სსიპ – საქართველოს ტურიზმის ეროვნული ადმინისტრაციის მიერ სსიპ – ქ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრისათვის თანხის გადარიცხვის შესახებ

საქართველოს მთავრობის

განკარგულება №1314

2017 წლის 30 ივნისი

ქ. თბილისი

სსიპ – საქართველოს ტურიზმის ეროვნული ადმინისტრაციის მიერ სსიპ – ქ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრისათვის თანხის გადარიცხვის შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ი“ და „თ“ ქვეპუნქტების შესაბამისად, დაევალოს სსიპ – საქართველოს ტურიზმის ეროვნულ ადმინისტრაციას, ტურისტულად მნიშვნელოვანი კულტურული ღონისძიების – „თბილისის საერთაშორისო საბალეტო ფესტივალის“ ხელშეწყობის მიზნით, სსიპ – ქ. თბილისის ზ. ფალიაშვილის სახელობის ოპერისა და ბალეტის პროფესიული სახელმწიფო თეატრისათვის 300 000 (სამასი ათასი) ლარის გადარიცხვა „საქართველოს 2017 წლის სახელმწიფო ბიუჯეტის შესახებ“ საქართველოს კანონით მისთვის განსაზღვრულ ასიგნებათა ფარგლებში (პროგრამული კოდი 24 05 02).

პრემიერ-მინისტრი                                            გიორგი კვირიკაშვილი