დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | კულტურული მემკვიდრეობის თვალსაზრისით ღირებული ობიექტისათვის - ქ. თბილისში მდებარე არქიტექტურული ნაგებობის - გუდელისის წმ. გიორგის ეკლესიისთვის კულტურული მემკვიდრეობის უძრავი ძეგლის სტატუსის მინიჭების შესახებ | |
|---|---|
| დოკუმენტის ნომერი | 1284 |
| დოკუმენტის მიმღები | საქართველოს მთავრობა |
| მიღების თარიღი | 23/06/2017 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 12/07/2017 |
| სარეგისტრაციო კოდი | 000000000.00.003.024043 |
საქართველოს მთავრობის
განკარგულება №1284
2017 წლის 23 ივნისი
ქ. თბილისი
კულტურული მემკვიდრეობის თვალსაზრისით ღირებული ობიექტისათვის – ქ. თბილისში მდებარე არქიტექტურული ნაგებობის – გუდელისის წმ. გიორგის ეკლესიისთვის კულტურული მემკვიდრეობის უძრავი ძეგლის სტატუსის მინიჭების შესახებ
უმნიშვნელოვანეს ისტორიულ-კულტურულ ფასეულობათა სამართლებრივი დაცვის უზრუნველყოფის მიზნით, „კულტურული მემკვიდრეობის შესახებ“ საქართველოს კანონის მე-15 მუხლის მე-3 პუნქტის საფუძველზე:
1. კულტურული მემკვიდრეობის თვალსაზრისით ღირებულ არქიტექტურულ ობიექტს, ქ. თბილისში მდებარე არქიტექტურულ ნაგებობას – გუდელისის წმ. გიორგის ეკლესიას (მიწის (უძრავი ქონების) საკადასტრო კოდი: №81.24.18.001) მიენიჭოს კულტურული მემკვიდრეობის უძრავი ძეგლის სტატუსი, თანდართული სააღრიცხვო ბარათის შესაბამისად.
2. დაევალოს საქართველოს კულტურისა და ძეგლთა დაცვის სამინისტროს (შემდგომში – სამინისტრო) ამ განკარგულების ძალაში შესვლიდან ერთი თვის ვადაში ამავე განკარგულებით გათვალისწინებული ობიექტის მონაცემების სამინისტროს ინტერნეტგვერდზე ასახვა.
პრემიერ-მინისტრი გიორგი კვირიკაშვილი
დოკუმენტის კომენტარები