„საქართველოს სასჯელაღსრულებისა და პრობაციის სამინისტროს პენიტენციური დაწესებულებების ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე“ საქართველოს სასჯელაღსრულებისა და პრობაციის მინისტრის 2015 წლის 24 ნოემბრის №164 ბრძანებაში ცვლილების შეტანის შესახებ

1. მე-5 მუხლის შემდეგ დაემატოს შემდეგი შინაარსის 5¹ და 5² მუხლები:

„მუხლი 5¹

1. პენიტენციური დაწესებულების ადმინისტრაციული ასისტენტის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) სრული ზოგადი ან უმაღლესი განათლება;

ბ) მუშაობის გამოცდილება (სასურველია);

გ) საჯარო სამსახურში, სამხედრო ან სახელმწიფო სპეციალური წოდებით მუშაობის გამოცდილება (სასურველია);

დ) საოფისე კომპიუტერული პროგრამების ცოდნა;

ე) უცხო ენის ცოდნა (სასურველია);

ვ) მამაკაცებისათვის სამხედრო ბილეთი ან წვევამდელის მოწმობა.

2. პენიტენციური დაწესებულების ადმინისტრაციული ასისტენტის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კანონი „პატიმრობის კოდექსი“;

ბ) საქართველოს კანონი „სპეციალური პენიტენციური სამსახურის შესახებ“;

გ) იმ პენიტენციური დაწესებულების დებულება, სადაც მოსამსახურე ეწევა საჯარო სამსახურს.

მუხლი 5²

1. პენიტენციური დაწესებულების ინსპექტორი მძღოლის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) სრული ზოგადი ან უმაღლესი განათლება;

ბ) მუშაობის გამოცდილება (სასურველია);

გ) საჯარო სამსახურში, სამხედრო ან სახელმწიფო სპეციალური წოდებით მუშაობის გამოცდილება (სასურველია);

ე) საოფისე კომპიუტერული პროგრამების ცოდნა;

ვ) უცხო ენის ცოდნა (სასურველია);

ზ) მამაკაცებისათვის სამხედრო ბილეთი ან წვევამდელის მოწმობა;

თ) საქართველოს კანონმდებლობით გათვალისწინებული შესაბამისი კატეგორიის მართვის მოწმობა.

2. პენიტენციური დაწესებულების ინსპექტორი მძღოლის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კანონი „პატიმრობის კოდექსი“;

ბ) საქართველოს კანონი „სპეციალური პენიტენციური სამსახურის შესახებ“;

გ) იმ პენიტენციური დაწესებულების დებულება, სადაც მოსამსახურე ეწევა საჯარო სამსახურს.“.