დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ტრანსპლანტაციის საბჭოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 მაისის №01-31/ნ ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 01-6/ნ |
| დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
| მიღების თარიღი | 08/02/2018 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 09/02/2018 |
| სარეგისტრაციო კოდი | 470230000.22.035.016489 |
|
„ტრანსპლანტაციის საბჭოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 მაისის №01-31/ნ ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
|
| მუხლი 1 |
„ტრანსპლანტაციის საბჭოს დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2017 წლის 29 მაისის №01-31/ნ ბრძანებით (www.matsne.gov.ge, 29/05/2017, 470230000.22.035.016446) დამტკიცებული დებულების მე-9 მუხლის:
|
1.
მე-3 პუნქტი ჩამოყალიბდეს შემდეგი რედაქციით:
„3. ამ მუხლის მე-2 პუნქტით განსაზღვრული დოკუმენტაცია საბჭოს სამდივნოში წარდგენილი უნდა იქნეს ტრანსპლანტაციის ოპერაციის განხორციელებამდე 15 სამუშაო დღით ადრე, გარდა, ამ მუხლის 31 პუნქტით განსაზღვრული შემთხვევებისა.“. |
2.
მე-3 პუნქტის შემდეგ დაემატოს შემდეგი შინაარსის 31 პუნქტი:
„31. იმ შემთხვევაში თუ პაციენტს ჯანმრთელობის მდგომარეობიდან გამომდინარე ესაჭიროება ტრანსპლანტაციის ოპერაციის გადაუდებელი წესით ჩატარება, რომლის დაყოვნებაც საფრთხეს უქმნის მის სიცოცხლესა და ჯანმრთელობას და შესაბამისად, შეუძლებელია ამ დებულების მე-8 და მე-9 მუხლებით გათვალისწინებული პროცედურების უზრუნველყოფა, „ადამიანის ორგანოთა გადანერგვის შესახებ“ საქართველოს კანონის მე-18 მუხლის „ზ“ ქვეპუნქტით გათვალისწინებული მოთხოვნები დაცულად ჩაითვლება, თუ: ა) სამედიცინო მომსახურების მიმწოდებელი ტრანსპლანტაციის ოპერაციის ჩატარებამდე უზრუნველყოფს საბჭოსათვის შეტყობინებისა („განაცხადი დაგეგმილი ტრანსპლანტაციის შესახებ“ (დანართი №1.1)) და ნოტარიულად დამოწმებული ნათესაური კავშირის დამადასტურებელი დოკუმენტების (მ.შ. დაბადების მოწმობა, ქორწინების მოწმობა და სხვ.) გაგზავნას. გაგზავნა შესაძლებელია განხორციელდეს ელექტრონული ფორმით, info@moh.gov.ge-ზე; ბ) ყველა საჭირო დოკუმენტაციას საბჭოს სამდივნოს წარუდგენს არაუგვიანეს ოპერაციის დასრულების დღიდან მომდევნო 5 სამუშაო დღის ვადაში. ამასთან, პაციენტის (რეციპიენტის) ჯანმრთელობის მდგომარეობის შესახებ ცნობა – სამედიცინო დოკუმენტაცია ფორმა №IV-100/ა, უნდა მოიცავდეს ინფორმაციას ჯანმრთელობის მდგომარეობიდან გამომდინარე ოპერაციის გადაუდებლად ჩატარების აუცილებლობის შესახებ. ამ შემთხვევაშიც დოკუმენტაციის განხილვა განხორციელდება ამ მუხლის მე-4 - მე-8 პუნქტებით განსაზღვრული წესით.“. |
3.
მე-8 და მე-9 პუნქტი ჩამოყალიბდეს შემდეგი რედაქციით:
„8. საბჭოს თანხმობა ცოცხალი დონორისაგან ორგანოთა გადანერგვის თაობაზე გაიცემა/დასტურდება განაცხადის გაკეთებიდან არაუმეტეს 8 სამუშაო დღის ვადაში. 9. ამ მუხლის მე-2 დ 31 პუნქტებით განსაზღვრული დოკუმენტაციის გაყალბება გამოიწვევს პასუხისმგებლობას მოქმედი კანონმდებლობით განსაზღვრული წესით.“. |
| მუხლი 2 |
2018 წლის პირველი იანვრიდან, ამ ბრძანების ამოქმედებამდე ჩატარებული ტრანსპლანტაციის შემთხვევებისთვის, ამ ბრძანების პირველი მუხლის მე-2 პუნქტით გათვალისწინებული მე-9 მუხლის 31 პუნქტით განსაზღვრული ოპერაციების ჩატარების თაობაზე შეტყობინებისა და შესაბამისი დოკუმენტაციის წარმოდგენის ვადები აითვლება ამ ბრძანების ამოქმედებიდან.
|
| მუხლი 3 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები