საქართველოს მთავრობას, სსიპ - სახელმწიფო ქონების ეროვნულ სააგენტოს, შპს „მთის კურორტების განვითარების კომპანიასა“ და შპს „ახალ მიტარბს“ შორის 2015 წლის 28 ივლისს გაფორმებული თანამშრომლობის შესახებ მემორანდუმის ფარგლებში შპს „მთის კურორტების განვითარების კომპანიის“ მიერ რიგ ღონისძიებათა განხორციელების თაობაზე

საქართველოს მთავრობის

განკარგულება №2061

2017 წლის 5 ოქტომბერი

ქ. თბილისი

საქართველოს მთავრობას, სსიპ – სახელმწიფო ქონების ეროვნულ სააგენტოს, შპს „მთის კურორტების განვითარების კომპანიასა“ და შპს „ახალ მიტარბს“ შორის 2015 წლის 28 ივლისს გაფორმებული თანამშრომლობის შესახებ მემორანდუმის ფარგლებში შპს „მთის კურორტების განვითარების კომპანიის“ მიერ რიგ ღონისძიებათა განხორციელების თაობაზე

 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ და „კ“ ქვეპუნქტების შესაბამისად, დაევალოს შპს „მთის კურორტების განვითარების კომპანიას“, საკუთარი სახსრებით უზრუნველყოს, საქართველოს მთავრობას, სსიპ – სახელმწიფო ქონების ეროვნულ სააგენტოს, შპს „მთის კურორტების განვითარების კომპანიასა“ და შპს „ახალ მიტარბს“ შორის 2015 წლის 28 ივლისს გაფორმებული თანამშრომლობის შესახებ მემორანდუმის 3.1.2 და 3.1.3 პუნქტების საფუძველზე, კოხტასა და მიტარბის მთებზე შპს „ახალი მიტარბის“ (ინვესტორის) (ს/ნ: 205229126) საკუთრებაში არსებულ მიწის ნაკვეთებამდე კომუნალური სერვისების (ელექტროფიკაცია, გაზიფიცირება) მიწოდებასთან დაკავშირებული ყველა საჭირო ღონისძიების განხორციელება.

პრემიერ-მინისტრი                                         გიორგი კვირიკაშვილი