ქ.თბილისში, მთაწმინდის რაიონში, სოფელ ტაბახმელაში უსახელო ქუჩებისთვის მუხრან-თელეთის, აგარანის და წალასყურის სახელების მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №264

2017 წლის 25 ივლისი

ქ. თბილისი

ქ. თბილისში, მთაწმინდის რაიონში, სოფელ ტაბახმელაში უსახელო ქუჩებისთვის მუხრან-თელეთის, აგარანის და წალასყურის სახელების მინიჭების შესახებ

1. საქართველოს ორგანული კანონის „ადგილობრივი თვითმმართველობის კოდექსი“ 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილებისა და „ქ. თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ ქ. თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ. თბილისის მუნიციპალიტეტის საკრებულომ დაადგინა:

ა) მთაწმინდის რაიონში სოფელ ტაბახმელაში მდებარე უსახელო ქუჩას მიენიჭოს მუხრან-თელეთის სახელი, თანდართული რუკის თანახმად;

ბ) მთაწმინდის რაიონში სოფელ ტაბახმელაში მდებარე უსახელო ქუჩას მიენიჭოს აგარანის სახელი თანდართული რუკის თანახმად ;

გ) მთაწმინდის რაიონში სოფელ ტაბახმელაში მდებარე უსახელო ქუჩას მიენიჭოს წალასყურის სახელი, თანდართული რუკის თანახმად ;

დ) ქ. თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება ერთი თვის ვადაში შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ, №6).

საკრებულოს თავმჯდომარე                                                              გიორგი ალიბეგაშვილი