„საქართველოს ფინანსთა სამინისტროს საგამოძიებო სამსახურის დებულების დამტკიცების თაობაზე“ საქართველოს ფინანსთა მინისტრის 2009 წლის 30 ნოემბრის №790 ბრძანებაში ცვლილების შეტანის შესახებ

 1. მე-3 მუხლის:

 ა) მე-2 პუნქტის „გ¹“ ქვეპუნქტის შემდეგ დაემატოს შემდეგი შინაარსის „გ²“ და „გ³“ ქვეპუნქტები:

 „გ²) ინფორმაციული ტექნოლოგიებით უზრუნველყოფის სამმართველო;

 გ³) ოპერატიული აღრიცხვის სამმართველო;“.

 ბ) მე-3 პუნქტი ჩამოყალიბდეს შემდეგი რედაქციით:

 „3. სამსახურის სტრუქტურული ერთეული შეიძლება შედგებოდეს სტრუქტურული ქვედანაყოფებისაგან – მთავარი სამმართველოსგან/სამმართველოსგან.“.

 2. მე-4 მუხლის:

ა) პირველი პუნქტის „დ“ ქვეპუნქტი ამოღებულ იქნეს;

ბ) მე-5 პუნქტი ამოღებულ იქნეს.

3. 4³ მუხლის შემდეგ დაემატოს შემდეგი შინაარსის 4⁴ და 4⁵ მუხლები:

 „მუხლი 4⁴. ინფორმაციული ტექნოლოგიებით უზრუნველყოფის სამმართველო

 ინფორმაციული ტექნოლოგიებით უზრუნველყოფის სამმართველოს ძირითადი ამოცანებია:

 ა) საგადასახადო მონაცემთა ელექტრონულ ბაზასთან მომხმარებლის დონეზე დაკავშირება, დამუშავება, სისტემატიზაცია და წარმართვა;

 ბ) საინფორმაციო-საძიებო კომპიუტერული სისტემების დანერგვა და ექსპლუატაცია;

 გ) სამსახურის ერთიანი კომპიუტერული ქსელის შექმნა-ადმინისტრირება;

 დ) სამსახურის ცენტრალური და რეგიონალური ოფისების ინტერნეტით და სამსახურის მონაცემთა ბაზებთან კავშირით უზრუნველყოფა;

 ე) სამსახურის საქმიანობაში თანამედროვე საინფორმაციო-საკომუნიკაციო ტექნოლოგიების დანერგვა, ინფორმაციული ტექნოლოგიებისა და კომუნიკაციების საშუალებით სამსახურის გამართული ფუნქციონირების ხელშეწყობა.

 მუხლი 4⁵. ოპერატიული აღრიცხვის სამმართველო

 ოპერატიული აღრიცხვის სამმართველოს ძირითადი ამოცანაა: ოპერატიული ინფორმაციის, ოპერატიული აღრიცხვის საქმეების და საიდუმლო თანამშრომელთა აღრიცხვა, სამსახურის შესაბამისი ორგანოებისათვის ოპერატიულ-სამძებრო საქმიანობის განხორციელებისათვის მეთოდური და პრაქტიკული დახმარების გაწევა; სამსახურში საიდუმლო რეჟიმის, კონსპირაციის დაცვის უზრუნველყოფა და კონტროლი, სამსახურის საიდუმლო საქმისწარმოების ორგანიზება.“.

 4. მე-5 მუხლის:

 ა) მე-2 პუნქტის „ბ²“ ქვეპუნქტი ამოღებულ იქნეს;

 ბ) 4² პუნქტი ამოღებულ იქნეს.