შპს ,,კავკასია 99-ის” კრედიტორთა კრების მოწვევის შესახებ

საქმე № 2/27110-15

გ ა ნ ჩ ი ნ ე ბ ა

საქართველოს სახელით

კრედიტორთა კრების მოწვევის შესახებ

2018 წლის 6 თებერვალი

ქ. თბილისი

თბილისის საქალაქო სასამართლოს სამოქალაქო საქმეთა კოლეგია

მოსამართლე: ლაშა ქოჩიაშვილი

თბილისის საქალაქო სასამართლოს სამოქალაქო საქმეთა კოლეგიის მოსამართლე ლაშა ქოჩიაშვილმა განიხილა შპს „კავკასია 99”-ის კრედიტორთა კრების მოწვევის საკითხი,

გამოარკვია:

თბილისის საქალაქო სასამართლოს სამოქალაქო საქმეთა კოლეგიის წარმოებაშია გადახდისუუნარობის საქმე შპს ,,კავკასია 99”-ის მიმართ.

სასამართლომ განიხილა საქმეში არსებული მასალები და მიაჩნია, რომ მოწვეული უნდა იქნას შპს „კავკასია 99”-ის კრედიტორთა კრება კრედიტორთა მოთხოვნების შემოწმების, მომრიგებელი საბჭოს წევრების არჩევის დღის წესრიგით.

სასამართლომ იხელმძღვანელა „გადახდისუუნარობის საქმეთა წარმოების შესახებ“ საქართველოს კანონის მე-5, მე-7, მე-8, 25-ე, 27-ე, 30-ე მუხლებით, საქართველოს სამოქალაქო საპროცესო კოდექსის 284-ე 285-ე მუხლებით, დაადგინა:

1. მოწვეულ იქნეს შპს ,,კავკასია 99”-ის კრედიტორთა კრება შემდეგი დღის წესრიგით:

 1.1. კრედიტორთა მოთხოვნების შემოწმება.

 1.2. მომრიგებელი საბჭოს წევრების არჩევა.

2. კრედიტორთა კრება მოწვეულ იქნეს 2018 წლის 26 თებერვალს, 11:00 საათზე, თბილისის საქალაქო სასამართლოს სამოქალაქო საქმეთა კოლეგიის №24 სხდომათა დარბაზში (ქ.თბილისი, დავით აღმაშენებლის ხეივანი, მე-12 კმ №6).

3. დაევალოს შპს ,,კავასია 99”-ის მეურვეს კრედიტორებისათვის კრების ჩატარების შესახებ შეტყობინებების გაგზავნა, მასვე დაევალოს განჩინების გამოქვეყნება „საქართველოს საკანონმდებლო მაცნეს“ ვებგვერდზე. განჩინება ასევე გამოქვეყნდეს სასამართლოს დაფაზე და სასამართლოს ვებგვერდზე.

4 . განემარტოს შპს „კავკასია-99”-ის დირექტორს, რომ სასამართლოში არასაპატიო მიზეზით მეორედ გამოუცხადებლობის შემთხვევაში, „გადახდისუუნარობის საქმის წარმოების შესახებ“ საქართველოს კანონით დადგენილი წესით შპს „კავკასია-99”-ის მიმართ დაიწყება გაკოტრების საქმის წარმოება და დაინიშნება გაკოტრების მმართველი.

5. გადახდისუუნარობის საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გადაცემიდან ან გაცნობიდან 5 (ხუთი) დღის ვადაში.

მოსამართლე ლაშა ქოჩიაშვილი