„საქართველოს ეკონომიკისა და მდგრადი განვითარების სამინისტროს იურიდიული დეპარტამენტის დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2016 წლის 8 ნოემბრის №1-1/595 ბრძანებაში ცვლილების შეტანის თაობაზე

1. პირველი პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) კომპეტენციის ფარგლებში სამინისტროს, მის სისტემაში შემავალი საჯარო სამართლის იურიდიული პირების და „მეწარმეთა შესახებ“ საქართველოს კანონით განსაზღვრული საწარმოს პარტნიორობიდან გამომდინარე უფლებამოსილების განხორციელების უზრუნველსაყოფად, სამინისტროს მართვაში არსებული კერძო სამართლის იურიდიული პირების მიერ მომზადებული სამართლებრივი აქტების პროექტების საქართველოს მთავრობაში, საქართველოს პარლამენტში და სხვა სახელმწიფო უწყებებში წარდგენის უზრუნველყოფა ან/და კოორდინაცია.“.

2. პირველი პუნქტის „მ“ ქვეპუნქტი ჩამოყალიბდეს შემდეგი რედაქციით:

„მ) კომპეტენციის  ფარგლებში  სამინისტროს სისტემაში  შემავალი საჯარო  სამართლის  იურიდიული პირების, ასევე „მეწარმეთა შესახებ“ საქართველოს კანონით განსაზღვრული საწარმოს პარტნიორობიდან გამომდინარე უფლებამოსილების განხორციელების უზრუნველსაყოფად, სამინისტროს მართვაში არსებული კერძო სამართლის იურიდიული პირების იურიდიულ/სამართლებრივ საკითხებზე პასუხისმგებელი შესაბამისი სტრუქტურული ერთეულების/ქვედანაყოფების/პირების საქმიანობის  ზედამხედველობა და კოორდინაცია. ამასთან, აღნიშნული სტრუქტურული ერთეულების/ქვედანაყოფების/პირების საქმიანობაზე პასუხისმგებლობა ეკისრებათ თავად აღნიშნულ პირებსა და შესაბამის დაწესებულებებს/ორგანიზაციებს.".