დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სს „საპარტნიორო ფონდის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 5 ივლისის №321 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 103 |
| დოკუმენტის მიმღები | საქართველოს მთავრობა |
| მიღების თარიღი | 22/02/2018 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 28/02/2018 |
| სარეგისტრაციო კოდი | 040170020.10.003.020418 |
|
„სს „საპარტნიორო ფონდის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 5 ივლისის №321 დადგენილებაში ცვლილების შეტანის თაობაზე
|
| მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „სს „საპარტნიორო ფონდის“ მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2017 წლის 5 ივლისის №321 დადგენილებაში (www.matsne.gov.ge, 07/07/2017, 040170020.10.003.020030) შეტანილ იქნეს ცვლილება და დადგენილებით დამტკიცებული წესის:
1. მე-17 მუხლს დაემატოს შემდეგი შინაარსის მე-3 და მე-4 პუნქტები: „3. ხელშეკრულების დადება არ არის სავალდებულო: ა) ინტერნეტით გამოწერის გზით, ერთ პირთან მოლაპარაკებით განხორციელებული შესყიდვისას; ბ) საქართველოს ნორმატიული აქტით დადგენილი გადასახდელების გადახდის გზით განხორციელებული სახელმწიფო შესყიდვისას. 4. ამ მუხლის მე-3 პუნქტით გათვალისწინებულ შემთხვევებში შესყიდვა ხორციელდება შესყიდვის ობიექტის ღირებულების გადახდის დამადასტურებელი, ხელმძღვანელის ბრძანებით გათვალისწინებული ინფორმაციის შემცველი დოკუმენტის (მაგალითად, ინვოისის, ჩეკის ან ქვითრის) ან ელექტრონული ხელშეკრულების (ასეთის არსებობის შემთხვევაში) საფუძველზე.“. 2. დანართს (სს „საპარტნიორო ფონდის“ საქმიანობის სპეციფიკასთან დაკავშირებული საქონლის/მომსახურების ჩამონათვალი) დაემატოს შემდეგი შინაარსის მე-16 გრაფა:
|
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები