„საქართველოს სპორტისა და ახალგაზრდობის საქმეთა სამინისტროსა და შპს „სპორტმშენსერვისის“ მიერ გამარტივებული შესყიდვის საშუალებით სახელმწიფო შესყიდვებისა და აღნიშნულთან დაკავშირებული სხვა შესაბამისი ღონისძიებების განხორციელების შესახებ“ საქართველოს მთავრობის 2016 წლის 2 აგვისტოს №1564 განკარგულებაში დამატების შეტანისა და „საქართველოს სპორტისა და ახალგაზრდობის საქმეთა სამინისტროს, შპს „სპორტმშენსერვისსა“ და კანადურ კომპანია BEHLENINDUSTRIES LP-ს შორის 2016 წლის 4 ოქტომბერს გაფორმებულ №160 სახელმწიფო შესყიდვების შესახებ ხელშეკრულებაში ცვლილებების შეტანის თაობაზე“ გასაფორმებელი შეთანხმების შესახებ

საქართველოს მთავრობის

განკარგულება №1642

2017 წლის 4 აგვისტო

ქ. თბილისი

 „საქართველოს სპორტისა და ახალგაზრდობის საქმეთა სამინისტროსა და შპს „სპორტმშენსერვისის“ მიერ გამარტივებული შესყიდვის საშუალებით სახელმწიფო შესყიდვებისა და აღნიშნულთან დაკავშირებული სხვა შესაბამისი ღონისძიებების განხორციელების შესახებ“ საქართველოს მთავრობის 2016 წლის 2 აგვისტოს №1564 განკარგულებაში დამატების შეტანისა და „საქართველოს სპორტისა და ახალგაზრდობის საქმეთა სამინისტროს, შპს „სპორტმშენსერვისსა“ და კანადურ კომპანია BEHLENINDUSTRIES LP-ს შორის 2016 წლის 4 ოქტომბერს გაფორმებულ №160 სახელმწიფო შესყიდვების შესახებ ხელშეკრულებაში ცვლილებების შეტანის თაობაზე“ გასაფორმებელი შეთანხმების შესახებ

1. საქართველოს ზოგადი ადმინისტრაციული კოდექსის 63-ე მუხლის თანახმად, „საქართველოს სპორტისა და ახალგაზრდობის საქმეთა სამინისტროსა და შპს „სპორტმშენსერვისის“ მიერ გამარტივებული შესყიდვის საშუალებით სახელმწიფო შესყიდვებისა და აღნიშნულთან დაკავშირებული სხვა შესაბამისი ღონისძიებების განხორციელების შესახებ“ საქართველოს მთავრობის 2016 წლის 2 აგვისტოს №1564 განკარგულებაში შეტანილ იქნეს ცვლილება და მე-3 პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) ამ პუნქტის „დ“ ქვეპუნქტში მითითებული პირობის გათვალისწინებით, ქ. გორში მულტიფუნქციური ორდარბაზიანი სპორტის სასახლის სამშენებლო სამუშაოების ჩატარებისათვის (სამუშაოების დასრულების თაობაზე გაფორმებული მიღება-ჩაბარების აქტის საფუძველზე), კანადური კომპანია BEHLENINDUSTRIES LP-ისათვის 2017 წელს ასანაზღაურებელი თანხის (ამ განკარგულების მე-5 პუნქტის „ბ.ა“ ქვეპუნქტში მითითებული გრაფიკის მიხედვით) გადარიცხვა უზრუნველყოს შპს „სპორტმშენსერვისმა“ (ს/ნ: 204878542), საქართველოს სპორტისა და ახალგაზრდობის საქმეთა სამინისტროს მიერ მოცემული საწარმოს კაპიტალში აღნიშნული მიზნისთვის შესაბამისი ფინანსური შენატანის განხორციელების შემდგომ;“.

2. ამ განკარგულების პირველი პუნქტისა და „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების პირველი მუხლის „ა“ ქვეპუნქტის გათვალისწინებით, მოწონებულ იქნეს „საქართველოს სპორტისა და ახალგაზრდობის საქმეთა სამინისტროს, შპს „სპორტმშენსერვისსა“ და კანადურ კომპანია BEHLENINDUSTRIES LP-ს შორის 2016 წლის 4 ოქტომბერს გაფორმებულ №160 სახელმწიფო შესყიდვების შესახებ ხელშეკრულებაში ცვლილებების შეტანის თაობაზე“ გასაფორმებელი შეთანხმება.

პრემიერ-მინისტრი გიორგი კვირიკაშვილი