„მზღვეველის საზედამხედველო კაპიტალის ოდენობის გაანგარიშების წესის დამტკიცების შესახებ” 2016 წლის 16 სექტემბრის №16 ბრძანებაში ცვლილების შეტანის თაობაზე

„6. ამ ბრძანებით დამტკიცებული „მზღვეველის საზედამხედველო კაპიტალის ოდენობის გაანგარიშების წესის“ მე-3 მუხლის 1-ლი პუნქტის „ზ“ ქვეპუნქტი არ ვრცელდება 2017 წლის 21 სექტემბრამდე წარმოშობილ ურთიერთობებზე.“

2. მზღვეველის საზედამხედველო კაპიტალის ოდენობის გაანგარიშების წესის დამტკიცების შესახებ” 2016 წლის 16 სექტემბრის №16 ბრძანებით დამტკიცებული „მზღვეველის საზედამხედველო კაპიტალის ოდენობის გაანგარიშების წესის“  მე-3 მუხლი შეიცვალოს და ჩამოყალიბდეს შემდეგი რედაქციით:

„მუხლი 3. საზედამხედველო კაპიტალის ოდენობის გაანგარიშება

1. ამ წესის მიზნებისთვის საზედამხედველო კაპიტალის ოდენობა გაანგარიშდება შემდეგნაირად:

მზღვეველის საკუთარი კაპიტალი (სააქციო კაპიტალს დამატებული საემისიო კაპიტალი, გამოკლებული გამოსყიდული აქციები, დამატებული აკუმულირებული მოგება/(ზარალი), დამატებული „პერიოდის წმინდა მოგება/(ზარალი)“, დამატებული „ფასს-ის მიხედვით კაპიტალში აღსარიცხი ყველა სახის რეზერვი“) მცირდება შემდეგი კომპონენტების გათვალისწინებით:

ა) გუდვილი და სხვა არამატერიალური აქტივების (წმინდა) 100%-ით;

ბ) ინვესტიციებით მეკავშირე კომპანიებში (მონაწილეობა კაპიტალში და გაცემული სესხები) – 20%-ით  31.12.2017-მდე, – 50%-ით 31.12.2017-დან 31.12.2018-მდე, – 100%-ით 31.12.2018-დან;

გ) ინვესტიციებით შვილობილ კომპანიებში (მონაწილეობა კაპიტალში და გაცემული სესხები) – 20%-ით  31.12.2017-მდე, 50%-ით 31.12.2017-დან 31.12.2018-მდე), 100%-ით 31.12.2018-დან;

დ) აქციები, რომელთა მიმოქცევა  ხორციელდება ორგანიზებული ბაზრის გარეთ;

ე) გაცემული არაუზრუნველყოფილი სესხების 100%-ით;

ვ)აქტივების იმ ოდენობით, რომელიც კომპანიის მიერ გამოყენებულია ვალდებულებების უზრუნველყოფის საშუალებად და ასახული არ არის მზღვეველის ფინანსური ანგარიშგების ვალდებულებების ნაწილში (შეზღუდული თანხის  100%);

ზ) გადავადებული საკომისიო ხარჯის 100%-ით;

თ) გადავადებული საგადასახადო აქტივის 100%-ით; 

ი) გასაყიდად არსებული ფინანსური აქტივების 10%-ით;

კ) დაფარვის ვადამდე მფლობელობაში არსებული ფინანსური აქტივების 10%-ით;

ლ) რეალური ღირებულებით აღრიცხული ფინანსური აქტივები, მოგებაში ან ზარალში ასახვით 10%-ით;

მ) მოთხოვნები გადარჩენილი ქონებიდან 100%-ით;

ნ) 100 000 ლარს ზემოთ ოდენობის ნაღდი ფული სალაროში 100%-ით;

ო) საინვესტიციო ქონების 30%-ით;

პ) სხვა აქტივები 100%-ით:

პ.ა) მიწოდებიდან და მომსახურებიდან წარმოქმნილი მოთხოვნებით;

პ.ბ) გადახდილი ავანსებით¹;

პ.გ) საწარმოო პერსონალის მიმართ მოთხოვნებით;

პ.დ) დამფუძნებლების მიმართ მოთხოვნებით;

პ.ე) მარაგებით;

პ.ვ) სხვა ინვესტიციებით;

პ.ზ) სხვა;

ჟ) კომპანიის მიერ აღებული ვალდებულებების ოდენობით, რომელიც გამომდინარეობს დადებული თავდებობის ან/და სასესხო (საკრედიტო) ხელშეკრულებებიდან და ასახული არ არის მზღვეველის ფინანსური ანგარიშგების ვალდებულებების ნაწილში (ვალდებულებების 100 %-ით).

2. მზღვეველი ვალდებულია ამ წესის დანართი №1-ის შესაბამისი საზედამხედველო კაპიტალის ოდენობის ანგარიშგება წარუდგინოს საქართველოს დაზღვევის სახელმწიფო ზედამხედველობის სამსახურს  შემდეგი თარიღებისათვის:

ა) 1 თვის  – არაუგვიანეს საანგარიშო პერიოდის 20 თებერვლისა;

ბ) 2 თვის – არაუგვიანეს საანგარიშო პერიოდის 20 მარტისა;

გ) 3 თვის  – არაუგვიანეს საანგარიშო პერიოდის 20 აპრილისა;

დ) 4 თვის – არაუგვიანეს საანგარიშო პერიოდის 20 მაისისა;

ე) 5 თვის – არაუგვიანეს საანგარიშო პერიოდის 20 ივნისისა;

ვ) 6 თვის – არაუგვიანეს საანგარიშო პერიოდის 20 ივლისისა;

ზ) 7 თვის  – არაუგვიანეს საანგარიშო პერიოდის 20 აგვისტოსი;

თ) 8 თვის – არაუგვიანეს საანგარიშო პერიოდის 20 სექტემბრისა;

ი) 9 თვის  – არაუგვიანეს საანგარიშო პერიოდის 20 ოქტომბრისა;

კ) 10 თვის  – არაუგვიანეს საანგარიშო პერიოდის 20 ნოემბრისა;

ლ) 11 თვის  – არაუგვიანეს საანგარიშო პერიოდის 20 დეკემბრისა;

მ) 12 თვის (წლიური) – არაუგვიანეს მომდევნო საანგარიშო წლის 20 თებერვლისა.

3. „მზღვეველის საზედამხედველო კაპიტალის ოდენობის გაანგარიშების წესის დამტკიცების შესახებ” 2016 წლის 16 სექტემბრის №16 ბრძანებით დამტკიცებული „მზღვეველის საზედამხედველო კაპიტალის ოდენობის გაანგარიშების წესის“  დანართი  № 1 შეიცვალოს და ჩამოყალიბდეს შემდეგი რედაქციით:

დანართი №1