„გურჯაანის მუნიციპალიტეტის მერიის დებულების დამტკიცების შესახებ“ გურჯაანის მუნიციპალიტეტის საკრებულოს 2017 წლის 20 ნოემბრის №34 დადგნილებაში ცვლილების შეტანის თაობაზე

1.  პირველი მუხლის მე-2 პუნქტი ჩამოყალიბდეს შემდეგი რედაქციით:

„2. მერია შედგება სტუქტურული ერთეულებისაგან.“

2. მეორე თავის სათაური ჩამოყალიბდეს შემდეგი რედაქციით:

„მერიის  თანამდებობის პირები და მათი უფლებამოსილებები“

3. მე-5 მუხლის სათაური და პირველი პუნქტი ჩამოყალიბდეს შემდეგი რედაქციით:

„მუხლი 5. მერიის  თანამდებობის პირები

1. მერიის  თანამდებობის პირები არიან:“

4.  მე-5 მუხლის მესამე პუნქტი ჩამოყალიბდეს შემდეგი რედაქციით:

„3. მერიის თანამდებობის პირების უფლებამოსილება, არჩევა-გადაყენების, დანიშვნა-გათავისუფლების და საქმიანობის წესი განისაზღვრება ადგილობრივი თვითმმართველობის კოდექსით, „საჯარო  სამსახურის  შესახებ“  საქართველოს  კანონით და   ამ დებულებით.“

5. მე-6  მუხლის მესამე პუნქტის „გ.ე.“ ქვეპუნქტი ჩამოყალიბდეს შემდეგი რედაქციით:

„გ.ე) მუნიციპალიტეტის სახელითა და საკრებულოს თანხმობით იღებს სესხს საქართველოს ორგანული კანონით „ადგილობრივი თვითმმართველობის კოდექსი“  და საქართველოს სხვა საკანონმდებლო აქტებით დადგენილი წესით;“

6. მე-6  მუხლის მესამე პუნქტის „დ.ბ.“ ქვეპუნქტი ჩამოყალიბდეს შემდეგი რედაქციით:

„დ.ბ) საკრებულოს თანხმობით იღებს გადაწყვეტილებებს: შესაბამისი კერძო სამართლის იურიდიული პირის დაფუძნების, რეორგანიზაციისა და ლიკვიდაციის შესახებ; საქართველოს ორგანული კანონის „ადგილობრივი თვითმმართველობის კოდექსი“ შესაბამისად, კერძო სამართლის იურიდიული პირის დაფუძნებაში მონაწილეობისა და მასში გაწევრების შესახებ; მეწარმე იურიდიული პირის წილის/აქციების შეძენის შესახებ;

7. მე-6  მუხლის მესამე პუნქტის „ე.თ.“ ქვეპუნქტი ჩამოყალიბდეს შემდეგი რედაქციით:

„ე.თ) უზრუნველყოფს საქართველოს ორგანული კანონის „ადგილობრივი თვითმმართველობის კოდექსის“ მე- 16 და მე-17 მუხლებით გათვალისწინებული მუნიციპალიტეტის სხვა უფლებამოსილებების განხორციელებას საქართველოს ორგანული კანონით „ადგილობრივი თვითმმართველობის კოდექსი“, საქართველოს სხვა საკანონმდებლო და კანონქვემდებარე ნორმატიული აქტებით და საკრებულოს მიერ დადგენილი წესით;

8. მე-7  მუხლი ჩამოყალიბდეს შემდეგი რედაქციით:

„მერის  პირველ მოადგილეს თანამდებობაზე ნიშნავს და თანამდებობიდან ათავისუფლებს მერი. მერის უფლებამოსილების შეჩერების ან შეწყვეტის შემთხვევაში მის მოვალეობას მერის უფლებამოსილების აღდგენამდე ან ახალი მერის არჩევამდე ასრულებს მერის პირველი მოადგილე, თუ მერის პირველი მოადგილე თანამდებობაზე დანიშნული არ არის – მერის მოადგილე, ხოლო თუ მერს ორი ან ორზე მეტი მოადგილე ჰყავს – მერის უხუცესი მოადგილე. თუ მერის პირველი მოადგილე ან მერის მოადგილე დანიშნული არ არის, მერის მოვალეობას მერის უფლებამოსილების აღდგენამდე ან ახალი მერის არჩევამდე ასრულებს მუნიციპალიტეტის საკრებულოს თავმჯდომარე. საქართველოს ორგანული კანონის „ადგილობრივი თვითმმართველობის კოდექსი“ 56-ე მუხლის „დ“ ან „ე“ ქვეპუნქტით გათვალისწინებული საფუძვლით უფლებამოსილების შეჩერების შემთხვევაში მერის მოვალეობას ასრულებს მისი პირველი მოადგილე, ხოლო მერის პირველი მოადგილის თანამდებობაზე არყოფნის ან მის მიერ მოვალეობის შესრულების შეუძლებლობის შემთხვევაში − მერის მოადგილე.“

9. მე-9  მუხლის პირველი პუნქტი ჩამოყალიბდეს შემდეგი რედაქციით:

„1. მერიის სტრუქტურული ერთეულის ხელმძღვანელია ადგილობრივი თვითმმართველობის მოხელე,  რომელსაც  თანამდებობაზე  ნიშნავს და  თანამდებობიდან ათავისუფლებს მერი „საჯარო სამსახურის შესახებ“ საქართველოს კანონით დადგენილი წესით.“

10. მე-9  მუხლის მეოთხე პუნქტი ჩამოყალიბდეს შემდეგი რედაქციით:

„4 მერიის სტრუქტურული ერთეულის ხელმძღვანელის თანამდებობრივი შეუთავსებლობის, აგრეთვე უფლებამოსილების შეჩერებისა და შეწყვეტის საკითხები წესრიგდება „საჯარო სამსახურის შესახებ“ საქართველოს კანონით. “

11.  მე-10  მუხლის პირველი პუნქტი ჩამოყალიბდეს შემდეგი რედაქციით:

„1. მერია შედგება სტრუქტურული ერთეულებისაგან.“

12.  მე-15  მუხლის პირველი პუნქტი ჩამოყალიბდეს შემდეგი რედაქციით:

„1. მერის  წარმომადგენელი არის ადგილობრივი თვითმმართველობის საჯარო მოხელე, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ათავისუფლებს  მერი.“

13. მე-17  მუხლის მეორე პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) დადგენილი წესით ისარგებლოს  შვებულებით პროფესიული განვითარებისთვის“;

14. 27-ე მუხლის პირველი პუნქტი ჩამოყალიბდეს შემდეგი რედაქციით:

„1. მერიის  უფლებამოსილება შეიმუშავოს საკრებულოს სამართლებრივი აქტის პროექტი;“

15. 29-ე მუხლი ამოღებული იქნეს;

16. 30-ე  მუხლი ჩამოყალიბდეს შემდეგი რედაქციით:

„მუხლი 30. მერიის საქმისწარმოება

მერიის ადმინისტრაციული სამსახური უზრუნველყოფს მერიის ადმინისტრაციულ წარმოებაში დოკუმენტების  მიღების, აღრიცხვის,  მომზადების, გაფორმების, მოძრაობის,  შესრულებაზე კონტროლის, შენახვისა  და გამოყენების პროცედურების     მოქმედი კანონმდებლობის მოთხოვნათა დაცვით განხორციელებას.“.

17. 34-ე მუხლის მე-2 პუნქტი ამოღებული იქნეს;

18. 36-ე მუხლის მე-2 და მე-3 პუნქტები ჩამოყალიბდეს შემდეგი რედაქციით:

„2. მერიის საჯარო ინფორმაციის   ხელმისაწვდომობის  უზრუნველყოფაზე, ასევე საჯარო ინფორმაციის  ელექტრონული ფორმით გაცემასა და პროაქტიულად გამოქვეყნებაზე პასუხისმგებელ პირს საქართველოს  ზოგადი  ადმინისტრაციული  კოდექსით   განსაზღვრული   წესით   განსაზღვრავს  მერი.

3. საჯარო ინფორმაციის გაცემა ან/და პროაქტიული გამოქვეყნება ხორციელდება საქართველოს ორგანული კანონის „ადგილობრივი თვითმმართველობის კოდექსი“ 85¹ მუხლის, „საქართველოს ზოგადი ადმინისტრაციული კოდექსის“ და სხვა საკანონმდებლო ან/და კანონქვემდებარე ნორმატიული აქტების მოთხოვნათა დაცვით  .“

19. 37-ე - 41-ე მუხლები ამოღებული იქნეს;

20.  42-ე მუხლის მე-3 პუნქტი ჩამოყალიბდეს შემდეგი რედაქციით:

„3. მერიის  თანამდებობის პირების ინდივიდუალური სამართლებრივი აქტები,   გარდა    საჯარო  ადმინისტრაციული  წარმოებით გამოცემული   ინდივიდუალური    სამართლებრივი  აქტებისა და იმ ბრძანებებისა,   რომლებიც    შეეხება   50-ზე მეტი პირის  უფლება-მოვალეობებს,   ძალაშია  დადგენილი  წესით გაცნობისთანავე.

21. 44-ე მუხლის მე-2 პუნქტი ჩამოყალიბდეს შემდეგი რედაქციით:

„მერიის რეორგანიზაცია ხორციელდება „საჯარო სამსახურის შესახებ“ საქართველოს კანონითა და „პროფესიული საჯარო მოხელის მობილობის წესის შესახებ“ საქართველოს მთავრობის 2017 წლის 20 აპრილის №199 დადგენილებით განსაზღვრული წესით.“.