ოქმი სუუამ-ის მონაწილე სახელმწიფოთა შორის თავისუფალი სავაჭრო ზონის შექმნის შესახებ შეთანხმების შემდგომი რეალიზაციის მიზნით, სუამ-ის მონაწილე სახელმწიფოების საქონლის წარმოშობის დროებითი წესების განსაზღვრის შესახებ

ოქმი

სუუამ-ის მონაწილე სახელმწიფოთა შორის თავისუფალი სავაჭრო

ზონის შექმნის შესახებ შეთანხმების შემდგომი რეალიზაციის მიზნით,

სუამ-ის მონაწილე სახელმწიფოების საქონლის წარმოშობის

დროებითი წესების განსაზღვრის შესახებ

სუუამ-ის მონაწილე სახელმწიფოთა შორის თავისუფალი სავაჭრო ზონის შექმნის შესახებ 2002 წლის 20 ივლისის შეთანხმების (შემდგომში − შეთანხმება) მონაწილე სახელმწიფოები, ხელშემკვრელ მხარეებად წოდებულნი,

სუამ-ის ფარგლებში თავისუფალი სავაჭრო ზონის ჩამოყალიბების პროცესის დაჩქარების მიზნით,

შეთანხმდნენ შემდეგზე:

1. დაიწყოს 2002 წლის 20 ივლისის სუუამ-ის მონაწილე სახელმწიფოთა შორის თავისუფალი სავაჭრო ზონის შექმნის შესახებ შეთანხმებაზე, სუამ-ის საქონლის წარმოშობის განსაზღვრის წესების ოქმის პროექტის შემუშავება (შემდგომში − წესები), ვაჭრობის მსოფლიო ორგანიზაციის (ვმო) სტანდარტების შესაბამისად.

2. ამ ოქმის 1-ლი პუნქტის შესაბამისად განსაზღვრული წესების შემუშავებამდე, სუამ-ის თავისუფალ სავაჭრო ზონაში საქონლის წარმოშობის წესების განსაზღვრისას, სუამ-ის მონაწილე სახელმწიფოებმა დროებით იხელმძღვანელონ საქონლის წარმოშობის განსაზღვრის წესებით, რომლებიც დამტკიცებულია სახელმწიფოთა თანამეგობრობის მთავრობების მეთაურთა 2000 წლის 30 ნოემბრის გადაწყვეტილებით.

ეს ოქმი ძალაში შედის ხელმოწერის დღიდან.

შესრულებელია ქ. კიევში 2006 წლის 22 მაისს ერთ ნამდვილ ეგზემპლარად ინგლისურ და რუსულ ენებზე, ამასთან ორივე ტექსტს თანაბარი ძალა აქვს.

დედანი ინახება დეპოზიტართან − საქართველოს მთავრობასთან, რომელიც გაუგზავნის ხელშემკვრელ მხარეებს მის დამოწმებულ ასლს.