საქართველოს პარლამენტის მუდმივმოქმედ საპარლამენტო დელეგაციებში ფრაქციათა ზღვრული წარმომადგენლობის შესახებ

საქართველოს პარლამენტის დადგენილება

საქართველოს პარლამენტის მუდმივმოქმედ საპარლამენტო დელეგაციებში ფრაქციათა ზღვრული წარმომადგენლობის შესახებ

 საქართველოს პარლამენტი ადგენს:

1. საქართველოს პარლამენტის მუდმივმოქმედ საპარლამეტო დელეგაციებში ფრაქციათა ზღვრული წარმომადგენლობა განისაზღვროს საქართველოს პარლამენტის კომიტეტებში ფრაქციათა ზღვრული წარმომადგენლობის შესაბამისად.

2. საქართველოს პარლამენტის მუდმივმოქმედი საპარლამენტო დელეგაციების დებულების თანახმად დამტკიცდეს საქართველოს პარლამენტის მუდმივმოქმედ საპარლამენტო დელეგაციებში ფრაქციათა ზღვრული წარმომადგენლობა (თან ერთვის). 

საქართველოს პარლამენტის

თავმჯდომარე                                                 ზ. ჟვანია

თბილისი,

1997 წლის 31 ოქტომბერი.

№1027–Iს

საქართველოს პარლამენტის მუდმივმოქმედ საპარლამენტო დელეგაციებში ფრაქციათა ზღვრული წარმომადგენლობა

მუდმივმოქმედ საპარლამენტო დელეგაციებში ფრაქციათა ხვედრითი წილი შეადგენს: „მოქალაქეთა კავშირის“ – 46,3%, „აღორძინების“ - 10,3%, „სახალხო (ეროვნულდემოკრატის“– 10,3%, „ლეიბორისტის“ - 6,0%" „ედპ – ეროვნულ-დემოკრატიული პარტიის“ – 5,6%, „აფხაზეთის“ – 4,7%, „იმედის“ – 4,7%, „მაჟორიტარი – საქართველოს რეგიონების“ – 4,3%, „მამულის" – 4,3%, ხოლო დამოუკიდებელი დეპუტატებისა 3,45%.

ყოველივე ზემოთ აღნიშნულიდან და ფრაქციების რაოდენობიდან გამომდინარე, „მოქალაქეთა კავშირს“ ყველა დელეგაციაში ერთად აქვს 120 ადგილი, „აღორძინებას" 26, „სახალხო (ეროვნულ-დემოკრატს)“ - 26, „ლეიბორისტს“ – 19, „ედპ-ეროვნულ-დემოკრატიულ პარტიას“ – 14, „აფხაზეთს“ – 14, „იმედს“ – 14, „მაჟორიტარი-საქართველოს რეგიონებს“ – 14, „მამულს“ - 14.

პარლამენტის წევრი, რომელიც არც ერთ ფრაქციაში არ არის გაერთიანებული, გაწევრიანდება მხოლოდ ერთ დელეგაციაში.