„საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულების დამტკიცების შესახებ“ საქართველოს მთავრობის 2008 წლის 22 თებერვლის №34 დადგენილებაში ცვლილების შეტანის თაობაზე

1. მე-7 მუხლის პირველი პუნქტის „ვ“ და „კ“ ქვეპუნქტები ჩამოყალიბდეს შემდეგი რედაქციით:

„ვ) დევნილის სტატუსის მინიჭებასა და რეგისტრაციასთან დაკავშირებით წინადადებების მომზადება, დევნილის მოწმობისა და ანკეტის ფორმების შემუშავება, დევნილთა ანკეტირება;“;

„კ) კომპეტენციის ფარგლებში დევნილთათვის კონსულტაციის გაწევა;“.

2. მე-7 მუხლის მე-2 პუნქტის „დ“ ქვეპუნქტი ამოღებულ იქნეს.

3. მე-7 მუხლის მე-5 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) დევნილთა, რეპატრიანტთა, მიგრანტთა, სტიქიური მოვლენების შედეგად დაზარალებულ და გადაადგილებას დაქვემდებარებულ პირთა (ეკომიგრანტთა) და სხვა მოქალაქეთა მიღების ორგანიზება, კომპეტენციის ფარგლებში კონსულტაციის გაწევა და მათი განცხადებების მიღება და რეგისტრაცია;“.

4. მე-7 მუხლის მე-5 პუნქტს დაემატოს შემდეგი შინაარსის „უ“ ქვეპუნქტი:

„უ) მონაცემთა ბაზის საფუძველზე, დევნილის მოწმობის გაცემა.“.  

5. მე-7 მუხლის მე-6 პუნქტს დაემატოს შემდეგი შინაარსის „დ“ ქვეპუნქტი:

„დ) მოქალაქეთა მისაღები –   სამმართველო.“.