გურჯაანის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №2059

2017 წლის 5 ოქტომბერი

ქ. თბილისი

გურჯაანის მუნიციპალიტეტის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 7⁴ მუხლის პირველი პუნქტის „ა“ ქვეპუნქტისა და 1¹ პუნქტის საფუძველზე, სახელმწიფოებრივი და საზოგადოებრივი ინტერესების გათვალისწინებით, ადგილობრივი მნიშვნელობის გზების რეაბილიტაციის მიზნით, გურჯაანის მუნიციპალიტეტი 3 თვის ვადით გათავისუფლდეს სასარგებლო წიაღისეულის მოპოვების ლიცენზიისაგან და მიეცეს უფლება, მოიპოვოს 6 500 (ექვსი ათას ხუთასი) მ³ საშენი მასალა (ქვიშა-ხრეში) შემდეგი X და Y კოორდინატების საზღვრებში: 

       ა) სოფ. ჭერმისხევის მიმდებარედ – 900 მ³ ქვიშა-ხრეში:

ბ) სოფ. ჭანდარისა და სოფ. ძირკოკის მიმდებარედ – 400 მ³ ქვიშა-ხრეში:

გ) სოფ. კარდანახის მიმდებარედ – 1 900 მ³ ქვიშა-ხრეში:

       დ) სოფ. ნანიანის მიმდებარედ – 700 მ³ ქვიშა-ხრეში:

ე) სოფ. ვაჩნაძიანის მიმდებარედ – 300 მ³ ქვიშა-ხრეში:

       ვ) სოფ. ჩუმლაყის მიმდებარედ – 1 400 მ³ ქვიშა-ხრეში:

ზ) სოფ. კალაურის მიმდებარედ – 600 მ³ ქვიშა-ხრეში:

თ) სოფ. ვაზისუბნის მიმდებარედ – 300 მ³ ქვიშა-ხრეში:

2. ლიცენზიისაგან გათავისუფლებული პირი – გურჯაანის მუნიციპალიტეტი ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი საინჟინრო-გეოლოგიური დასკვნებით (გეოსაინფორმაციო პაკეტები) განსაზღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით განსაზღვრული მიზნისათვის;

გ) დებულების 7⁴ მუხლის 2¹ პუნქტის შესაბამისად, სასარგებლო წიაღისეულის მოპოვების ლიცენზიისაგან გათავისუფლებისათვის, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში 1130 ლარის გადახდა.

3. გურჯაანის მუნიციპალიტეტის მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა (შემდგომში – გარემოსდაცვითი ზედამხედველობის დეპარტამენტი).

4. გურჯაანის მუნიციპალიტეტმა სასარგებლო წიაღისეულის მოპოვების ვადის გასვლიდან ორი კვირის ვადაში გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი                                         გიორგი კვირიკაშვილი