„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის სპეციალური დანიშნულების ძალების მთავარი სამმართველოს დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 19 ოქტომბრის №140 ბრძანებაში ცვლილების შეტანის თაობაზე

1. მე-5 მუხლის:

ა) პირველი პუნქტის „ბ“ ქვეპუნქტის შემდგომ დაემატოს შემდეგი შინაარსის „გ“ ქვეპუნქტი:

„გ) სამინისტროს ხელმძღვანელი პირების პირადი უსაფრთხოების უზრუნველყოფა.“.

ბ) მე-2 პუნქტის „ლ“ ქვეპუნქტის შემდგომ დაემატოს შემდეგი შინაარსის ლ¹ და ლ² ქვეპუნქტები:

„ლ¹) საჭიროების შემთხვევაში, კომპეტენციის ფარგლებში, სამინისტროს სისტემის სარგებლობაში არსებული შენობა-ნაგებობების დაცვა;

ლ²) საჭიროების შემთხვევაში მინისტრის, მინისტრის პირველი მოადგილის/მოადგილის, დეპარტამენტის დირექტორის, დეპარტამენტის დირექტორის პირველი მოადგილის/მოადგილის და სხვა თანამდებობის პირების პირადი უსაფრთხოების დაცვა;“.

2. მე-6 მუხლის:

ა) პირველი პუნქტის „ზ“ ქვეპუნქტის შემdგომ დაემატოს შემდეგი შინაარსის „თ“ ქვეპუნქტი:

„თ) სპეციალური დაცვის სამმართველო.“;

ბ) მე-2 პუნქტი ჩამოყალიბდეს შემდეგი რედაქციით:

„2. სამმართველოები, საქართველოს კანონმდებლობით დადგენილი წესით, გარდა სპეციალური დანიშნულების ძალების მთავარი სამმართველოს შტაბისა (სამმართველო), კომპეტენციის ფარგლებში, უშუალოდ ასრულებენ საბრძოლო დავალებებს.“.

3. მე-7 მუხლის შემდეგ დაემატოს შემდეგი შინაარსის 7¹ მუხლი:

„მუხლი 7¹

სპეციალური დაცვის სამმართველო:

ა) საჭიროების შემთხვევაში, კომპეტენციის ფარგლებში, უზრუნველყოფს სამინისტროს სისტემის სარგებლობაში არსებული შენობა-ნაგებობების დაცვას;

ბ) საჭიროების შემთხვევაში უზრუნველყოფს მინისტრის, მინისტრის პირველი მოადგილის/მოადგილის, დეპარტამენტის დირექტორის, დეპარტამენტის დირექტორის პირველი მოადგილის/მოადგილის და სხვა თანამდებობის პირების პირად უსაფრთხოებას;

გ) კომპეტენციის ფარგლებში ასრულებს მინისტრის, მინისტრის პირველი მოადგილის/მოადგილის, დეპარტამენტის დირექტორისა და მთავარი სამმართველოს უფროსის ცალკეულ დავალებებსა და მითითებებს;

დ) კომპეტენციის ფარგლებში მონაწილეობს შესაბამისი სამართლებრივი აქტების პროექტების მომზადებაში;

ე) კომპეტენციის ფარგლებში უზრუნველყოფს სამმართველოში შემოსული  კორესპონდენციის განხილვას და  შესაბამის რეაგირებას;

ვ) ახორციელებს საქართველოს კანონმდებლობით განსაზღვრულ სხვა ფუნქციებს.“.