიუროს სხდომაზე მისი წევრის დასწრება სავალდებულოა . კომისიის თავმჯდომარის არყოფნისას , აგრეთვე კომისიის თავმჯდომარის გადადგომის , გადაყენების , მის მიერ უფლებამოსილების განხორციელების შეუძლებლობისას , ან მისი , როგორც საკრებულოს წევრის უფლებამოსილების ვადამდე შეწყვეტის შემთხვევაში , კომისიის თავმჯდომარეს ხმის იმავე უფლებით ცვლის კომისიის თავმჯდომარის მოადგილე . ფრაქციის თავმჯდომარეს – მისი მოადგილე (ერთ -ერთი მოადგილე ), ან ფრაქციის წევრი სათანადო დოკუმენტის წარდგენის შემთხვევაში .“.

7. დებულების 38-ე მუხლს დაემატოს შემდეგი შინაარსის 2¹ პუნქტი :

„2¹. ფრაქციების ორგანიზაციულ -ტექნიკურ მომსახურებას და საქმისწარმოებას უზრუნველყოფს საკრებულოს აპარატი .“.

8. დებულებას დაემატოს შემდეგი შინაარსის VI¹ თავი :

„თავი VI¹. საკრებულოს თანამდებობის პირების შვებულებით სარგებლობისა და საკრებულოს წევრების მივლინების წესი

მუხლი 39¹. საკრებულოს თანამდებობის პირების შვებულება

საკრებულოს თანამდებობის პირებს (საკრებულოს თავმჯდომარე , მისი მოადგილე , საკრებულოს კომისიის თავმჯდომარე , ფრაქციის თავმჯდომარე და ფრაქციის თავმჯდომარის მოადგილე ) „საჯარო სამსახურის შესახებ “ საქართველოს კანონის შესაბამისად მიეცემათ შვებულება ანაზღაურებით და ანაზღაურების გარეშე .

მუხლი 39². საკრებულოს თავმჯდომარის , საკრებულოს თავმჯდომარის მოადგილის და საკრებულოს კომისიის თავმჯდომარის შვებულებით სარგებლობის წესი

1. საკრებულოს თავმჯდომარის შვებულების შესახებ გადაწყვეტილებას იღებს საკრებულო .

2. საკრებულოს თავმჯდომარის მიერ შვებულების მოთხოვნა შესაძლებელია გახდეს საკრებულოს რიგგარეშე სხდომის მოწვევის საფუძველი .

3. საკრებულოს თავმჯდომარის მოადგილის და საკრებულოს კომისიის თავმჯდომარეების მიერ შვებულების მოთხოვნის შესახებ წარდგენილი განცხადების დაკმაყოფილებაზე გადაწყვეტილება მიიღება საკრებულოს თავმჯდომარის მიერ , ინდივიდუალური ადმინისტრაციულ -სამართლებრივი აქტით , რაც უახლოეს სხდომაზე უნდა ეცნობოს საკრებულოს .

მუხლი 39³. საკრებულოს ფრაქციის თავმჯდომარის და საკრებულოს ფრაქციის თავმჯდომარის მოადგილის შვებულებით სარგებლობის წესი

საკრებულოს ფრაქციის თავმჯდომარის და საკრებულოს ფრაქციის თავმჯდომარის მოადგილის შვებულების საკითხს განიხილავს ფრაქციის სხდომა , რის შემდეგაც ფრაქციის სხდომის ოქმის საფუძველზე ინდივიდუალურ ადმინისტრაციულ -სამართლებრივ აქტს გამოსცემს საკრებულოს თავმჯდომარე და უახლოეს სხდომაზე აცნობებს საკრებულოს .

მუხლი 39⁴. საკრებულოს წევრების მივლინების წესი

1. საკრებულოს თანამდებობის პირების (გარდა ფრაქციის თავმჯდომარე და ფრაქციის თავმჯდომარის მოადგილე ) მივლინების შესახებ გადაწყვეტილება მიიღება საკრებულოს თავმჯდომარის მიერ , საქართველოს კანონმდებლობით დადგენილი წესის შესაბამისად .

2. ფრაქციის თავმჯდომარე და ფრაქციის თავმჯდომარის მოადგილე შესაძლებელია მივლინებულ იქნეს საკრებულოს თავმჯდომარის გადაწყვეტილებით , მხოლოდ მისი თანხმობის შემთხვევაში , საქართველოს კანონმდებლობით დადგენილი წესის შესაბამისად .

3. ამ მუხლის მე -2 პუნქტით დადგენილი წესი აგრეთვე ვრცელდება , საკრებულოს წევრებზე , რომლებიც არ არიან თანამდებობის პირები .“.

9. დებულების 51-ე მუხლს დაემატოს შემდეგი შინაარსის 4¹ პუნქტი :

„ 4¹. გადუდებელი აუცილებლობისას საკრებულოს რიგგარეშე სხდომა შეიძლება ჩატარდეს ამ მუხლის მე -3 და მე -4 პუნქტებით გათვალისწინებული წესების დაუცველად . ამ შემთხვევაში დაუყოვნებლივ უნდა გამოქვეყნდეს საკრებულოს რიგგარეშე სხდომის ჩატარების ადგილი , დრო და დღის წესრიგი . ხოლო გადაწყვეტილების მიღებისას – ინფორმაცია სხდომის დახურვის შესახებ .“.

10. დებულებას დაემატოს შემდეგი შინაარსის 120¹ მუხლი :

„მუხლი . 120¹ პეტიციის წარდგენა ელექტრონული ფორმით

1. ამ რეგლამენტის 120-ე მუხლის პირველი პუნქტით განსაზღვრულ სუბიექტების მიერ

მუნიციპალიტეტის საკრებულოსთვის პეტიციის წარდგენა შესაძლებელია ელექტრონული ფორმით , მუნიციპალიტეტის საკრებულოს ვებგვერდის (www.lagodekhi.gov.ge) სპეციალური პროგრამული უზრუნველყოფის (შემდგომში – აპლიკაცია ) მეშვეობით .

2. ამ მუხლის პირველი პუნქტის შესაბამისად , პეტიციის წარდგენის მიზნით მომხსენებელი , ხოლო იმ შემთხვევაში , თუ მომხსენებელთა რაოდენობა აღემატება ერთს , ერთ -ერთი მომხსენებელი რეგისტრირდება მომხმარებლად , რისთვისაც მიუთითებს სახელს , გვარს , დაბადების თარიღს , პირად ნომერს , ელექტრონული ფოსტის მისამართს და აპლიკაციაში განათავსებს საქართველოს მოქალაქის პირადობის მოწმობის (პასპორტის ) დასკანერებულ ასლს . მომხმარებელს ელექტრონულ ფოსტაზე აპლიკაციის მიერ ავტომატურ რეჟიმში ეგზავნება კოდური სიტყვა /სიმბოლოები , რომლის დადასტურების შემდეგ მომხსენებელი კოდური სიტყვა /სიმბოლოებით ახდენს რეგისტრაციის დადასტურებას .

3. მომხსენებელი ვალდებულია ტექსტი განათავსოს აპლიკაციაში , ქართული Sylfaen შრიფტით და აპლიკაციაში დოკუმენტების ატვირთვის გზით , თან დაურთოს ამ რეგლამენტის 120-ე მუხლის მე -2 პუნქტით განსაზღვრული შესაბამისი დოკუმენტები .

4. ამ მუხლის მე -3 პუნქტის შესაბამისად , აპლიკაციაში განთავსებული ტექსტი და თანდართული დოკუმენტები მუნიციპალიტეტის საკრებულოს ვებგვერდზე გამოჩნდება მისი ატვირთვის დღის მომდევნო სამუშაო დღის 24 საათამდე . აპლიკაციაში განთავსებული ტექსტისა და თანდართული დოკუმენტების მუნიციპალიტეტის საკრებულოს ვებგვერდზე ატვირთვის დასტური , მომხსენებელს ეგზავნება მობილური ტელეფონის ნომერზე ან ელექტრონულ ფოსტაზე , ასეთის მითითების შემთხვევაში .

5. ამ მუხლის მე -3 პუნქტით განსაზღვრული წესით აპლიკაციაში განთავსებულ ტექსტს და თანდართულ დოკუმენტებს მუნიციპალიტეტის საკრებულოს ვებგვერდის ადმინისტრირებაზე პასუხისმგებელი პირი , მუნიციპალიტეტის საკრებულოს ვებგვერდზე არ ასახავს, თუ :

ა ) ტექსტი ეწინააღმდეგება ზნეობის საყოველთაოდ აღიარებულ ნორმებსა და პრინციპებს ;

ბ ) ტექსტის შინაარსი შეურაცხყოფას აყენებს ნებისმიერ პირს ;

გ ) ტექსტი ზღუდავს საქართველოს კონსტიტუციის მე -2 თავით განსაზღვრულ ადამიანის ძირითად უფლებებსა და თავისუფლებებს .

6. ამ მუხლის მე -3 პუნქტის შესაბამისად , აპლიკაციაში ატვირთულ პეტიციაზე ამომრჩევლების მიერ ხელმოწერის შესრულება ხდება მუნიციპალიტეტის საკრებულოს ვებგვერდზე რეგისტრაციის გარეშე .

7. ამ მუხლის მე -6 პუნქტის შესაბამისად , პეტიციაზე ხელმოწერის დასაფიქსირებლედ , ამომრჩევლები აპლიკაციაში , ქართული Sylfaen შრიფტით უთითებენ საკუთარ სახელს , გვარს , პირად ნომერს , რეგისტრაციის მიხედვით საცხოვრებელი ადგილის მისამართს და მობილური ტელეფონის ნომერს . პეტიციაზე ხელმოწერის დასაფიქსირებლად , ამომრჩეველი ვალდებულია აპლიკაციის შესაბამის ფანჯარაში მონიშვნის გაკეთების გზით დაადასტუროს , რომ გაეცნო პეტიციის შინაარს და ეთანხმება მას . აპლიკაციაში ამომრჩევლის მონაცემების ხელმომწერთა სიაში დამატება ხდება მის მიერ მითითებულ ტელეფონის ნომერზე აპლიკაციის მიერ ავტომატურ რეჟიმში გაგზავნილი კოდური სიტყვის /სიმბოლოების მეშვეობით ხელმოწერის დადასტურების შემდეგ და აპლიკაცია ავტომატურ რეჟიმში უთითებს ხელმოწერის განხორციელების თარიღს . ერთი მობილური ტელეფონის ნომერი შესაძლოა გამოყენებულ იქნეს არაუმეტეს 5 პირის რეგისტრაციის მიზნით .

8. ამ მუხლის მე -7 პუნქტის შესაბამისად , ამომრჩევლის მიერ ხელმოწერის შესრულებისას იგი უფლებამოსილია დააფიქსიროს მისი პოზიცია მისი სახელისა და გვარის საჯაროობის თაობაზე . თუ ამომრჩეველი არ არის თანახმა , მისი სახელი და გვარი გახდეს საჯარო , აპლიკაცია უზრუნველყოფს მისი პერსონალური მონაცემების გამხელისაგან დაცვას . ამომრჩევლის პერსონალური მონაცემები ხელმისაწვდომი იქნება მხოლოდ მომხსენებლებისა და ლაგოდეხის მუნიციპალიტეტის საკრებულოს აპარატის უფლებამოსილი პირისათვის .

9. აპლიკაცია უზრუნველყოფს , რომ ტექნიკურად არ იყოს შესაძლებელი ორი ან რამდენიმე ხელმოწერის შესრულება საქართველოს მოქალაქის ერთი და იმავე პირადი ნომრით .

10. პეტიციის ტექსტის გამოქვეყნების შემდეგ აპლიკაცია ასაჯაროებს პეტიციაზე ხელმომწერი ამომრჩევლების მიმდინარე რაოდენობას , პეტიციაზე საჭირო ხელმოწერათა მინიმალურ რაოდენობას და მომხსენებლ (ებ )ის სახელ (ებ )სა და გვარ (ებ )ს .

11. პეტიციის ტექსტის მუნიციპალიტეტის ვებგვერდზე გამოქვეყნებიდან არაუმეტეს 30 დღის ვადაში , ამომრჩევლის მიერ ამ რეგლამენტის 94-ე მუხლის პირველი პუნქტით და 120-ე მუხლის მე -5 პუნქტით დადგენილი მინიმალური ოდენობის ხელმოწერების ელექტრონულად განხორციელების შემდეგ , აპლიკაციის ,,რეგისტრაციაზე გაგზავნის “ ფუნქციის მეშვეობით მომხსენებელი მუნიციპალიტეტის საკრებულოს თავმჯდომარის სახელზე პეტიციის ტექსტს და თანდართულ დოკუმენტებს , მათ შორის პეტიციის ხელმომწერ ამომრჩეველთა სიას , აგზავნის მუნიციპალიტეტის ელექტრონული ფოსტის მისამართზე და საკრებულოს აპარატისგან ითხოვს პეტიციის მიღების დადასტურებას . საკრებულოს აპარატისგან მიღების დადასტურების შემდეგ , აპლიკაცია ავტომატურ რეჟიმში ელექტრონულად ატყობინებს ამის შესახებ მომხსენებელს , თარიღისა და დროის მითითებით .

12.  პეტიციის ტექსტის შესაბამისობაზე მოქმედ კანონმდებლობასთან და 120-ე მუხლის მე -2 პუნქტის მოთხოვნებთან , ასევე , პეტიციის საკრებულოში გადაგზავნამდე , ამომრჩევლების მიერ მათი მონაცემების სრულად შეყვანით ელექტრონულად განხორციელებული ხელმოწერების რაოდენობის 94-ე მუხლის პირველი პუნქტით და 120-ე მუხლის მე -5 პუნქტით დადგენილ მინიმალურ რაოდენობასთან შესაბამისობაზე პასუხისმგებელია მომხსენებელი .

13. ამ რეგლამენტის 120-ე მუხლის მე -6¹ პუნქტით დადგენილი წესით პეტიციის რეგისტრაციის შემდეგ საკრებულოს აპარატი პეტიციის რეგისტრაციის მოწმობას ან პეტიციის რეგისტრაციაზე უარს უგზავნის მომხსენებლებს და აღნიშნულს განათავსებს მუნიციპალიტეტის საკრებულოს ვებგვერდზე .“.