„საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ადმინისტრაციული დეპარტამენტის დებულების დამტკიცების შესახებ“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 28 მარტის №68 ბრძანებაში ცვლილების შეტანის შესახებ

1. დებულების მე-2 მუხლის პირველ პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„1. დეპარტამენტის ძირითადი ამოცანები და უფლებამოსილებებია:

ა) მინისტრის საქმიანობის ორგანიზაციული და ადმინისტრაციული უზრუნველყოფა;

ბ) მინისტრის თათბირებისა და სხდომების ორგანიზება;

გ) სამინისტროს სისტემაში საქმისწარმოების ორგანიზება;

დ) საარქივო საქმიანობის წარმართვა;

ე) იძულებით გადაადგილებულ პირთა – დევნილთა (შემდგომში – დევნილთა), რეპატრიანტთა, მიგრანტთა, სტიქიური მოვლენების შედეგად დაზარალებულ და გადაადგილებას დაქვემდებარებულ პირთა (ეკომიგრანტთა) და სხვა მოქალაქეთა მიღების ორგანიზაცება, კომპეტენციის ფარგლებში კონსულტაციის გაწევა და მათი განცხადებების მიღება და რეგისტრაცია;

ვ)  მონაცემთა ბაზის საფუძველზე, დევნილის მოწმობის გაცემა;

ზ) წლიური და კვარტალური სტატისტიკური ანგარიშების შედგენა მათი დანიშნულებისამებრ წარდგენის მიზნით;

თ) საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასა და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა;

ი) საჯარო ინფორმაციაზე ხელმისაწვდომობის უზრუნველყოფა;

კ) სამინისტროში არსებულ ცხელ ხაზზე შემოსულ სატელეფონო შეტყობინებათა რეგისტრაცია და შესაბამისი კონსულტაციის გაწევა; შემოსულ შეტყობინებებზე რეაგირების მიზნით სამინისტროს შესაბამისი სტრუქტურული ქვედანაყოფებისათვის ინფორმაციის მიწოდება;

ლ) სამინისტროს ფუნქციონირების მატერიალურ-ტექნიკური უზრუნველყოფა;

მ) სამინისტროს საჭიროებიდან გამომდინარე, ტექნიკური და კომპიუტერული მოწყობილობების ახალი ინოვაციური მოწყობილობებით ჩანაცვლება და მათზე მონიტორინგის წარმოების უზრუნველყოფა;

ნ) სამინისტროში საინფორმაციო-ტექნოლოგიური ხასიათის ხარვეზებზე დროული რეაგირება და მისი აღმოფხვრა;

ო) სამინისტროს სისტემაში ანალიტიკური საქმიანობის განხორციელება;

პ) სამინისტროს საქმიანობასთან დაკავშირებული სტრატეგიულ-პოლიტიკური დოკუმენტების შემუშავება;

ჟ) სამინისტროს საქმიანობასთან დაკავშირებული სტატისტიკური ინფორმაციისა და მონაცემთა დამუშავება/განზოგადება და სისტემატიზაციის უზრუნველყოფა;

რ) სამინისტროს სისტემის განვითარების მიზნით სამოქმედო გეგმების შემუშავება;

ს) სამინისტროს საქმიანობის ანგარიშების მომზადება და კანონმდებლობით დადგენილი წესით სახელმწიფო დაწესებულებების, ორგანიზაციებისა და დაინტერესებული პირებისათვის მიწოდება;

ტ) სამინისტროს წინაშე არსებული გამოწვევებისა და რისკების შესწავლა, ანალიზი, განზოგადება და სათანადო დასკვნების, წინადადებებისა და რეკომენდაციების მომზადება;

უ) კომპეტენციის ფარგლებში, მინისტრის სამართლებრივი აქტების პროექტების მომზადება და მინისტრის ცალკეულ დავალებათა შესრულების უზრუნველყოფა;

ფ) კანონმდებლობით გათვალისწინებული სხვა უფლებამოსილებების განხორციელება.“.

2. დებულების მე-4 მუხლის პირველ პუნქტს დაემატოს „დ“ ქვეპუნქტი შემდეგი რედაქციით:

„დ) მოქალაქეთა მისაღები –   სამმართველო.“ .

3. დებულების მე-4 მუხლის მე-6 პუნქტის „ე“ ქვეპუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„ე) სამინისტროში სახელმწიფო უწყებებიდან და სხვადასხვა ორგანიზაციებიდან შემოსული წერილების მიღება და რეგისტრაცია;“.

4. დებულების მე-4 მუხლის მე-6 პუნქტის „ზ“ ქვეპუნქტი ამოღებულ იქნეს.

5. დებულების მე-4 მუხლს დაემატოს მე-9 პუნქტი შემდეგი რედაქციით:

„9. მოქალაქეთა მისაღები – სამმართველოს ძირითადი ამოცანები და ფუნქციებია:

ა)  დევნილთა, რეპატრიანტთა, მიგრანტთა, სტიქიური მოვლენების შედეგად დაზარალებულ და გადაადგილებას დაქვემდებარებულ პირთა (ეკომიგრანტთა) და სხვა მოქალაქეთა  მიღების  ორგანიზება,  კომპეტენციის  ფარგლებში  კონსულტაციის გაწევა და  საჭირო საკითხების ირგვლივ ინფორმირება, ასევე მათი განცხადებების მიღება და რეგისტრაცია;

ბ) განცხადებების მიღება და რეგისტრაცია კომპეტენციის გათვალისწინებით: თანდართული დოკუმენტაციის შემოწმება, განცხადებისათვის საჭირო დოკუმენტების ასლის გადაღება;

გ) ბენეფიციართა პერსონალურ მონაცემებში ცვლილებების განხორციელებისათვის საჭირო დოკუმენტაციასთან და ღონისძიებებთან დაკავშირებით კონსულტაციის გაწევა;

დ) ბენეფიციართა კონსულტაცია სოციალურ და განსახლების საკითხებთან დაკავშირებით;

ე) დევნილთა მონაცემთა  ბაზის  მიხედვით,  დევნილთა მოთხოვნის  შემთხვევაში მათზე შესაბამისი ცნობების გაცემა;

ვ) მონაცემთა ბაზის საფუძველზე, პირის ფოტოგრაფირების განხორციელება და დევნილის მოწმობის გაცემა;

ზ) დევნილთა მუდმივი საცხოვრებელი ადგილის მიხედვით ქონებრივი დეკლარაციის შევსება;

თ) დევნილთა მართლზომიერ მფლობელობაში არსებული საცხოვრებელი ფართების დევნილი ოჯახებისათვის საკუთრებაში გადაცემის პროცედურებთან დაკავშირებულ საკითხებზე კონსულტაციის გაწევა;

ი) დევნილთა კონსულტაცია დევნილის სტატუსის მიღებასთან და დევნილის შემწეობის გაცემასთან დაკავშირებულ საკითხებზე;

კ) დევნილთა გრძელვადიანი საცხოვრებელი ფართით უზრუნველყოფისა და დროებითი განსახლების პროცედურასთან დაკავშირებულ საკითხებზე კონსულტაციის გაწევა;

ლ) სტიქიური მოვლენების შედეგად დაზარალებული და გადაადგილებას დაქვემდებარებული ოჯახების (ეკომიგრანტების) განსახლების პროცედურასთან დაკავშირებულ საკითხებზე კონსულტაციის გაწევა.“.