დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | ეროვნული თანხმობის ხელშემწყობი დროებითი საპარლამენტო კომისიის შექმნის შესახებ | |
|---|---|
| დოკუმენტის ნომერი | 1338 |
| დოკუმენტის მიმღები | საქართველოს პარლამენტი |
| მიღების თარიღი | 14/04/1998 |
| დოკუმენტის ტიპი | საქართველოს პარლამენტის დადგენილება |
| გამოქვეყნების წყარო, თარიღი | პარლამენტის უწყებანი, 15-16, 30/04/1998 |
| სარეგისტრაციო კოდი | 0000.00.00.000000 |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (30/04/1998 - 12/05/1998)
საქართველოს პარლამენტის დადგენილება
ეროვნული თანხმობის ხელშემწყობი დროებითი საპარლამენტო კომისიის შექმნის შესახებ
საქართველოს პარლამენტი ადგენს:
1. საქართველოს კონსტიტუციის 56-ე მუხლის მე-2 პუნქტისა და და „საქართველოს პარლამენტის დროებითი კომისიების შესახებ“ საქართველოს კანონის შესაბამისად ქვეყანაში ეროვნული თანხმობის მიღწევისა და ექსპრეზიდენტის მხარდამჭერთა შემორიგების უზრუნველსაყოფად შეიქმნას ეროვნული თანხმობის ხელშემწყობი დროებითი საპარლამენტო კომისია.
2. კომისიის გამოსაკვლევ საკითხთა წრეს მიეკუთვნოს მისი კომპეტენციის ფარგლებში ექსპრეზიდენტის მხარდამჭერთა ჯგუფებისა და შეიარაღებული ფორმირებების შემორიგების მიზანშეწონილობის საკითხის გადაწყვეტა, კონკრეტულ პრობლემებზე პეტიციების, საჩივრების, თხოვნა-მიმართვებისა და შუამდგომლობების შესწავლა, რეკომენდაციების მიღება, ეროვნული თანხმობის ხელშეწყობის პროგრამების შემუშავება და განხორციელება, საქართველოს პრეზიდენტის მოთხოვნის შესაბამისად დიდი შერიგების უზრუნველსაყოფად საკანონმდებლო წინადადებების მომზადება.
3. კომისიის უფლებამოსილების ვადა განისაზღვროს ერთი წლით.
4. კომისიის შემადგენლობა განისაზღვროს 17 წევრით.
5. კომისიის თავმჯდომარემ 3 დღის ვადაში საქართველოს პარლამენტს წარუდგინოს კომისიის წევრობის კანდიდატების სია, ხოლო 10 დღის ვადაში პარლამენტის ბიუროს დასამტკიცებლად წარუდგინოს კომისიის თავმჯდომარის მოადგილისა და კომისიის მდივნის კანდიდატურები.
საქართველოს პარლამენტის
თავმჯდომარის მოადგილე ვ. ყოლბაია
თბილისი,
1998 წლის 14 აპრილი.
№1338–IIს
დოკუმენტის კომენტარები