საქართველოს ფინანსთა სამინისტროს ბალანსზე რიცხული უძრავი ქონებისა და სასადილოს ინვენტარის აუქციონის გარეშე სარგებლობაში გადაცემის თაობაზე თანხმობის გაცემის შესახებ

საქართველოს მთავრობის

განკარგულება №1565

2017 წლის 27 ივლისი

ქ. თბილისი

საქართველოს ფინანსთა სამინისტროს ბალანსზე რიცხული უძრავი ქონებისა და სასადილოს ინვენტარის აუქციონის გარეშე სარგებლობაში გადაცემის თაობაზე თანხმობის გაცემის შესახებ

 „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, საქართველოს ფინანსთა სამინისტროს მიეცეს თანხმობა, მის ბალანსზე რიცხული, ქ. თბილისში, გორგასლის ქუჩა №16-ში მდებარე 395 კვ.მ უძრავი ქონებისა (მიწის (უძრავი ქონების) საკადასტრო კოდი: №01.18.05.002.006) და მის ბალანსზე რიცხული სასადილოს ინვენტარის აუქციონის გარეშე, სასყიდლით, 2017 წლის 1 აგვისტოდან 2018 წლის 1 აგვისტომდე, კანონმდებლობით დადგენილი წესით, შპს „ფუდ ფართისათვის“ (ს/ნ: 442570530) გადაცემის თაობაზე და სარგებლობაში გადაცემის ყოველთვიურ საფასურად განისაზღვროს 1 580 (ერთი ათას ხუთას ოთხმოცი) ლარი.

პრემიერ-მინისტრი                          გიორგი კვირიკაშვილი