,,საგარეჯოს მუნიციპალიტეტის საკრებულოს აპარატის დებულების დამტკიცების შესახებ“ საგარეჯოს მუნიციპალიტეტის საკრებულოს 2014 წლის 25 ივლისის N27 დადგენილებაში ცვლილების შეტანის თაობაზე

1. საგარეჯოს მუნიციპალიტეტის საკრებულოს აპარატის დებულების მე-4 მუხლი ჩამოყალიბდეს შემდეგი რედაქციით:

„მუხლი 4. აპარატის სტრუქტურის დამტკიცება და მასში ცვლილების შეტანა

აპარატის სტრუქტურას საკრებულოს თავმჯდომარესთან შეთანხმებით განსაზღვრავს საკრებულოს პირველადი სტრუქტურული ერთეულის ხელმძღვანელი – აპარატის უფროსი. აპარატის სტრუქტურას ამტკიცებს და მასში ცვლილებები შეაქვს საკრებულოს, საკრებულოს თავმჯდომარის წარდგინებით.“

2. „საგარეჯოს მუნიციპალიტეტის საკრებულოს აპარატის დებულების“ მე-5 მუხლი ჩამოყალიბდეს  შემდეგი რედაქციით

„მუხლი 5. აპარატის სტრუქტურული ერთეულები

აპარატის მეორადი სტრუქტურული ერთეულებია:

ა) საორგანიზაციო და იურიდიულ საკითხთა განყოფილება;

ბ) მოქალაქეთა მომსახურებისა და საქმისწარმოების განყოფილება.“.

3. „საგარეჯოს მუნიციპალიტეტის საკრებულოს აპარატის დებულების“ მე-6 მუხლის „ზ“ ქვეპუნქტი ჩამოყალიბდეს შემდეგი რედაქციით:

„ზ) საგარეჯოს მუნიციპალიტეტის საკრებულო ახდენს საკრებულოს კომისიებიდან და მუნიციპალიტეტის მერიიდან შემოსული სამართლებრივი აქტის პროექტების, შენიშვნების, დასკვნების და წინადადებების სისტემატიზაციას და წარუდგენს საკრებულოს თავმჯდომარეს საკრებულოს ბიუროს სხდომაზე განსახილველად;“

4. „საგარეჯოს მუნიციპალიტეტის საკრებულოს აპარატის დებულების“ მე-8 მუხლის სათაური ჩამოყალიბდეს შემდეგი რედაქციით:

„პირველადი სტრუქტურული ერთეულის ხელმძღვანელი – აპარატის უფროსი.“

5. „საგარეჯოს მუნიციპალიტეტის საკრებულოს აპარატის დებულების“ მე-8 მუხლის პირველი პუნქტი ჩამოყალიბდეს შემდეგი რედაქციით:

„1. აპარატის მუშაობას ხელმძღვანელობს, ორგანიზაციასა და კორდინაციას უწევს პირველადი სტრუქტურული ერთეულის ხელმძღვანელი–აპარატის უფროსი (შემდგომ აპარატის უფროსი), რომელსაც თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე.“.