„საჰაერო ტრანსპორტით სახიფათო ტვირთის გადაზიდვის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 27 დეკემბრის №263 ბრძანებაში ცვლილების შესახებ

 1. მე-10 მუხლის მე-4 პუნქტი ჩამოყალიბდეს შემდეგი რედაქციით:

,,4. სახიფათო ტვირთის გადაზიდვაზე ,,გათავისუფლების“ გაცემას ახორციელებს სააგენტო, საქართველოს საგარეო საქმეთა, თავდაცვის სამინისტროსა და საქართველოს პრემიერ-მინისტრის უშუალო დაქვემდებარებაში არსებული, სპეციალური დანიშნულების სახელმწიფო დაწესებულების – საგანგებო სიტუაციების მართვის სამსახურის სსიპ – საგანგებო სიტუაციების მართვის სააგენტოსთან  შეთანხმების შემდეგ.“.

2. მე-15 მუხლის პირველ პუნქტს დაემატოს შემდეგი რედაქციის „უ“ ქვეპუნქტი:

„უ) არ გადაზიდოს სახიფათო ტვირთი, თუ საჰაერო ხომალდის მეთაურს გაფრენის წინ არ მიეწოდა წერილობითი ინფორმაცია (NOTOC) იმ სახიფათო ტვირთებზე, რომლებიც უნდა იქნეს გადაზიდული საჰაერო ხომალდით.“.

3. მე-17 მუხლის მე-2 პუნქტი ჩამოყალიბდეს შემდეგი რედაქციით:

„2. სასწავლო პოგრამებზე დადგენილი მოთხოვნები,  მოსამზადებელი და გადასამზადებელი პერსონალის კატეგორიები და მათ მიერ შესასწავლი სასწავლო კურსის შინაარსი განისაზღვრება ტი-ებით. მასწავლებელს (ინსტრუქტორს), რომელიც ახორციელებს  პერსონალის მომზადებას სახიფათო ტვირთების გადაზიდვების პროგრამით,  უნდა გააჩნდეს საჰაერო ტრანსპორტით სახიფათო ტვირთების გადაზიდვის სფეროში მუშაობის არანაკლებ 2 (ორი) წლიანი სამუშაო გამოცდილება და  გავლილი ჰქონდეს სწავლება სახიფათო ტვირთების გადაზიდვებთან დაკავშირებით შესაბამისი ან მე-6 კატეგორის პროგრამით.“.