დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„პერსონალურ მონაცემთა დაცვის ინსპექტორის აპარატის დებულების დამტკიცების შესახებ“ პერსონალურ მონაცემთა დაცვის ინსპექტორის 2016 წლის 4 მარტის №1 ბრძანებაში ცვლილების შეტანის შესახებ | |
---|---|
დოკუმენტის ნომერი | 9 |
დოკუმენტის მიმღები | პერსონალურ მონაცემთა დაცვის ინსპექტორი |
მიღების თარიღი | 13/09/2017 |
დოკუმენტის ტიპი | პერსონალურ მონაცემთა დაცვის ინსპექტორის ბრძანება |
გამოქვეყნების წყარო, თარიღი | ვებგვერდი, 14/09/2017 |
ძალის დაკარგვის თარიღი | 23/05/2019 |
სარეგისტრაციო კოდი | 010100000.62.074.016026 |
|
„პერსონალურ მონაცემთა დაცვის ინსპექტორის აპარატის დებულების დამტკიცების შესახებ“ პერსონალურ მონაცემთა დაცვის ინსპექტორის 2016 წლის 4 მარტის №1 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის, „პერსონალურ მონაცემთა დაცვის შესახებ“ საქართველოს კანონის 27-ე მუხლის მე-4 პუნქტის საფუძველზე, ვბრძანებ:
|
მუხლი 1 |
პერსონალურ მონაცემთა დაცვის ინსპექტორის 2016 წლის 4 მარტის №1 ბრძანებით (სსმ, ვებგვერდი, 04.03.2016 წ., სარეგისტრაციო კოდი: 010100000.62.074.016010) დამტკიცებულ „პერსონალურ მონაცემთა დაცვის ინსპექტორის აპარატის დებულებაში“ შეტანილ იქნეს შემდეგი ცვლილებები:
1. მე-11 მუხლი ჩამოყალიბდეს შემდეგი რედაქციით: „1.ინსპექტორის უფლებამოსილებათა განხორციელების მიზნით აპარატში პირველადი სტრუქტურული ერთეულების სახით იქმნება დეპარტამენტები და სამსახურები. 2. სტრუქტურული ერთეულების დაქვემდებარებაში შეიძლება შედიოდეს მეორადი სტრუქტურული ერთეულები – სამმართველოები.“. 2. მე-12 მუხლის მე-2 პუნქტი ჩამოყალიბდეს შემდეგი რედაქციით: „2. ინსპექტირების დეპარტამენტის დაქვემდებარებაშია სამართალდამცავ ორგანოებზე ზედამხედველობის სამმართველო და საჯარო და კერძო სექტორზე ზედამხედველობის სამმართველო.“. 3. მე-17 მუხლის მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით: „ბ) პროექტების და სამართლებრივი ანალიზის მენეჯერი – პირველი კატეგორიის უფროსი სპეციალისტი;“. 4. 21-ე მუხლის მე-4 პუნქტის „ა“ ქვეპუნქტი ჩამოყალიბდეს შემდეგი რედაქციით: „ა) ადმინისტრაციული სამსახურის უფროსი – პირველადი სტრუქტურული ერთეულის ხელმძღვანელი;“. |
მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები