„აბაშის მუნიციპალიტეტის საკრებულოს აპარატის დებულების დამტკიცების შესახებ" აბაშის მუნიციპალიტეტის საკრებულოს 2014 წლის 29 ივლისის №10 დადგენილებაში ცვლილების შეტანის თაობაზე

ა) მე-11 მუხლის  მე-2 პუნქტი ჩამოყალიბდეს  შემდეგი რედაქციით:

,,2. აპარატის პროფესიულ საჯარო მოხელეთა თანამდებობების დასაკავებლად კონკურსს, „საჯარო სამსახურის შესახებ“ საქართველოს კანონის შესაბამისად, ატარებს საკრებულოში შექმნილი საკონკურსო კომისია.“;

ბ) მე-9 მუხლის:

ბ.ა)პირველი პუნქტი ჩამოყალიბდეს შემდეგი რედაქციით:

„1. აპარატის  მუშაობას   ხელმძღვანელობს,   ორგანიზაციასა   და  კოორდინაციას  უწევს საკრებულოს  აპარატის პირველი რანგის პირველადი სტრუქტურული ერთეულის ხელმძღვანელი – საკრებულოს აპარატის  უფროსი (შემდგომ – აპარატის უფროსი) რომელსაც „საჯარო სამსახურის შესახებ“ საქართველოს კანონის შესაბამისად, თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე.“;

ბ.ბ) მე-2 პუნქტის ,,ე“ ქვეპუნქტი ჩამოყალიბდეს შემდეგი რედაქციით:

„ე. საკრებულოს თავმჯდომარის დავალებით შეიმუშავებს  საკრებულოს  აპარატის შინაგანაწესს, რასაც საკრებულოს თავმჯდომარეს წარუდგენს დასამტკიცებლად.“;

გ) მე-10 მუხლის პირველი პუნქტი ჩამოყალიბდეს შემდეგი რედაქციით:

„1. აპარატის  მეორე რანგის მეორად სტრუქტურულ ერთეულს  – განყოფილებას ხელმძღვანელობს განყოფილების   უფროსი,   რომელსაც   აპარატის უფროსის წარდგინებით „საჯარო სამსახურის შესახებ“ საქართველოს კანონის შესაბამისად, თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე.“;

დ) საკრებულოს აპარატის დებულების  პრეამბულა ჩამოყალიბდეს  შემდეგი რედაქციით:

„ეს დებულება, საქართველოს ორგანული კანონის ,,ადგილობრივი თვითმმართველობის კოდექსი“ 31-ე მუხლის შესაბამისად, განსაზღვრავს აბაშის მუნიციპალიტეტის საკრებულოს აპარატის უფლებამოსილებას,  სტრუქტურას და მისი სტრუქტურული ერთეულების  უფლება-მოვალეობებს.“.