„საჯარო სამართლის იურიდიული პირის – გენერალ გიორგი კვინიტაძის სახელობის კადეტთა სამხედრო ლიცეუმის დაფუძნებისა და წესდების დამტკიცების შესახებ“ საქართველოს თავდაცვის მინისტრის 2010 წლის 2 აგვისტოს №515 ბრძანებაში ცვლილების შეტანის თაობაზე

1. მე-3 მუხლს დაემატოს ,,ლ“ და ,,მ“ ქვეპუნქტები შემდეგი რედაქციით:

„ლ) სასწავლო პროცესის დაგეგმარებისა და მონიტორინგის განყოფილება;

მ) ვირტუალური სიმულატორების სწავლების განყოფილება.“.

2. მე-6 მუხლის პირველი პუნქტი ჩამოყალიბდეს შემდეგი რედაქციით:

„1. დირექცია შედგება დირექტორის, მისი მოადგილის/მოადგილეების, ბუღალტერიის, მთავარი სერჟანტისა და იურისტისაგან.“.

3. მე-7 მუხლის შემდეგ დაემატოს 7¹ და 7² მუხლები შემდეგი რედაქციით:

„მუხლი 7¹. მთავარი  სერჟანტი

მთავარი სერჟანტი უზრუნველყოფს:

ა) ლიცეუმში დისციპლინის და წესრიგის განმტკიცებას;

ბ) ლიცეუმში დასაქმებული სერჟანტების მუშაობის პროცესის ხელშეწყობას;

გ) კომპეტენციის ფარგლებში ლიცეუმის უსაფრთხოების წესების დაცვის ხელშეწყობას;

დ) დირექტორის ბრძანებებისა და მითითების შესრულებას.

მუხლი 7². ლიცეუმის იურისტი

ლიცეუმის იურისტი ახორციელებს:

ა) საქართველოს მოქმედი კანონმდებლობის, საქართველოს თავდაცვის სამინისტროსა და საქართველოს განათლებისა და მეცნიერების სამინისტროს სამართლებრივი აქტების შესაბამისად ლიცეუმის სამართლებრივ უზრუნველყოფას;

ბ) ლიცეუმის სამართლებრივი აქტების პროექტების მომზადებასა და ვიზირებას;

გ) ლიცეუმში დისციპლინისა და წესრიგის განმტკიცებასთან დაკავშირებულ ღონისძიებებში მონაწილეობას;

დ) ლიცეუმის მოსამსახურეთათვის სამსახურებრივ საკითხებთან დაკავშირებით სამართლებრივი კონსულტაციის გაწევა/კოორდინაციას;

ე) საქართველოს კანონმდებლობით განსაზღვრულ სხვა უფლებამოსილებებს.”.

4. მე-16 მუხლის შემდეგ დაემატოს 16¹ და 16² მუხლები შემდეგი რედაქციით:

„მუხლი 16¹. სასწავლო დაგეგმარებისა და მონიტორინგის განყოფილება

სასწავლო დაგეგმარებისა და მონიტორინგის განყოფილება უზრუნველყოფს:

ა) ლიცეუმის სასწავლო პროცესის დაგეგმვას, შესრულებასა და მონიტორინგს;

ბ) სასწავლო პროცესში გამოვლენილი პრობლემების კვლევასა და ანალიზს.

მუხლი 16². ვირტუალური სიმულატორების სწავლების განყოფილება

ვირტუალური სიმულატორების სწავლების განყოფილება უზრუნველყოფს:

ა) დაწყებითი სამხედრო  მომზადების შესწავლას სიმულაციური სისტემების გამოყენებით;

ბ) თეორიულ-პრაქტიკული ამოცანებისა და  კომბინირებული საბრძოლო შეიარაღების დაუფლებას.“.