„ახალციხის მუნიციპალიტეტის 2017 წლის ბიუჯეტიდან სოციალური დახმარების გაცემის წესის დამტკიცების შესახებ" ახალციხის მუნიციპალიტეტის საკრებულოს 2017 წლის 22 ნოემბრის №15 დადგენილებაში ცვლილების შეტანის თაობაზე

შევიდეს ცვლილება „ახალციხის მუნიციპალიტეტის 2017 წლის ბიუჯეტიდან სოციალური დახმარების გაცემის წესის დამტკიცების შესახებ“ ახალციხის მუნიციპალიტეტის საკრებულოს 2017 წლის 22 ნოემბრის №15 დადგენილებით ((ვებგვერდი, (www.matsne.gov.ge), 27/11/2017, სარეგისტრაციო კოდი: 190040000.35.138.016294) დამტკიცებულ დანართში და დანართის მე-11 მუხლი ჩამოყალიბდეს შემდეგი შინაარსით:
„მუხლი 11. მუნიციპალიტეტის სოფელ აწყურში მეწყერის შედეგად დაზარალებულ უსახლკაროთათვის სოციალური დახმარების გაწევა
1. მუნიციპალიტეტის ბიუჯეტით გათვალისწინებული ასიგნებებიდან ახალციხის მუნიციპალიტეტის სოფელ აწყურში 2012 წლის მაისის თვეში მომხდარი მეწყერის შედეგად დაზარალებულ უსახლკაროთათვის  ყოველთვიური სოციალური დახმარება გაიცემა 150 (ას ორმოცდაათი) ლარის ოდენობით.
2. სოციალური დახმარება გაიცემა შემდეგ მოქალაქეებზე:
ა) შურა ლაბაძე;
ბ) ივანე ლაბაძე;
გ) გურამ მიქაბერიძე;
დ) მარიამ ლაბაძე.
3. შესაბამის ადმინისტრაციულ ერთეულში ახალციხის მუნიციპალიტეტის მერის წარმომადგენელმა უნდა წარმოადგინოს მოხსენებითი ბარათი ბენეფიციარებისათვის სოციალური დახმარების მიღების აუცილებლობის შესახებ.
4. ანაზღაურება მოხდება უნაღდო ანგარიშსწორების ფორმით, მოსარგებლე პირის პირად საბანკო ანგარიშზე“.
 

დადგენილება ამოქმედდეს გამოქვეყნებისთანავე.