ხელშეკრულება საქართველოს მთავრობასა და ყაზახეთის რესპუბლიკის მთავრობას შორის ყაზახეთის რესპუბლიკის მთავრობის მიერ საქართველოს მთავრობისთვის მიცემული სახელმწიფო კრედიტებით წარმოქმნილი საქართველოს მთავრობის დავალიანების განმეორებით რესტრუქტურიზაციაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

ხელშეკრულება საქართველოს მთავრობასა და ყაზახეთის რესპუბლიკის მთავრობას შორის ყაზახეთის რესპუბლიკის მთავრობის მიერ საქართველოს მთავრობისთვის მიცემული სახელმწიფო კრედიტებით წარმოქმნილი საქართველოს მთავრობის დავალიანების განმეორებით რესტრუქტურიზაციაზე
დოკუმენტის ნომერი	32/49
დოკუმენტის მიმღები	საქართველოს საგარეო საქმეთა მინისტრი
მიღების თარიღი	13/06/2017
დოკუმენტის ტიპი	საქართველოს საერთაშორისო ხელშეკრულება და შეთანხმება
გამოქვეყნების წყარო, თარიღი	ვებგვერდი, 06/02/2018
ძალაში შესვლის თარიღი	24/01/2018
სარეგისტრაციო კოდი	480610000.03.030.016518

PDF გადმოწერა

ხელშეკრულება

საქართველოს მთავრობასა და ყაზახეთის რესპუბლიკის მთავრობას შორის ყაზახეთის რესპუბლიკის მთავრობის მიერ საქართველოს მთავრობისათვის მიცემული სახელმწიფო კრედიტებით წარმოქმნილი საქართველოს მთავრობის დავალიანების განმეორებითი რესტრუქტურიზაციის შესახებ

საქართველოს მთავრობა (შემდგომში – ქართული მხარე) და ყაზახეთის რესპუბლიკის მთავრობა (შემდგომში – ყაზახური მხარე), შემდგომში ერთად წოდებულნი მხარეებად, ითვალისწინებენ რა:

1996 წლის 1 ივლისის შეთანხმებას საქართველოს მთავრობასა და ყაზახეთის რესპუბლიკის მთავრობას შორის საქართველოს მთავრობის დავალიანების რესტრუქტურიზაციის შესახებ იმ სახელმწიფო კრედიტებზე, რომლებიც გადასცა ყაზახეთის რესპუბლიკის მთავრობამ საქართველოს მთავრობას (შემდგომში – 1996 წლის ხელშეკრულება),

2003 წლის 25 სექტემბერს ყაზახეთის რესპუბლიკისა და საქართველოს ბანკებს შორის ამ ბანკების უფლებამოსილ წარმომადგენელთა მიერ ხელმოწერილ 1992 წლის საბოლოო ანგარიშსწორების აქტს საკორესპონდენტო ანგარიშების გახსნამდე (შემდგომში – აქტი),

2001 წლის 6 მარტს და 2004 წლის 21 ივლისს ქ. პარიზში ხელმოწერილ შეთანხმებულ ოქმებს საქართველოს ვალის კონსოლიდაციის შესახებ, საქართველოს მთავრობის წარმომადგენლისა და პარიზის კლუბის წევრი კრედიტორი-ქვეყნების მთავრობების წარმომადგენელთა მიერ (შემდგომში – შეთანხმებული ოქმები),

აგრეთვე, ორ ქვეყანას შორის მეგობრულ ურთიერთობათა შემდგომი განვითარებისა და განმტკიცების მიზნით,

მხარეები შეთანხმდნენ შემდეგზე:

მუხლი 1

მხარეები თანახმა არიან განახორციელონ ყაზახური მხარის მიერ ქართული მხარისათვის 1996 წლის ხელშეკრულების შესაბამისად გამოყოფილი 27774000,00 აშშ დოლარის ოდენობის კრედიტის განმეორებითი რესტრუქტურიზაცია.

მუხლი 2

აქტის შესაბამისად, ურთიერთანგარიშსწორების სალდო, ყაზახეთის რესპუბლიკის ეროვნულ ბანკსა და საქართველოს ეროვნულ ბანკს შორის 1992 წლის 1 იანვრიდან საკორესპონდენტო ანგარიშების გახსნამდე (1992 წლის 1 სექტემბერი) პერიოდში შეადგენს 482868063,43 რუბლს საქართველოს სასარგებლოდ.

მხარეები შეთანხმდნენ, განისაზღვროს აქტით დაფიქსირებული თანხის ეკვივალენტი 2293910,04 აშშ დოლარის ოდენობით.

მუხლი 3

მხარეებმა მოილაპარაკეს მოახდინონ წინამდებარე ხელშეკრულების მუხლსა 1 და მუხლ 2-ში მითითებული თანხების ურთიერთანგარიშსწორება 2293910,04 აშშ დოლარით.

ურთიერთანგარიშსწორების შედეგად დავალიანების ნეტო შეადგენს 25480089,96 აშშ დოლარს ყაზახური მხარის სასარგებლოდ.

ქართული მხარის 25480089,96 აშშ დოლარის ოდენობის დავალიანება არის ყაზახური მხარის მიერ ქართული მხარისათვის გამოყოფილი კრედიტის დასარეგულირებელი თანხა, 2017 წლის 1 იანვრის მდგომარეობით.

მუხლი 4

მხარეები შეთანხმდნენ, მოახდინონ 25480089,96 აშშ დოლარის მოცულობის დასარეგულირებელი თანხის რესტრუქტურირება შეთანხმებული ოქმების პირობებით.

მუხლი 5

1. კრედიტის დასარეგულირებელი თანხის შესაბამისი ძირითადი ვალის თანხა, რომელიც ექვემდებარება დაფარვას 2001 წლის 1 იანვრიდან 2002 წლის 31 დეკემბრის ჩათვლით, წინამდებარე ხელშეკრულების მიხედვით შეადგენს 10192035,98 აშშ დოლარს (შემდგომში – კონსოლიდირებული თანხა).

2. ქართული მხარე ვალდებულებას იღებს დაფაროს კრედიტის ძირითადი ვალის კონსოლიდირებული ნაწილი 2017 წლიდან 2021 წლის ჩათვლით ნახევარწლიური პერიოდულობით წინამდებარე ხელშეკრულების დანართი 1-ის შესაბამისად, რომელიც ეფუძნება დაფარვის დიფერენცირებულ გრაფიკს 2001 წლის 6 მარტის შეთანხმებული ოქმის შესაბამისად.

3. კრედიტის ძირითადი ვალის კონსოლიდირებული ნაწილის 2001 წლიდან 2016 წლის ჩათვლით გადასახდელი თანხები ქართული მხარის მიერ დაიფარება 2017 წლიდან 2021 წლის ჩათვლით ყოველკვარტალურად.

ასეთი გადახდების თარიღებად განისაზღვრება კრედიტის კონსოლიდირებული და კაპიტალიზებული თანხების გადახდის თარიღები წინამდებარე ხელშეკრულების მე-2 დანართის შესაბამისად.

4. კრედიტის კონსოლიდირებული თანხის მიხედვით ძირითადი ვალის 2017-2021 წლების გადასახდელები დაიფარება შესაბამისი წლის 30 ივნისამდე და 30 დეკემბრამდე. თანხის გადახდის დღედ ითვლება თანხის ჩარიცხვის დღე ყაზახური მხარის ცენტრალური ბანკის ანგარიშზე.

5. მხარეები შეთანხმდნენ, რომ კრედიტის კონსოლიდირებული თანხის მიხედვით ძირითადი ვალის გადასახდელების ამ მუხლის მე-3 და მე-4 პუნქტებში მითითებულ ვადებში დაუფარაობის შემთხვევაში, გადასახდელები ვადაგადაცილებულად ჩაითვლება.

მუხლი 6

1. ქართული მხარე ვალდებულებას იღებს დაფაროს კრედიტის კონსოლიდირებულ ნაწილზე 2017 წლიდან 2021 წლის ჩათვლით პერიოდში დარიცხული სარგებელი ნახევარწლიური პერიოდულობით წინამდებარე ხელშეკრულების დანართი 1-ის შესაბამისად.

2. კრედიტის ძირითადი ვალის კონსოლიდირებულ ნაწილზე 2001 წლიდან 2016 წლის ჩათვლით დარიცხული სარგებელი ქართული მხარის მიერ დაიფარება 2017 წლიდან 2021 წლის ჩათვლით ყოველკვარტალურად.

3. სარგებლის თანხის გასაანგარიშებლად კრედიტის კონსოლიდირებულ ნაწილს ერიცხება პროცენტი 4%-იანი (ოთხი პროცენტი) საპროცენტო განაკვეთით.

პროცენტის დარიცხვა მოხდება ყოველ 6 თვეში აღრიცხვის ნახევარწლიურ პერიოდში დღეების ფაქტობრივი რაოდენობისა და 360-დღიანი წელიწადის საფუძველზე და დაიფარება არაუგვიანეს იმ საანგარიშო ნახევარწლიური პერიოდის ბოლო დღისა, რომლის შესაბამისი გადახდაც უნდა განხორციელდეს.

4. კრედიტის კონსოლიდირებულ თანხაზე დარიცხული სარგებელი დაიფარება შესაბამისი წლის 30 ივნისამდე და 30 დეკემბრამდე. თანხის გადახდის დღედ ითვლება თანხის ჩარიცხვის დღე ყაზახური მხარის ცენტრალური ბანკის ანგარიშზე.

5. მხარეები შეთანხმდნენ, რომ კრედიტის კონსოლიდირებული თანხის მიხედვით ძირითად ვალზე დარიცხული სარგებლის გადასახდელების ამ მუხლის მე-4 პუნქტში მითითებულ ვადებში დაუფარაობის შემთხვევაში, ვადაგადაცილებულად ჩაითვლება.

მუხლი 7

1. 2003 წლის 1 იანვრიდან 2004 წლის 1 ივნისამდე კრედიტის თანხის დავალიანების 50% - 3185011,25 აშშ დოლარი დაიფარება ქართული მხარის მიერ 2004 წლის 21 ივლისის შეთანხმებული ოქმის პირობების შესაბამისად შემდეგი წესით:

● 2004 წელს – 11%

● 2005 წელს – 21%

● 2006 წელს – 18%

2. ქართული მხარე ვალდებულია ამ მუხლის პირველ პუნქტში მითითებული თანხა დაფაროს წინამდებარე ხელშეკრულების მე-5 მუხლის მე-3 პუნქტით დადგენილ ვადებში.

მუხლი 8

1. კრედიტის თანხის დავალიანების დანარჩენი 50% 2003 წლის 1 იანვრიდან 2004 წლის 1 ივნისამდე პერიოდში - 3185011,25 აშშ დოლარი და 2004 წლის 1 ივნისიდან 2005 წლის 31 დეკემბრამდე პერიოდში კრედიტის თანხის ძირითადი ვალისა და სარგებლის დავალიანებების თანხების კაპიტალიზაცია ხდება და შეადგენს 12374971,91 აშშ დოლარს (შემდგომში – კაპიტალიზებული თანხა).

ამასთან, კრედიტის დასარეგულირებელი თანხის სარგებელის გაანგარიშება 2004 წლის 1 ივნისიდან 2005 წლის 31 დეკემბრამდე პერიოდში განხორციელდა ქართული მხარის მიერ 2004 წლის ივნისში გადახდილი 90171,21 აშშ დოლარის ოდენობის სარგებელის გათვალისწინებით.

2. ქართული მხარე ვალდებულებას იღებს დაფაროს კრედიტის კაპიტალიზებული ნაწილის ძირითადი ვალის თანხა 2017 წლიდან 2025 წლის ჩათვლით ნახევარწლიური პერიოდულობით, წინამდებარე ხელშეკრულების მე-3 დანართის შესაბამისად, რომელიც ეფუძნება ვალის დაფარვის დიფერენცირებულ გრაფიკს 2004 წლის 21 ივლისის შეთანხმებული ოქმის შესაბამისად.

3. კრედიტის კაპიტალიზებული თანხის ძირითადი ვალის დასაფარად 2004 წლიდან 2016 წლამდე ჩათვლით გათვალისწინებული გადასახდელები ქართული მხარის მიერ დაიფარება 2017 წლიდან 2021 წლის ჩათვლით პერიოდში ყოველკვარტალურად.

4. კრედიტის კაპიტალიზებული თანხის მიხედვით ძირითადი ვალის 2017-2025 წლების გადასახდელები დაიფარება შესაბამისი წლის 1 მარტამდე და 1 სექტემბრამდე. თანხის გადახდის დღედ ითვლება თანხის ჩარიცხვის დღე ყაზახური მხარის ცენტრალური ბანკის ანგარიშზე.

5. მხარეები შეთანხმდნენ, რომ კრედიტის კაპიტალიზებული თანხის მიხედვით ძირითადი ვალის გადასახდელების ამ მუხლის მე-3 და მე-4 პუნქტებში მითითებულ ვადებში დაუფარაობის შემთხვევაში, ვადაგადაცილებულად ჩაითვლება.

მუხლი 9

1. ქართული მხარე ვალდებულებას იღებს დაფაროს კრედიტის კაპიტალიზებულ ნაწილზე დარიცხული სარგებელი 2017 წლიდან 2025 წლის ჩათვლით ნახევარწლიური პერიოდულობით, წინამდებარე ხელშეკრულების მე-3 დანართის შესაბამისად.

2. კრედიტის კაპიტალიზებულ თანხაზე დარიცხული სარგებლის დასაფარად 2004 წლიდან 2016 წლამდე ჩათვლით გათვალისწინებული გადასახდელები ქართული მხარის მიერ დაიფარება 2017 წლიდან 2021 წლის ჩათვლით პერიოდში ყოველკვარტალურად.

3. სარგებელის თანხის გასაანგარიშებლად კრედიტის კაპიტალიზებულ ნაწილს ერიცხება პროცენტი 4%-იანი (ოთხი პროცენტი) საპროცენტო განაკვეთით.

პროცენტის დარიცხვა მოხდება ყოველ 6 თვეში, აღრიცხვის ნახევარწლიურ პერიოდში დღეების ფაქტობრივი რაოდენობისა და 360-დღიანი წელიწადის საფუძველზე და დაიფარება არაუგვიანეს იმ საანგარიშო ნახევარწლიური პერიოდის ბოლო დღისა, რომლის შესაბამისი გადახდაც უნდა განხორციელდეს.

4. კრედიტის კაპიტალიზებულ თანხაზე დარიცხული სარგებელი დაიფარება შესაბამისი წლის 1 მარტამდე და 1 სექტემბრამდე. თანხის გადახდის დღედ ითვლება თანხის ჩარიცხვის დღე ყაზახური მხარის ცენტრალური ბანკის ანგარიშზე.

5. მხარეები შეთანხმდნენ, რომ კრედიტის კაპიტალიზებული თანხის მიხედვით ძირითად ვალზე დარიცხული სარგებლის გადასახდელების ამ მუხლის მე-4 პუნქტში მითითებულ ვადებში დაუფარაობის შემთხვევაში, ვადაგადაცილებულად ჩაითვლება.

მუხლი 10

1. იმ შემთხვევაში, თუ წინამდებარე ხელშეკრულების მე-5, მე-6, მე-7, მე-8 და მე-9 მუხლებში მითითებული ძირითადი თანხისა და სარგებელის მიხედვით კონსოლიდირებული და კაპიტალიზებული თანხების დასაფარად გადასახდელების გადახდა არ ხდება ამ ხელშეკრულებით და დანართი 2-ით დადგენილ ვადებში, ასეთი გადახდა ითვლება ვადაგადაცილებულად და მას ერიცხება პროცენტი წლიური 5%-იანი განაკვეთით ვადაგადაცილებული დავალიანების წარმოქმნის მომენტიდან მის სრულად დაფარვის თარიღამდე.

2. პროცენტი ვადაგადაცილებულ დავალიანებას დაერიცხება ვადაგადაცილების დღეების ფაქტობრივი რაოდენობისა და 360-დღიანი წელიწადის საფუძველზე.

3. ქართული მხარე ვალდებულებას იღებს დაფაროს საჯარიმო ვალის თანხა, რომლის საფუძველია ძირითადი ვალის თანხისა და/ან საპროცენტო ვალის თანხების ვადაგადაცილებით წარმოქმნილი დავალიანება, მის სრულად დაფარვამდე.

მუხლი 11

იმ შემთხვევაში, თუ ქართული მხარე ვერ შეასრულებს მის მიერ წინამდებარე ხელშეკრულების მე-5 მუხლის მე-2, მე-3 და მე-4 პუნქტებით, მე-6 მუხლის 1-ლი, მე-2 და მე-4 პუნქტებით, მე-7 მუხლის 2 პუნქტით, მე-8 მუხლის მე-2, მე-3 და მე-4 პუნქტებით, მე-9 მუხლის 1-ლი, მე-2 და მე-4 პუნქტებით აღებულ ვალდებულებებს, მაშინ იგი ვალდებულებას იღებს შეასრულოს გადახდები კონსოლიდირებული და კაპიტალიზებული თანხებითა და საპროცენტო თანხებით წარმოქმნილი დავალიანების დასაფარად, აგრეთვე, საჯარიმო ვალის გადასახდელების დასაფარად მის სრულად გადახდამდე.

ასეთი გადახდები შესრულდება შემდეგი რიგითობით:

1. დარიცხული საჯარიმო გადასახდელები;

2. დარიცხული სარგებლის გადასახდელები;

3. ძირითადი ვალის გადასახდელები.

მუხლი 12

1. იმ შემთხვევაში, თუ წინამდებარე ხელშეკრულების მიხედვით რომელიმე გადახდის თარიღი არასამუშაო საბანკო დღეს ემთხვევა ყაზახეთის რეპუბლიკაში ან საქართველოში, ასეთი გადახდა შესრულდება მომდევნო სამუშაო საბანკო დღეს.

2. მხარეთა ცენტრალური ბანკები ვალდებულნი არიან:

● წინამდებარე ხელშეკრულების ხელმოწერის თარიღიდან ერთი თვის ვადაში შეათანხმონ წინამდებარე ხელშეკრულების პირობებიდან გამომდინარე ანგარიშებისა და ანგარიშსწორების წარმოების ტექნიკური წესი;

● ოფიციალურად წარუდგინონ მხარეთა ფინანსთა სამინისტროებს მათ მიერ შეთანხმებული წინამდებარე ხელშეკრულების პირობებიდან გამომდინარე ანგარიშებისა და ანგარიშსწორების წარმოების ტექნიკური წესი, გაფორმებული მათ შორის ბანკთაშორისი შეთანხმების სახით;

● ერთმანეთისგან დამოუკიდებლად, საანგარიშო კვარტალის დასრულებიდან 10 (ათი) დღის ვადაში ოფიციალურად წარუდგინონ მხარეთა ფინანსთა სამინისტროებს ცნობა მხარეთა ანგარიშების მდგომარეობის შესახებ საანგარიშო კვარტალის დასრულების თარიღისთვის.

3. გადახდის თარიღად ითვლება ყაზახეთის მხარის ცენტრალური ბანკის ანგარიშზე თანხის ჩარიცხვის თარიღი.

მუხლი 13

მხარეთა ვალდებულებები წინამდებარე ხელშეკრულების მიხედვით უპირობოა და ყველა გადახდა სრულდება რაიმე ამოღების, დაკავების და ნებისმიერი სახის ურთიერთჩათვლის გარეშე, აგრეთვე, თავისუფალია მხარეთა სახელმწიფოების ტერიტორიაზე არსებული ყველა გადასახადის, საკომისიოსა და მოსაკრებლისგან.

მუხლი 14

წინამდებარე ხელშეკრულების დებულებები არ ეხება მხარეთა იმ უფლებებს და ვალდებულებებს, რაც სხვა საერთაშორისო შეთანხმებებიდან გამომდინარობს, რომელთა მონაწილეებიც ისინი არიან.

მუხლი 15

მხარეთა ურთიერთშეთანხმებით, წინამდებარე ხელშეკრულებაში შეიძლება შეტანილ იქნეს ცვლილებები და დამატებები, რაც გაფორმდება ცალკეული ოქმებით, რომლებიც, თავის მხრივ, წინამდებარე ხელშეკრულების განუყოფელ ნაწილს წარმოადგენს.

მუხლი 16

წინამდებარე ხელშეკრულების დებულებათა განმარტებისა და გამოყენების დროს დავის ან უთანხმოების შემთხვევაში, მხარეები აღნიშნულს გადაწყვეტენ მოლაპარაკების გზით.

თუ დავის დარეგულირება ვერ მიიღწევა მოლაპარაკების გზით, ასეთი დავა გადაწყვეტისთვის გაიგზავნება საარბიტრაჟო სასამართლოში ad hoc ЮНСИТРАЛ-ის საარბიტრაჟო რეგლამენტის შესაბამისად. ეს საარბიტრაჟო სასამართლო შედგება 3 არბიტრისგან, თითო არბიტრი თითოეული მომლაპარაკებელი მხარისგან, რომელიც დაინიშნება ერთი მომლაპარაკებელი მხარის მიერ მეორე მომლაპარაკებელი მხარისგან დავის საარბიტრაჟო გადაწყვეტილების მოთხოვნების მიღებიდან 30 დღის განმავლობაში, და მესამე არბიტრი, რომელიც ამ ორი არბიტრის მიერ არის თავმჯდომარედ შეთანხმებული, ასევე არჩეული მომდევნო 30 დღის განმავლობაში, იმ პირობით, რომ მესამე არბიტრი არ იქნება ნებისმიერი მომლაპარაკებელი მხარის სახელმწიფოს მოქალაქე.

თუ მესამე არბიტრი არ იქნება მომლაპარაკებელი მხარეების არბიტრების მიერ შეთანხმებული მომდევნო 30 დღის განმავლობაში, მაშინ მომლაპარაკებელი მხარეები მიმართავენ გაეროს საერთაშორისო სასამართლოს თავმჯდომარეს მესამე არბიტრის დანიშვნის თხოვნით, რომელიც არ უნდა იყოს ნებისმიერი მომლაპარაკებელი მხარის სახელმწიფოს მოქალაქე.

საარბიტრაჟო სასამართლო თავის გადაწყვეტილებებს იღებს ხმების უმრავლესობით დროის აუცილებელი პერიოდის განმავლობაში. ეს გადაწყვეტილებები უნდა იყოს საბოლოო და სავალდებულო.

ყოველი მომლაპარაკებელი მხარე თვითონ გაიღებს თავისი საკუთარი არბიტრის და საარბიტრაჟო პროცესში მისი წარმომადგენლობის ხარჯებს. სასამართლოს თავმჯდომარის საარბიტრაჟო ხარჯები, გაწეული მისი მოვალეობების შესრულების დროს, და საარბიტრაჟო სასამართლოს დარჩენილი ხარჯები იყოფა თანაბრად მომლაპარაკებელ მხარეთა შორის.

მუხლი 17

წინამდებარე ხელშეკრულება ძალაში შედის მისი ძალაში შესვლისთვის აუცილებელი შესაბამისი შიდასახელმწიფოებრივი პროცედურების შესრულების შესახებ მხარეთა მიერ ბოლო წერილობითი შეტყობინების დიპლომატიური არხებით მიღების შემდეგ.

წინამდებარე ხელშეკრულება წყვეტს მოქმედებას მხარეთა მიერ ამ ხელშეკრულებით განსაზღვრული ვალდებულებების სრულად შესრულების შემდეგ, დიპლომატიური არხების მეშვეობით, უკანასკნელი წერილობითი შეტყობინების დღიდან.

მუხლი 18

წინამდებარე ხელშეკრულების ძალაში შესვლის შემდეგ, 1996 წლის 1 ივლისის ხელშეკრულება ყაზახეთის რესპუბლიკის მთავრობასა და საქართველოს მთავრობას შორის ყაზახეთის რესპუბლიკის მთავრობის მიერ საქართველოს მთავრობისთვის მიცემული სახელმწიფო კრედიტებით წარმოქმნილი საქართველოს მთავრობის დავალიანების რესტრუქტურიზაციის შესახებ, წყვეტს თავის მოქმედებას.

შესრულებულია ქალაქ ასტანაში, 2017 წლის 13 ივნისს ორ დედნად, თითოეული მათგანი ქართულ-ყაზახურ, ქართულ და რუსულ ენებზე, ამასთან, სამივე ტექსტს თანაბარი ძალა აქვს.

ტექსტებს შორის განსხვავების არსებობის შემთხვევაში, მხარეები მიმართავენ რუსულენოვან ტექსტს.

საქართველოს მთავრობის ყაზახეთის რესპუბლიკის მთავრობის

სახელით სახელით

(ხელმოწერილია) (ხელმოწერილია)

საქართველოს მთავრობასა და

ყაზახეთის რესპუბლიკის მთავრობას შორის ყაზახეთის რესპუბლიკის მთავრობის მიერ საქართველოს მთავრობისთვის მიცემული სახელმწიფო კრედიტებით წარმოქმნილი საქართველოს მთავრობის დავალიანების განმეორებითი რესტრუქტურიზაციის შესახებ ხელშეკრულების

დანართი 1

პარიზის კლუბი 1
აღებული ვალდებულებები:			ძირითადი თანხის გადასახდელები 2001 წლის 1 იანვრიდან 2002 წლის 31 დეკემბრამდე

საკონსოლიდაციო თანხა					10 192 036 აშშ დოლარი
საპროცენტო განაკვეთი					4%
პროცენტის დარიცხვის წესი					ფაქტობრივი/360
გადახდების პერიოდულობა					ნახევარწლიური
ძირითადი თანხის პირველი დაფარვა					2005 წ. 30 ივნისი
საპროცენტო თანხის პირველი დაფარვა					2001 წ. 30 ივნისი

თარიღი	ნაშთი	დღეები	ძირითადი თანხა			პროცენტი	ჯამურად
31-Mar-01	1 274 004,50
30-Jun-01	2 548 009,00	91				12 881,60	12 881,60
30-Sep-01	3 822 013,49	92				26 046,31
31-Dec-01	5 096 017,99	92				39 069,47	65 115,79
31-Mar-02	6 370 022,49	90				50 960,18
30-Jun-02	7 644 026,99	91				64 408,01	115 368,19
30-Sep-02	8 918 031,49	92				78 138,94
31-Dec-02	10 192 035,98	92				91 162,10	169 301,04
30-Jun-03	10 192 035,98	181				204 973,17	204 973,17
31-Dec-03	10 192 035,98	184				208 370,51	208 370,51
30-Jun-04	10 192 035,98	182				206 105,62	206 105,62
31-Dec-04	10 192 035,98	184				208 370,51	208 370,51
30-Jun-05	10 136 998,99	181	0,54%	55 036,99		204 973,17	260 010,16
31-Dec-05	10 072 789,16	184	0,63%	64 209,83		207 245,31	271 455,14
30-Jun-06	9 999 406,50	181	0,72%	73 382,66		202 574,98	275 957,64
31-Dec-06	9 915 831,81	184	0,82%	83 574,70		204 432,31	288 007,01
30-Jun-07	9 822 065,08	181	0,92%	93 766,73		199 418,40	293 185,13
31-Dec-07	9 718 106,31	184	1,02%	103 958,77		200 806,66	304 765,43
30-Jun-08	9 602 936,30	182	1,13%	115 170,01		196 521,71	311 691,71
31-Dec-08	9 476 555,06	184	1,24%	126 381,25		196 326,70	322 707,94
30-Jun-09	9 337 943,37	181	1,36%	138 611,69		190 584,05	329 195,74
31-Dec-09	9 187 101,24	184	1,48%	150 842,13		190 909,06	341 751,20
30-Jun-10	9 023 009,46	181	1,61%	164 091,78		184 762,81	348 854,59
31-Dec-10	8 844 648,83	184	1,75%	178 360,63		184 470,42	362 831,05
30-Jun-11	8 652 019,35	181	1,89%	192 629,48		177 875,72	370 505,20
31-Dec-11	8 444 101,81	184	2,04%	207 917,53		176 885,73	384 803,26
30-Jun-12	8 220 896,22	182	2,19%	223 205,59		170 758,50	393 964,09
31-Dec-12	7 981 383,38	184	2,35%	239 512,85		168 071,66	407 584,50
30-Jun-13	7 725 563,28	181	2,51%	255 820,10		160 514,49	416 334,59
31-Dec-13	7 451 397,51	184	2,69%	274 165,77		157 944,85	432 110,62
30-Jun-14	7 158 886,08	181	2,87%	292 511,43		149 855,88	442 367,32
31-Dec-14	6 848 028,98	184	3,05%	310 857,10		146 359,45	457 216,55
30-Jun-15	6 516 787,81	181	3,25%	331 241,17		137 721,47	468 962,64
31-Dec-15	6 165 162,57	184	3,45%	351 625,24		133 232,11	484 857,35
30-Jun-16	5 792 134,05	182	3,66%	373 028,52		124 673,29	497 701,80
31-Dec-16	5 396 683,05	184	3,88%	395 451,00		118 416,96	513 867,96
30-Jun-17	4 977 790,37	181	4,11%	418 892,68		108 533,29	527 425,97
31-Dec-17	4 534 436,81	184	4,35%	443 353,57		101 768,16	545 121,72
30-Jun-18	4 066 622,36	181	4,59%	467 814,45		91 192,56	559 007,01
31-Dec-18	3 572 308,61	184	4,85%	494 313,75		83 139,83	577 453,58
30-Jun-19	3 050 476,37	181	5,12%	521 832,24		71 843,10	593 675,34
31-Dec-19	2 501 125,63	184	5,39%	549 350,74		62 365,29	611 716,03
30-Jun-20	1 922 217,99	182	5,68%	578 907,64		50 578,32	629 485,96
31-Dec-20	1 312 734,23	184	5,98%	609 483,75		39 298,68	648 782,43
30-Jun-21	671 655,17	181	6,29%	641 079,06		26 400,54	667 479,61
31-Dec-21	0,00	184	6,59%	671 655,17		13 731,62	685 386,79
სულ			100%	10 192 035,98		6 024 673,50	16 216 709,49

საქართველოს მთავრობასა და

დანართი 2

კონსოლიდირებული და კაპიტალიზებული თანხების დაფარვის გრაფიკი

აშშ დოლარებში

თარიღი	ძირითადი ვალი	პროცენტი	დავალიანების დაფარვა		გადახდები ჯამურად
თარიღი	ძირითადი ვალი	პროცენტი	ძირითადი ვალი	პროცენტი	გადახდები ჯამურად
01-09-17	1 161 390,99	458 253,44	1 800 000,00	1 500 000,00	4 919 644,43
30-12-17	443 353,57	101 768,16	600 000,00	500 000,00	1 645 121,73
01-03-18	391 049,11	162 191,47	600 000,00	500 000,00	1 653 240,58
30-06-18	467 814,45	91 192,56	600 000,00	500 000,00	1 659 007,01
01-09-18	403 424,08	156 884,94	600 000,00	500 000,00	1 660 309,02
30-12-18	494 313,75	83 139,83	600 000,00	500 000,00	1 677 453,58
01-03-19	417 036,55	146 213,73	600 000,00	500 000,00	1 663 250,28
30-06-19	521 832,24	71 843,10	600 000,00	500 000,00	1 693 675,34
01-09-19	430 649,02	140 111,08	600 000,00	500 000,00	1 670 760,10
30-12-19	549 350,74	62 365,29	600 000,00	500 000,00	1 711 716,03
01-03-20	444 261,49	129 879,46	600 000,00	500 000,00	1 674 140,95
30-06-20	578 907,64	50 578,32	600 000,00	500 000,00	1 729 485,96
01-09-20	459 111,46	122 224,02	600 000,00	500 000,00	1 681 335,48
30-12-20	609 483,75	39 298,68	600 000,00	500 000,00	1 748 782,43
01-03-21	475 198,92	110 998,00	600 000,00	500 000,00	1 686 196,92
30-06-21	641 079,06	26 400,54	600 000,00	500 000,00	1 767 479,60
01-09-21	490 048,89	103 122,57	600 000,00	500 000,00	1 693 171,46
30-12-21	671 655,17	13 731,62	148 068,58	244 342,75	1 077 798,12
01-03-22	506 136,35	91 585,79			597 722,14
01-09-22	523 461,31	82 756,11			606 217,42
01-03-23	540 786,27	70 879,44			611 665,71
01-09-23	558 111,23	60 998,16			619 109,39
01-03-24	576 673,69	49 048,89			625 722,58
01-09-24	596 473,65	37 798,11			634 271,76
01-03-25	616 273,60	25 186,09			641 459,69
01-09-25	636 073,56	13 004,17			649 077,73
	14 203 950,56	2 501 453,57	11 548 068,58	9 744 342,75	37 997 815,46

საქართველოს მთავრობასა და

დანართი 3

პარიზის კლუბი 2
	მიმდინარე და გადაუხდელი ძირითადი და საპროცენტო თანხები 2003 წლის 1 იანვრიდან 2004 წლის 31 მაისამდე + გადასახდელი ძირითადი და საპროცენტო თანხები 2004 წლის 1 ივნისიდან 2006 წლის 31 დეკემბრამდე

აღებული ვალდებულებები:


კონსოლიდირებული თანხა	15 559 983	აშშ დოლარი
ნაწილი 1	3 185 011	აშშ დოლარი
ნაწილი 2	12 374 972	აშშ დოლარი
საპროცენტო განაკვეთი	4%
პროცენტის დარიცხვის წესი	ფაქტიური/360
გადახდების პერიოდულობა	ნახევარწლიური
ნაწილი 1-ის ძირითადი თანხის პირველი დაფარვა	2004 წლის 1 ივნისი
ნაწილი 1-ის საპროცენტო თანხის პირველი დაფარვა	2004 წლის 1 ივნისი

ნაწილი 1
თარიღი	ნაშთი		დღეები	ძირითადი თანხა	პროცენტი	სულ
1-Jun-04	3 185 011,25
1-Dec-04	3 185 011,25	11%	183	700 702,47	64 761,90	765 464,37
1-Jun-05	2 484 308,77	10,5%	182	668 852,36	50 238,24	719 090,61
1-Dec-05	1 815 456,41	10,5%	183	668 852,36	36 914,28	705 766,64
1-Jun-06	1 146 604,05	9%	182	573 302,02	23 186,88	596 488,91
1-Dec-06	573 302,02	9%	183	573 302,02	11 657,14	584 959,17
სულ				3 185 011,25	186 758,44	3 371 769,69

ნაწილი 2-ის ძირითადი თანხის
პირველი დაფარვა 2011 წლის 1 მარტი

ნაწილი 2-ის საპროცენტო თანხის
პირველი დაფარვა 2004 წლის 1 სექტემბერი

თარიღი	ნაშთი		დღეები	ძირითადი თანხა	პროცენტი	სულ
1-Jun-04	3 185 011,25
30-Jun-04	4 459 015,74
1-Sep-04	4 459 015,74		63		31 213,11	31 213,11
30-Sep-04	5 811 159,18		29		14 367,94
31-Dec-04	7 150 279,47		92		59 402,96
1-Mar-05	7 150 279,47		60		47 668,53	121 439,43
31-Mar-05	8 475 244,14		30		23 834,26
30-Jun-05	9 787 893,45		91		85 694,14
1-Sep-05	9 787 893,45		63		68 515,25	178 043,65
30-Sep-05	11 087 944,26		29		31 538,77
30-Dec-05	12 374 971,91		91		112 111,44
1-Mar-06	12 374 971,91		61		83 874,81	227 525,01
1-Sep-06	12 374 971,91		184		252 999,43	252 999,43
1-Mar-07	12 374 971,91		181		248 874,44	248 874,44
1-Sep-07	12 374 971,91		184		252 999,43	252 999,43
1-Mar-08	12 374 971,91		182		250 249,43	250 249,43
1-Sep-08	12 374 971,91		184		252 999,43	252 999,43
1-Mar-09	12 374 971,91		181		248 874,44	248 874,44
1-Sep-09	12 374 971,91		184		252 999,43	252 999,43
1-Mar-10	12 374 971,91		181		248 874,44	248 874,44
1-Sep-10	12 374 971,91		184		252 999,43	252 999,43
1-Mar-11	12 127 472,48	2,00%	181	247 499,44	248 874,44	496 373,87
1-Sep-11	11 871 310,56	2,07%	184	256 161,92	247 939,44	504 101,36
1-Mar-12	11 611 436,15	2,10%	182	259 874,41	240 064,28	499 938,69
1-Sep-12	11 337 949,27	2,21%	184	273 486,88	237 389,36	510 876,24
1-Mar-13	11 055 799,91	2,28%	181	282 149,36	228 018,76	510 168,12
1-Sep-13	10 767 463,06	2,33%	184	288 336,85	226 029,69	514 366,53
1-Mar-14	10 466 751,24	2,43%	181	300 711,82	216 545,65	517 257,46
1-Sep-14	10 156 139,45	2,51%	184	310 611,80	213 986,91	524 598,71
1-Mar-15	9 834 390,18	2,60%	181	321 749,27	204 251,25	526 000,52
1-Sep-15	9 502 740,93	2,68%	184	331 649,25	201 058,64	532 707,89
1-Mar-16	9 159 954,21	2,77%	182	342 786,72	192 166,54	534 953,26
1-Sep-16	8 807 267,51	2,85%	184	352 686,70	187 270,17	539 956,87
1-Mar-17	8 442 205,84	2,95%	181	365 061,67	177 123,94	542 185,61
1-Sep-17	8 064 769,20	3,05%	184	377 436,64	172 596,21	550 032,85
1-Mar-18	7 673 720,08	3,16%	181	391 049,11	162 191,47	553 240,58
1-Sep-18	7 270 296,00	3,26%	184	403 424,08	156 884,94	560 309,03
1-Mar-19	6 853 259,45	3,37%	181	417 036,55	146 213,73	563 250,28
1-Sep-19	6 422 610,42	3,48%	184	430 649,02	140 111,08	570 760,10
1-Mar-20	5 978 348,93	3,59%	182	444 261,49	129 879,46	574 140,95
1-Sep-20	5 519 237,47	3,71%	184	459 111,46	122 224,02	581 335,48
1-Mar-21	5 044 038,55	3,84%	181	475 198,92	110 998,00	586 196,92
1-Sep-21	4 553 989,66	3,96%	184	490 048,89	103 122,57	593 171,45
1-Mar-22	4 047 853,31	4,09%	181	506 136,35	91 585,79	597 722,14
1-Sep-22	3 524 392,00	4,23%	184	523 461,31	82 756,11	606 217,42
1-Mar-23	2 983 605,73	4,37%	181	540 786,27	70 879,44	611 665,71
1-Sep-23	2 425 494,50	4,51%	184	558 111,23	60 998,16	619 109,39
1-Mar-24	1 848 820,80	4,66%	182	576 673,69	49 048,89	625 722,58
1-Sep-24	1 252 347,16	4,82%	184	596 473,65	37 798,11	634 271,76
1-Mar-25	636 073,56	4,98%	181	616 273,60	25 186,09	641 459,69
1-Sep-25	(0,00)	5,14%	184	636 073,56	13 004,17	649 077,73
სულ		100%		12 374 971,91	7 316 288	19 691 260