ბორჯომის მუნიციპალიტეტში, ბაკურიანის სარეკრეაციო ტერიტორიაზე მდებარე მიწის ნაკვეთების განაშენიანების რეგულირების გეგმის გეგმარებითი დავალების დამტკიცების შესახებ

1.             

ტერიტორიის დახასიათება და ქალაქთმშენებლობითი განვითარების შესაძლებლობები

·მიწის ნაკვეთი განთავსებულია ბორჯომის რაიონში, დაბა ბაკურიანში, საერთო ფართობია 5031.00 კვ.მ.

·ტერიტორია თავისუფალია შენობა-ნაგეგბობებისაგან. ნაკვეთი გარშემორტყმულია ტყით.

· ტერიტორია თავისი ადგილმდებარეობით და ფართობით საშუალებას იძლება დამუშავდეს ტერიტორიის განაშენიანების რეგულირების გეგმა. განაშენიანებვის რეგულირების გეგმით განისაზღვროს კონკრეტული ფუნქციური  ზონები გეგმარებითი დავალებით დადგენილი პარამეტრების შესაბამისად.

       2.             

შენობა-ნაგებობის არქიტექტურულ-კომპოზიციური გადაწყვეტა და კავშირი მიმდებარე გარემოსთან

·ტერიტორიის რელიეფიდან და არსებული ნარგავების მდებარეობიდან განისაზღვროს ახალი შენობა-ნაგებობების ადგილმდებარეობა და მათი მოცულობითი კომპოზიცია

· კომპლექსი დაპროექტდეს ტერიტორიისთვის დადგენილ საზღვრებში.

· იმ შემთხვევაში, თუ მოხდება ახალი შენობა-ნაგებობისთვის მიწის ნაკვეთის გამიჯვნა, თითოეული მიწის ნაკვეთი უნდა იყოს საინჟინრო და სატრანსპორტო ინფრასტრუქტურით სათანადოდ უზრუნველყოფილი, რისთვისაც მინიმალური პირობაა მშენებლობადამთავრებულ ობიექტთან მინიმუმ ერთი მისასვლელის არსებობა, მათ შორის, სერვიტუტის გამოყენებით.

·გამოყენებულ იქნეს მაღალი ხარისხის სამშენებლო მასალა.

·  ღია და დახურული ავტოსადგომები მოეწყოს შემდეგი გაანგარიშებით: ბინების შემთხვევაში 1 ბინაზე – 1 ავტოსადგომი; სასტუმროს შემთხვევაში 2 ნომერზე- 1 ავტოსადგომი.

       3.             

მიწის ნაკვეთზე არსებული შენობა- ნაგებობების დანგრევა და გადატანა, ან მათი სივრცით- გეგმარებითი მოწყობის შეცვლა

·  განისაზღვროს განაშენიანების რეგულირების გეგმის პროექტით.

       4.             

მოთხოვნები და იმ ფიზიკური და იურიდიული პირების უფლებების დაცვაზე, რომელთა ინტერესებსაც ეხება ტერიტორიის სამშენებლო განვითარება (საკადასტრო ერთეულების გაერთიანება-შერწყმა, ახალი სერვიტუტების წარმოქმნა, ინსოლაცია, ბუნებრივი განათება, ჩაუხედავობა და სხვა)

· განისაზღვროს ტერიტორიის განაშენიანების რეგულირების გეგმის პროექტით, ქვეყანაში დადგენილი სამართლებრივ-ნორმატიული მოთხოვნების საფუძველზე.

· დაცული იქნეს მიწის ნაკვეთის საზღვარზე (მიჯნაზე) სამშენებლო წესებისა და ნორმების მოთხოვნები.

· შენობების განთავსების ადგილები განისაზღვროს ზოგადი საინჟირნო-გეოლოგიური დასკვნების შესაბამისად, რომელიც წარმოდგენილი უნდა იქნეს განაშენიანების რეგულირების გეგმის პროექტის შეთანხმებისას.

       5.             

ტერიტორიაზე არსებული მწვანე ნარგავების შენარჩუნება, ტერიტორიის კეთილმოწყობა და გარემოს დაცვის პირობები

· მაქსიმალურად შენარჩუნებულ იქნეს ტერიტორიაზე არსებული ხე-ნარგავები  (არსებობის შემთხვევაში).

მათი გადარგვის ან მოჭრის შემთხვევაში შეთანხმებულ იქნეს შესაბამის სამსახურებთან.

·წარმოდგენილ იქნეს საპროექტო ტერიტორიის კეთილმოწყობის სქემა.

·გრგ-ის დამუშავებისას გათვალისწინებულ იქნეს გარემოსდაცვითი და სანიტარული კანონმდებლობის მოთხოვნები.

· მიეთითოს ტერიტორიაზე ნაგვის ურნების განთავსების ადგილები.

· გათვალისწინებული იქნეს რელიეფის და განაშენიანების ხასიათი, ბუნებრივ ლანშაფტთან თანაფარდობა და ტერიტორიის მიმდებარედ არსებული საინჟინრო ქსელი.

       6.             

ტერიტორიის და მისი გეგმარებითი არეალის საინჟინროკომუნალური, სატრანსპორტო  და სოციალური ინფრასტრუქტურით უზრუნველყოფა

· საპროექტო შენობის მოშენების კონტურები, მოცულობით-კომპოზიციური გადაწყვეტა განისაზღვროს ტერიტორიის განაშენიანების რეგულირების გეგმის პროექტით.

· პროექტით გათვალისწინებულ იქნეს ძირითად სატრანსპორტო ქსელთან მყარი კავშირები.

· ტერიტორია უზრუნველყოფილი უნდა იყოს ნორმატიული პარამეტრების მქონე შიდა სატრანსპორტო  ქსელით. ტრანსპორტის, ფეხმავალთა გადაადგილებისთვის და სახანძრო-საავარიო მომსახურებისთვის.

·განაშენიანების რეგულირების გეგმის დამუშავებისას გათვალისწინებულ იქნეს შენობების უზრუნველყოფა საინჟინრო ინფრასტრუქტურით (წყალმომარაგება, კანალიზაცია, სანიაღვრე არხები, ელექტროენერგია, გაზმომარაგება, კავშირგაბმულობა).

       1.             

მიწის ნაკვენების ფართობი

5031.00 მ²

       2.             

ტერიტორიის განაშენიანების მაქსიმალური კოეფიციენტი კ¹

0,3

       3.             

ტერიტორიის განაშენიანების ინტენსივობის მაქსიმალური კოეფიციენტი კ²

-

       4.             

ტერიტორიაზე შენობების მაქსიმალური სიმაღლე

11 მეტრი ფასადის სიმაღლე;

15 მეტრი კეხში;

       5.             

ტერიტორიის განმწვანების კოეფიციენტი კ³

0,3

       6.             

ა) განაშენიანების რეგულირების ხაზები(წითელი ხაზები)

ბ) განაშენიანების  სავალდებულო ხაზები (ლურჯი ხაზები)

ა) ბაკურიანი-მიტარბის  შემაერთებელი გზის  ორივე მხრიდან 6 მეტრი;

ბ) განისაზღვროს გრგ-ის პროექტით.

       7.             

ა) ავტომანქანების ღია სადგომების რაოდენობა;

ბ) ავტომანქანების მიწისქვეშა სადგომების რაოდენობა

განისაზღვროს  გრგ-ის პროექტით.

       8.             

შენობის მაქსიმალური სართულიანობა

4 მიწისზედა სართული