„აბაშის მუნიციპალიტეტის საპატიო მოქალაქის წოდების მინიჭების წესის დამტკიცების შესახებ“ აბაშის მუნიციპალიტეტის საკრებულოს 2017 წლის 25 დეკემბრის #58 დადგენილებაში ცვლილების შეტანის თაობაზე

1. დადგენილების №1 დანართით დამტკიცებული „აბაშის მუნიციპალიტეტის საპატიო მოქალაქის წოდების მინიჭების წესის“ პირველი მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) სხვა სახელმწიფოს მოქალაქეს – განსაკუთრებული დამსახურებისთვის საქართველოს და აბაშის მუნიციპალიტეტის წინაშე ან/და აბაშის მუნიციპალიტეტთან მეგობრული კავშირების განმტკიცებაში შეტანილი წვლილისათვის.“

2. ამავე წესის მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. კანდიდატურის წარდგენა ხორციელდება წერილობითი ფორმით, რასაც თან უნდა ერთოდეს:

ა) რეკომენდაცია წარდგენილი კანდიდატის ღვაწლის და დამსახურების აღნიშვნით;

ბ) ბიოგრაფიული მონაცემები;

გ) წარდგენილი კანდიდატის პირადობის დამადასტურებელი დოკუმენტის ასლი და კანდიდატის 2 (ორი) ფოტოსურათი-ზომით 3X4; (კანდიდატის პირადობის დამადასტურებელი დოკუმენტის ასლისა და ფოტოსურათების წარდგენა შუამდგომლისგან მოთხოვნილ იქნეს სამუშაო ჯგუფის დადებითი დასკვნის მერის მიერ განხილვის ეტაპზე და წარმოდგენილ იქნეს მხოლოდ კანდიდატის თანხმობით)“.

3. ამავე წესის მე-4 მუხლის პირველი პუნქტიდან ამოღებულ იქნეს „დ“ ქვეპუნქტი.