საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე

საქართველოს მთავრობის

განკარგულება №17 90

2017 წლის 25 აგვისტო

ქ. თბილისი      

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსათვის „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლით გათვალისწინებულ შეზღუდვაზე გამონაკლისის დაშვების თაობაზე

1.„საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის მე-7 პუნქტისა და „საჯარო სამსახურის შესახებ“ საქართველოს კანონის 126¹ მუხლის მე-9 პუნქტის „გ“ ქვეპუნქტის შესაბამისად, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ცენტრალურ აპარატსა და ტერიტორიულ ორგანოებზე არ გავრცელდეს „საქართველოს 2017 წლის სახელმწიფო ბიუჯეტის შესახებ“ საქართველოს კანონის 22-ე მუხლის პირველი პუნქტით გათვალისწინებული შეზღუდვა და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მიეცეს თანხმობა:

ა)სამინისტროს ცენტრალურ აპარატში შრომითი ხელშეკრულებით დაქირავებულთა რაოდენობა განსაზღვროს არაუმეტეს 68 ერთეულით, რომელთაგან 26 ერთეული იმუშავებს 2017 წლის 1 ოქტომბრიდან 2018 წლის 1 აპრილამდე „იძულებით გადაადგილებულ პირთა – დევნილთა გრძელვადიანი საცხოვრებლით უზრუნველყოფის პროცესის ხელშეწყობის მიზნით განსახორციელებელი დამატებითი ღონისძიების შესახებ“ საქართველოს მთავრობის 2017 წლის 6 ივლისის №1391 განკარგულებით მოწონებული პროექტის ფარგლებში;

ბ) სამინისტროს ტერიტორიულ ორგანოებში შრომითი ხელშეკრულებით დაქირავებულთა რაოდენობა განსაზღვროს არაუმეტეს 7 ერთეულით.

2. განკარგულება ძალაშია 2017 წლის 1 სექტემბრიდან.

პრემიერ-მინისტრი               გიორგი კვირიკაშვილი