დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის N114 ბრძანებულებაში ცვლილების შეტანის თაობაზე | |
---|---|
დოკუმენტის ნომერი | 261 |
დოკუმენტის მიმღები | საქართველოს პრეზიდენტი |
მიღების თარიღი | 15/09/2017 |
დოკუმენტის ტიპი | საქართველოს პრეზიდენტის ბრძანებულება |
გამოქვეყნების წყარო, თარიღი | ვებგვერდი, 15/09/2017 |
სარეგისტრაციო კოდი | 010210050.08.002.017027 |
|
„საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს კანონის მე-20 მუხლისა და „საჯარო სამსახურის შესახებ“ საქართველოს კანონის მე-4 მუხლის მე-3 პუნქტის „ლ“ ქვეპუნქტის გათვალისწინებით, „საქართველოს ეროვნული უშიშროების საბჭოს აპარატის დებულების დამტკიცების შესახებ“ საქართველოს პრეზიდენტის 2014 წლის 25 მარტის №114 ბრძანებულებაში (www.matsne.gov.ge, 27.03.2014, 010210050.08.002.016919) შეტანილ იქნეს ცვლილება და ბრძანებულებით დამტკიცებულ დებულებაში:
|
1.
პირველი მუხლის:
|
ა)
მე-4 პუნქტი ჩამოყალიბდეს შემდეგი რედაქციით:
„4. აპარატში სამსახური არის საჯარო სამსახური, რაც რეგულირდება მოქმედი კანონმდებლობით, ამ დებულების ნორმათა გათვალისწინებით.“; |
ბ)
მე-5 პუნქტი ამოღებულ იქნეს.
|
2.
მე-3 მუხლის მე-2 პუნქტის:
|
ა)
„ი“ ქვეპუნქტი ჩამოყალიბდეს შემდეგი რედაქციით:
„ი) აფორმებს შრომით ხელშეკრულებას დამხმარე ან არამუდმივი ამოცანების შესასრულებლად აპარატში დასასაქმებელ პირთან;“; |
ბ)
„კ“ ქვეპუნქტი ამოღებულ იქნეს;
|
გ)
„ნ“ ქვეპუნქტი ჩამოყალიბდეს შემდეგი რედაქციით:
„ნ) დადგენილი წესით ანიჭებს აპარატში მომუშავე პროფესიულ საჯარო მოხელეებს შესაბამის მოხელის კლასებს;“. |
3.
დაემატოს შემდეგი რედაქციის 31 მუხლი:
„მუხლი 31. სამსახურში მიღების წესი 1. აპარატში სამუშაოდ მიიღება 21 წლის ასაკს მიღწეული საქართველოს ქმედუნარიანი მოქალაქე, რომელმაც იცის სახელმწიფო ენა და თავისი პიროვნული თვისებების, განათლებისა და სამუშაო გამოცდილების გათვალისწინებით, შეძლებს შეასრულოს მასზე დაკისრებული მოვალეობანი. 2. აპარატში საქართველოს მოქალაქეთა სამსახურში მიღება ხდება კონკურსის გარეშე. 3. აპარატში პროფესიულ საჯარო მოხელეებს კონკურსის გარეშე თანამდებობაზე ნიშნავს და თანამდებობიდან ათავისუფლებს პრეზიდენტი. პრეზიდენტის აღნიშნული უფლებამოსილება დელეგირების წესით შეიძლება გადაეცეს საბჭოს მდივანს. 4. აპარატში შრომითი ხელშეკრულებით შეიძლება მიღებულ იქნეს საშუალო ან უმაღლესი განათლების მქონე პირი, რომელთანაც კანონმდებლობის შესაბამისად შრომით ხელშეკრულებას აფორმებს საბჭოს მდივანი. 5. აპარატში არ მიიღება პირი, თუ: ა) ნასამართლევია განზრახი დანაშაულისათვის; ბ) საჯარო სამსახურიდან გათავისუფლდა დისციპლინური გადაცდომისათვის და დისციპლინური გადაცდომისათვის გათავისუფლებიდან არ არის გასული ერთი წელი; გ) სამსახურში მიღებისას არ წარმოადგინა საქართველოს კანონმდებლობით დადგენილი ფორმის ნარკოლოგიური შემოწმების ცნობა ან წარმოდგენილი ნარკოლოგიური შემოწმების ცნობა ადასტურებს მის მიერ ნარკოტიკული საშუალების მოხმარების ფაქტს; დ) სასამართლოს მიერ ჩამორთმეული აქვს საჯარო სამსახურში შესაბამისი თანამდებობის დაკავების უფლება; ე) სასამართლომ მხარდაჭერის მიმღებად ცნო, თუ სასამართლოს გადაწყვეტილებით სხვა რამ არ არის განსაზღვრული.“. |
მუხლი 2 |
ეს ბრძანებულება ამოქმედდეს გამოქვეყნებისთანავე.
|
|
დოკუმენტის კომენტარები