სს „ვენჯორჯიას“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №1443

2017 წლის 12 ივლისი

ქ. თბილისი

სს „ვენჯორჯიას“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, დადგინდეს შპს „სახელმწიფო მომსახურების ბიუროსა“ (ს/კ: 404389372) (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და შპს „ველაჯიოს“ (უფლებამონაცვლე – სს „ვენჯორჯია“, ს/კ: 404885335) შორის 2012 წლის 5 სექტემბერს დადებული ნასყიდობის ხელშეკრულების 5.1.1 მუხლის მე-4 ქვეპუნქტისგან განსხვავებული შემდეგი საპრივატიზებო პირობა:

„საქართველოს მთავრობის 2009 წლის 24 მარტის №57 დადგენილების მიხედვით, 2015 წლის 1 სექტემბრამდე „ქონების“ არანაკლებ 50%-ზე განახორციელოს ლანდშაფტური მშენებლობა და ამავე ვადაში უზრუნველყოს „ქონებაზე“ ჯამში არანაკლებ 10 კვ. მ-ის ორი აუზის მშენებლობა.“.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის საფუძველზე, სს „ვენჯორჯია“ გათავისუფლდეს შპს „სახელმწიფო მომსახურების ბიუროსა“ (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და შპს „ველაჯიოს“ (უფლებამონაცვლე – სს „ვენჯორჯია“) შორის 2012 წლის 5 სექტემბერს დადებული ნასყიდობის ხელშეკრულებით ამ განკარგულების საფუძველზე შესაბამისი ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსაგან.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                       გიორგი კვირიკაშვილი