„ქედის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ქედის მუნიციპალიტეტის საკრებულოს 2014 წლის 21 ნოემბრის №33 დადგენილებაში ცვლილების შეტანის შესახებ

1. დადგენილებით დამტკიცებული დებულების მე-2 მუხლის მე-2 პუნქტის „ა“ და „დ“ ქვეპუნქტები ჩამოყალიბდეს შემდეგი რედაქციით:

„ა) იურიდიული და ადამიანური რესურსების მართვის განყოფილება;

დ) მატერიალური უზრუნველყოფის განყოფილება.“.

2. დადგენილებით დამტკიცებული დებულების მე-2 მუხლს დაემატოს 2¹ პუნქტი შემდეგი რედაქციით:

„2¹. ადმინისტრაციული სამსახურის შემადგენლობაში შედის ასევე:

ა) პირველი კატეგორიის უფროსი სპეციალისტი სოფლის მეურნეობისა და მთის განვითარების საკითხებში;

ბ) პირველი კატეგორიის უფროსი სპეციალისტი გენდერული თანასწორობის სახითხებში.“.

3. დადგენილებით დამტკიცებული დებულების მე-4 მუხლის სათაური ჩამოყალიბდეს შემდეგი რედაქციით:

„იურიდიული და ადამიანური რესურსების მართვის განყოფილების ფუნქციები“.

4. დადგენილებით დამტკიცებული დებულების მე-4 მუხლის პირველი პუნქტი ჩამოყალიბდეს შემდეგი რედაქციით:

„იურიდიული და ადამიანური რესურსების მართვის განყოფილება უზრუნველყოფს:“.

5. დადგენილებით დამტკიცებული დებულების მე-4 მუხლის პირველ პუნქტს დემატოს „მ¹“ ქვეპუნქტი შემდეგი რედაქციით:

„მ¹) ადამიანური რესურსების მართვის ავტომატიზებულ სისტემაში (eHRMS) საჯარო მოხელეთა პირადი მონაცემებისა და მათ შესახებ  გამოცემული სამართლებრივი აქტების ასახვა;“.

6. დადგენილებით დამტკიცებული დებულების მე-7 მუხლის სათაური ჩამოყალიბდეს შემდეგი რედაქციით:

„მატერიალური უზრუნველყოფის განყოფილების ფუნქციები“.

7. დადგენილებით დამტკიცებული დებულების მე-7 მუხლის პირველი პუნქტი ჩამოყალიბდეს შემდეგი რედაქციით:

„მატერიალური უზრუნველყოფის განყოფილება დადგენილი წესით უზრუნველყოფს:“.

8. დადგენილებით დამტკიცებულ დებულებას დაემატოს 7¹ და 7² მუხლები შემდეგი რედაქციით:

„მუხლი  7¹. პირველი კატეგორიის უფროსი სპეციალისტის ფუნქციები სოფლის-მეურნეობისა და მთის განვითარების საკითხებში

სოფლის-მეურნეობისა და მთის განვითარების საკითხებში პირველი კატეგორიის უფროსი სპეციალისტი უზრუნველყოფს:

ა) მუნიციპალიტეტის ტერიტორიაზე  სოფლის-მეურნეობის სხვადასხვა დარგების განვითარების მიზნით  პრიორიტეტებისა და მიმართულებების განსაზღვრა;

ბ) მუნიციპალიტეტის ტერიტორიაზე ადგილობრივი პირობების გათვალისწინებით აგრალური რეფორმების განხორციელება, სამინისტროების (საქართველო, აჭარა) და ადგილობრივი თვითმმართველობის მიერ ამ დარგში შესაბამისი მიზნობრივი პროგრამების შემუშავება,  ხელშეწყობა და კოორდინაცია;

გ) მთის განვითარების მიზნით ადგილობრივი მიზნობრივი პროექტების შემუშავების უზრუნველსაყოფად წინადადებების  მომზადება;

დ) ხე-ტყის სოციალურ ჭრასთან დაკავშირებულ საკითხებზე მუშაობა და საკითხის განხილვაში მონაწილეობის მიღება;

ე) მაღალმთიან დასახლებაში მუდმივად მცხოვრები პირის სტატუსის მინიჭების, შეწყვეტის, შეჩერებისა და აღდგენის  საკითხებზე მუშაობა და საკითხის განხილვაში მონაწილეობის მიღება;

ვ) მოქმედი კანონმდებლობით, გამგეობის დებულებითა და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელება.“.

 „მუხლი  7². პირველი კატეგორიის უფროსი სპეციალისტის ფუნქციები გენდერული თანასწორობის საკითხებში

გენდერული თანასწორობის საკითხებში პირველი კატეგორიის უფროსი სპეციალისტი უზრუნველყოფს:

ა) ადგილობრივი თვითმმართველობის ორგანოებში ქალისა და მამაკაცის თანაბარი უფლებების, თავისუფლებებისა და შესაძლებლობების უზრუნველყოფა, გენდერული მეინსტრიმინგის ხელშეწყობა და გენდერული ნიშნით დისკრიმინაციის აღმოფხვრა;

ბ) ქალთა მიმართ დისკრიმინაცია, ოჯახური ძალადობის ფაქტების მონიტორინგი და მათი აღმოფხვრის გზებზე წინადადებების შემუშავება;

გ) ოჯახური ძალადობის პრევენციის, საზოგადოებრივ საქმიანობაში ქალთა აქტიური მონაწილეობის თემებზე, ცნობიერების ასამაღლებლად მოსახლეობასთან შეხვედრების მოწყობა;

დ) მუნიციპალიტეტის ტერიტორიაზე გენდერული თანასწორობის უზრუნველყოფის მიზნით საინფორმაციო შეხვედრების ჩატარება;

ე) გენდერულ საკითხებთან დაკავშირებით წინადადებების შემუშავება და გამგებლისთვის წარდგენა;

ვ) გენდერულ თემებზე მომუშავე არასამთავრობო ორგანიზაციებთან კომუნიკაცია, ახალი მუნიციპალური სერვისის – ღია სივრცე საზოგადოებისათვის „ქალთა ოთახის“ ხელმძღვანელობა, კოორდინაცია;

ზ) გენდერული თანასწორობის საკითხებზე შემოსული დოკუმენტაციის მიღება, დამუშავება და შესაბამისი რეაგირების განხორციელება;

თ) მოქმედი კანონმდებლობით, გამგეობის დებულებითა და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელება.“.