„ზუგდიდის მუნიციპალიტეტის გამგეობის დებულების დამტკიცების შესახებ“ ზუგდიდის მუნიციპალიტეტის საკრებულოს 2016 წლის 1 ივლისის №18 დადგენილებაში ცვლილების შეტანის თაობაზე

1. მე-5 მუხლი  ჩამოყალიბდეს შემდეგი რედაქციით:

,,მუხლი 5. გამგეობის პოლიტიკური თანამდებობის პირები და პროფესიული საჯარო მოხელეები

1. გამგეობის პოლიტიკური თანამდებობის პირები არიან:

 ა) გამგებელი;

 ბ) გამგებლის პირველი მოადგილე;

 გ) გამგებლის მოადგილეები.

2. გამგეობის პროფესიული  საჯარო მოხელეები არიან:

ა) I რანგის – პირველადი სტრუქტურული ერთეულის უფროსი,  შემდგომში  გამგეობის  

 სტრუქტურული ერთეულის ხელმძღვანელები;        

ბ) II რანგის –  მეორადი სტრუქტურული ერთეულის უფროსი შემდგომში გამგეობის 

 სტრუქტურული ერთეულის -- განყოფილების უფროსი;

გ) III რანგის – I, II და  III კატეგორიის უფროსი სპეციალისტი;

დ) IV რანგის – I, II, და  III კატეგორიის უმცროსი სპეციალისტი.

3. გამგეობის თანამდებობის პირების რაოდენობა (გამგებლის ჩათვლით) არ უნდა აღემატებოდეს 13-ს.

4. გამგეობის  პოლიტიკური თანამდებობის პირების უფლებამოსილება, არჩევა-გადაყენების, დანიშვნა-გათავისუფლების და საქმიანობის წესი განისაზღვრება ადგილობრივი თვითმმართველობის კოდექსით, ,,საჯარო სამსახურის შესახებ“ საქართველოს კანონით და ამ დებულებით.“.