„საქართველოს ეკონომიკისა და მდგრადი განვითარების სამინისტროს იურიდიული დეპარტამენტის დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2016 წლის 8 ნოემბრის №1-1/595 ბრძანებაში ცვლილების შეტანის თაობაზე

1.    პირველი პუნქტის „ლ“ ქვეპუნქტის შემდეგ დაემატოს  შემდეგი შინაარსის „მ“ ქვეპუნქტი:

„მ) კომპეტენციის  ფარგლებში  სამინისტროს სისტემაში  შემავალი საჯარო  სამართლის  იურიდიული პირების, ასევე „მეწარმეთა შესახებ“ საქართველოს კანონით განსაზღვრული საწარმოს პარტნიორობიდან გამომდინარე  უფლებამოსილების განხორციელების უზრუნველსაყოფად, სამინისტროს მართვაში არსებული კერძო სამართლის იურიდიული პირების იურიდიულ/სამართლებრივ საკითხებზე პასუხისმგებელი შესაბამისი სტრუქტურული ერთეულების/ქვედანაყოფების/პირების საქმიანობის  ზედამხედველობა და კოორდინაცია.“.

2. მე-3 პუნქტის შემდეგ დაემატოს შემდეგი შინაარსის მე-4 პუნქტი:

„4. ამ მუხლის პირველი პუნქტის „ე“ ქვეპუნქტით გათვალისწინებული, შესაბამისი სამართლებრივი აქტების პროექტების საქართველოს მთავრობის სხდომაზე განსახილველად წარდგენა ხორციელდება საქართველოს მთავრობის რეგლამენტის შესაბამისად. ამასთან, დეპარტამენტს შესაბამისი სამართლებრივი აქტის პროექტი შემდგომი ინიციირების მიზნით, წარედგინება საქართველოს მთავრობის სხდომის დანიშვნამდე არაუგვიანეს 3 სამუშაო დღით ადრე,  დღის 13:00 საათისა. ვადის დაუცველად წარდგენილი სამართლებრივი აქტის პროექტის ინიციირება  ხორციელდება საქართველოს მთავრობის მომდევნო  სხდომაზე, თუ მინისტრის მიერ სხვა გადაწყვეტილება არ იქნა მიღებული.“.