„დმანისის მუნიციპალიტეტში, მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერებისა და აღდგენის საკითხებზე დამატებითი რეგულაციების დადგენის შესახებ” დმანისის მუნიციპალიტეტის საკრებულოს 2016 წლის 18 ოქტომბრის №19 დადგენილებაში ცვლილების შეტანის თაობაზე

„მუხლი 1

მაღალმთიან დასახლებაში მუდმივად მცხოვრები პირის სტატუსის მისანიჭებლად წარმოსადგენი დამატებით დოკუმენტად განისაზღვროს:

შესაბამის ადმინისტრაციულ ერთეულში მერის წარმომადგენლის მიერ გაცემული ცნობა სტატუსის მისანიჭებელი პირის მაღალმთიან დასახლებაში კალენდარული წლის განმავლობაში, ჯამში 9 თვის ან 9 თვეზე მეტი ვადით ფაქტობრივად ცხოვრების დადასტურების შესახებ.“.

„ა.ბ) მე-5 მუხლის მე-4 პუნქტის „ა“ ქვეპუნქტით გათვალისწინებულ შემთხვევაში წარმოდგენილი ფოტოსურათები, რომლებიც ადასტურებენ ფიზიკური პირის მიერ მაღალმთიან დასახლებაში შინასამეურნეო საქმიანობის განხორციელების ფაქტს, რაც გულისხმობს საცხოვრებელი ადგილის გამოყენებას, მის მოვლა-პატრონობას და მაღალმთიან დასახლებაში არსებული უძრავი ქონების ფლობას, დადასტურებული უნდა იყოს შესაბამის ადმინისტრაციულ ერთეულში მერის წარმომადგენლის მიერ, ბეჭდით და ხელის მოწერით;“.

„ა.გ) მე-5 მუხლის მე-4 პუნქტის „ე“ ქვეპუნქტით გათვალისწინებული იმავე მაღალმთიან დასახლებაში რეგისტრირებული არანაკლებ ორი მოწმის: რეგისტრატორის თანდასწრებით ხელმოწერილი, ნოტარიულად დამოწმებული ან შესაბამის ადმინისტრაციულ ერთეულში მერის წარმომადგენლის მიერ დამოწმებული განცხადებიდან ერთ-ერთი.“.