„საქართველოს შინაგან საქმეთა სამინისტროს მმართველობის სფეროში შემავალ სახელმწიფო საქვეუწყებო დაწესებულებაში – საქართველოს სასაზღვრო პოლიციაში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №1014 ბრძანებაში ცვლილების შეტანის თაობაზე

1. დაემატოს შემდეგი შინაარსის 4¹ მუხლი:

„მუხლი 4¹. სასაზღვრო პოლიციის მოსამსახურეთა (გარდა სამხედრო ან სპეციალური წოდების მქონე მოსამსახურისა) თანამდებობების რანგირება 

1. შტატით გათვალისწინებულ თანამდებობაზე სასაზღვრო პოლიციის მოსამსახურის (გარდა სამხედრო ან სპეციალური წოდების მქონე მოსამსახურისა) თითოეული თანამდებობა შეესაბამება თითო კარიერულ საფეხურს და ნაწილდება შემდეგ იერარქიულ რანგებში:

ა) პირველი რანგი – მაღალი მმართველობითი დონე;

ბ) მეორე რანგი – საშუალო მმართველობითი დონე;

გ) მესამე რანგი – უფროსი სპეციალისტის დონე;

დ) მეოთხე რანგი – უმცროსი სპეციალისტის დონე.

 2. პირველი რანგი არის ყველაზე მაღალი იერარქიული რანგი, ხოლო მეოთხე რანგი – ყველაზე დაბალი იერარქიული რანგი.

3. ამ მუხლის პირველი პუნქტით განსაზღვრულ იერარქიულ რანგებში თანამდებობები ნაწილდება თითოეული თანამდებობის ფუნქციების შესაბამისი შემდეგი ფაქტორების მიხედვით:

ა) პასუხისმგებლობა;

ბ) მოვალეობათა შესრულების სირთულე;

გ) კომპეტენციები;

დ) აუცილებელი კვალიფიკაცია;

ე) სამუშაო გამოცდილება.

4. ამ მუხლის პირველი პუნქტით გათვალისწინებული მოსამსახურის თანამდებობის მიმართ მოქმედებს შემდეგი იერარქია:

ა) პირველადი სტრუქტურული ერთეულის  ხელმძღვანელის თანამდებობა;

ბ) პირველადი სტრუქტურული ერთეულის  ხელმძღვანელის მოადგილის თანამდებობა;

გ) მეორადი სტრუქტურული ერთეულის ხელმძღვანელის თანამდებობა;

დ) პირველი კატეგორიის უფროსი სპეციალისტის თანამდებობა;

ე)  მეორე კატეგორიის უფროსი სპეციალისტის თანამდებობა;

ვ)  მესამე კატეგორიის უფროსი სპეციალისტის თანამდებობა;

ზ) პირველი კატეგორიის უმცროსი სპეციალისტის  თანამდებობა;

თ) მეორე კატეგორიის უმცროსი სპეციალისტის თანამდებობა;

ი) მესამე კატეგორიის უმცროსი სპეციალისტის თანამდებობა.

5. ამ მუხლის პირველი პუნქტით გათვალისწინებული მოსამსახურის ამა თუ იმ თანამდებობისადმი კუთვნილება განისაზღვრება საშტატო განრიგით, ამ მუხლის მე-3 პუნქტში აღნიშნული ფაქტორების გათვალისწინებით, რაც წარმოადგენს თანამდებობის/პოზიციის ფუნქციური დატვირთვის განსაზღვრას.“.

2. 9​¹ მუხლის:

ა) მე-7 პუნქტი ჩამოყალიბდეს შემდეგი რედაქციით:

„7. შტატით გათვალისწინებულ თანამდებობაზე სასაზღვრო პოლიციის მოსამსახურის (გარდა სამხედრო ან სპეციალური წოდების მქონე მოსამსახურისა) თანამდებობრივი სარგოს დადგენა ხორციელდება აღნიშნული მოსამსახურის ამა თუ იმ თანამდებობისადმი კუთვნილებისა და მისი ფუნქციური დატვირთვის განსაზღვრისას.“;

ბ) დაემატოს შემდეგი შინაარსის მე-8 და მე-9 პუნქტები:

„8. შტატით გათვალისწინებულ თანამდებობაზე სასაზღვრო პოლიციის მოსამსახურის (გარდა სამხედრო ან სპეციალური წოდების მქონე მოსამსახურისა) თანამდებობრივი სარგო დგინდება საშტატო განრიგით, „საჯარო დაწესებულებაში შრომის ანაზღაურების შესახებ“ საქართველოს კანონის შესაბამისად, ამ წესის 4¹ მუხლის მე-5 პუნქტის თანახმად განსაზღვრული თანამდებობრივი იერარქიისა და ფუნქციური დატვირთვის გათვალისწინებით.

9. სასაზღვრო პოლიციაში ხელფასისა (თანამდებობრივი და წოდებრივი სარგოები) და დანამატის ოდენობა განისაზღვრება საქართველოს კანონმდებლობით დადგენილი წესით.“.