„მომსახურების კომერციული ხარისხის წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2016 წლის 25 ივლისის №13 დადგენილებაში ცვლილების შეტანის თაობაზე

ა)  მე-3 პუნქტი ჩამოყალიბდეს შემდეგი რედაქციით:

„3. „მომსახურების კომერციული ხარისხის წესების“ მე-10-მე-12 მუხლები ამოქმედდეს 2017 წლის პირველი ივლისიდან, გარდა ამ წესებით გათვალისწინებულ დავალიანების გადაუხდელობისთვის გათიშული მომხმარებლისთვის მომარაგების აღდგენის გარანტირებულ სტანდარტთან დაკავშირებული ინფორმაციის აღრიცხვისა.“.

ბ) მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. მომსახურების კომერციული ხარისხის წესების“ მე-10 – მე-12 მუხლები ამ წესებით გათვალისწინებულ დავალიანების გადაუხდელობისთვის გათიშული მომხმარებლებისთვის მომარაგების აღდგენის გარანტირებულ სტანდარტთან დაკავშირებული ინფორმაციის აღრიცხვასთან მიმართებაში ამოქმედდეს 2017 წლის 1 სექტემბრიდან.“.

ა) მე-3 მუხლის მე-3 პუნქტის:

ა.ა) „გ“ ქვეპუნქტი ჩამოყალიბდეს შემდეგი რედაქციით:

„გ) გარე მიზეზი – ფორსმაჟორული გარემოება (დაუძლეველი ძალა) ან/და საწარმოსგან დამოუკიდებელი ნებისმიერი სხვა მიზეზი, რომლითაც გამოწვეულია ამ წესებით დადგენილი საერთო ან გარანტირებული სტანდარტის შეუსრულებლობა. აღნიშნულ გარემოებას უნდა ადასტურებდეს საწარმოს ხელმძღვანელის (ან მის მიერ უფლებამოსილი პირის) მიერ ხელმოწერილი დოკუმენტი.“.

ა.ბ) „თ“ ქვეპუნქტი ჩამოყალიბდეს შემდეგი რედაქციით:

„თ) მარტივი სამუშაო – სარემონტო სამუშაო, რომლის შესრულებაც არ საჭიროებს ძირითადი საშუალებების შეცვლას ან დამონტაჟებას. ასევე, ისეთი სამუშაო, რომელიც შემოიფარგლება მხოლოდ მომხმარებლ(ებ)ის სისტემასთან მიერთების წერტილში საჭირო სამუშაოებით, აღრიცხვის კვანძის მონტაჟის, შეცვლის, შეკეთების ან/და ადგილზე შემოწმების ჩათვლით;“.

ა.გ) „თ“ ქვეპუნქტის შემდეგ დაემატოს შემდეგი შინაარსის „თ¹“ პუნქტი:

„თ¹) მაღალმთიანი დასახლება – დასახლება, რომელსაც „მაღალმთიანი რეგიონების განვითარების შესახებ“ საქართველოს კანონის შესაბამისად მინიჭებული აქვს მაღალმთიანი დასახლების სტატუსი;“.

ა.დ) „ჟ“ ქვეპუნქტი ჩამოყალიბდეს შემდეგი რედაქციით:

„ჟ) რთული სამუშაო – ისეთი სამუშაო, რომელიც არ განეკუთვნება მარტივი სამუშაოს კატეგორიას, ასევე, ისეთი სამუშაო, რომლის შედეგადაც ხდება გამანაწილებელი ქსელის (სისტემის) ძირითადი საშუალებების შეცვლა/დამონტაჟება ან მშენებლობა/რეკონსტრუქცია;“.

ა.ე) „ფ“ ქვეპუნქტი ჩამოყალიბდეს შემდეგი რედაქციით:

„ფ) ფორსმაჟორი (დაუძლეველი ძალა) – ამ წესების მიზნებისთვის, ფორსმაჟორს წარმოადგენს ისეთი გარემოებები (მიწისძვრა, წყალდიდობა, სახელმწიფო გადატრიალება და სხვა), რომლებიც არ არის დამოკიდებული საწარმოზე ან/და არ ექვემდებარება მის კონტროლს, გააჩნია წინასწარ გაუთვალისწინებელი ხასიათი და რომელთა გამოც საწარმო ვერ ასრულებს ამ წესებით გათვალისწინებული მომსახურების პირობებს. აღნიშნული გარემოება დადასტურებული (აღიარებული) უნდა იყოს კომპეტენტური ორგანოს მიერ, გაცხადებული მასობრივი ინფორმაციის საშუალებებით ან/და აღნიშნულ გარემოებაზე დოკუმენტს ხელმოწერით უნდა ადასტურებდეს საწარმოს ხელმძღვანელი (ან მის მიერ უფლებამოსილი პირი);“.

ა.ვ) „ღ“ ქვეპუნქტი ჩამოყალიბდეს შემდეგი რედაქციით:

„ღ) შიდა მიზეზი – გარემოება, რომლითაც გამოწვეულია ამ წესებით დადგენილი საერთო ან გარანტირებული სტანდარტის შეუსრულებლობა და რომელზე პასუხისმგებლობა ეკისრება საწარმოს (რომელიც არ არის განპირობებული გარე მიზეზით);“.

ბ) მე-4 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) მომხმარებლის წერილობით/ელექტრონულ მიმართვაზე დასაბუთებული პასუხის გაცემა/ტექსტური შეტყობინების გაგზავნა  ან/და რეაგირება;“.

გ) მე-5 მუხლის მე-2 პუნქტის „ა-ვ“ ქვეპუნქტები ჩამოყალიბდეს შემდეგი რედაქციით:

„ა) მომხმარებელთა ინფორმირება გეგმური წყვეტის თარიღისა და ხანგრძლივობის თაობაზე (საერთო სტანდარტი) – საწარმო ვალდებულია, შესაბამის არეალში არსებულ მომხმარებლებს, რომელთაც საკონტაქტო მონაცემები მიწოდებული აქვთ საწარმოსათვის, მათ მიერ შერჩეული ფორმით (ელექტრონული ფოსტით ან მოკლე ტექსტური შეტყობინებით) აცნობოს შესაბამის არეალში დაგეგმილი სარემონტო სამუშაოების შესახებ. მომხმარებლის ინფორმირება უნდა მოხდეს  სამუშაოების დაწყებამდე არაუმეტეს 5 და არანაკლებ 1 კალენდარული დღით ადრე. საწარმო ვალდებულია, შეტყობინებაში ზუსტად მიუთითოს სამუშაოების დაწყების დრო და ხანგრძლივობა. იმ შემთხვევაში, თუ დაგეგმილი სამუშაოების შედეგად მომარაგება უწყდება შესაბამის თვითმმართველ ერთეულში არსებულ მომხმარებელთა 2 პროცენტზე მეტს, მაგრამ არანაკლებ 100 მომხმარებლისა, ზემოაღნიშნულ ვადაში საწარმომ ასევე უნდა გაავრცელოს შესაბამისი ინფორმაცია მედიასაშუალებებით, მოქმედი კანონმდებლობით დადგენილი წესით. თუ გარე მიზეზის გამო შეუძლებელია ამ მუხლის პირველ პუნქტში მითითებული ინფორმაციის გავრცელების ვადის დაცვა, საწარმო ვალდებულია მოახდინოს მომხმარებლის ინფორმირება მოსალოდნელი წყვეტის შესახებ ინფორმაციის მიღებისთანავე;

ბ) არაგეგმური წყვეტის გამო გამორთული მომხმარებლისთვის მომარაგების აღდგენა (საერთო სტანდარტი) – საწარმო ვალდებულია, აღმოფხვრას არაგეგმური წყვეტა არაუმეტეს 6 საათის ვადაში, თუ მომარაგების აღდგენა საჭიროებს მარტივი სამუშაოების შესრულებას. იმ შემთხვევაში, თუ მომარაგების აღდგენა საჭიროებს რთული სამუშაოების შესრულებას, საწარმო ვალდებულია, შესაბამის არეალში არსებულ მომხმარებლებს, რომელთაც საკონტაქტო მონაცემები მიწოდებული აქვთ საწარმოსათვის, მათ მიერ შერჩეული ფორმით (ელექტრონული ფოსტით ან მოკლე ტექსტური შეტყობინებით) დაუყოვნებლივ (მაგრამ წყვეტის დასაწყისიდან (დაფიქსირებიდან) არაუგვიანეს 3 საათისა) აცნობოს გათიშვის ზუსტი მიზეზი და მომარაგების აღდგენის სავარაუდო დრო, რომელიც არ უნდა აღემატებოდეს 12 საათს. იმ შემთხვევაში, თუ მომარაგება შეუწყდა შესაბამის თვითმმართველ ერთეულში არსებულ მომხმარებელთა 2 პროცენტზე მეტს, მაგრამ არანაკლებ 100 მომხმარებლისა, საწარმომ ასევე უნდა გაავრცელოს შესაბამისი ინფორმაცია მის ოფიციალურ ვებგვერდზე;

გ)  ქოლცენტრის ოპერატორის პასუხის გაცემის დრო სატელეფონო ზარზე (საერთო სტანდარტი) – საწარმო ვალდებულია, უზრუნველყოს ქოლცენტრში შემომავალი მომხმარებლის ზარებზე პასუხის გაცემა მათი დაფიქსირებიდან 80 წამის განმავლობაში;

 დ) დავალიანების გადაუხდელობისთვის გათიშული მომხმარებლებისთვის მომარაგების აღდგენა (გარანტირებული სტანდარტი) – საწარმო ვალდებულია უზრუნველყოს გადაუხდელობისთვის გათიშული მომხმარებლისთვის მომარაგების აღდგენა დავალიანების გადახდის ასახვიდან ან მომხმარებლის მიერ ამ დავალიანების გადახდის დამადასტურებელი ქვითრის წარდგენიდან, ან საწარმოსა და მოხმარებელს შორის დავალიანების ეტაპობრივ გადახდის გრაფიკის ხელშეკრულების გაფორმებიდან არაუმეტეს 5 საათისა, თუ გადახდის ასახვა, გადახდის დადასტურება ან გადახდაზე შეთანხმება მოხდა 09:00 საათიდან 16:00 საათამდე (მაღალმთიან დასახლებაში - 14:00 საათამდე). იმ შემთხვევაში, თუ გადახდის ასახვა, გადახდის დადასტურება ან გადახდაზე შეთანხმება მოხდა 16:00 საათის შემდეგ (მაღალმთიან დასახლებაში - 14:00 საათის შემდეგ) – მომარაგების აღდგენა უნდა მოხდეს შემდგომი კალენდარული დღის არაუგვიანეს 12:00 საათისა (აღნიშნული სტანდარტი ასევე ვრცელდება დასვენებისა და უქმე დღეებზე);

ე) მომხმარებელთა მიმართვებზე დასაბუთებული პასუხის ან ტექსტური შეტყობინების გაგზავნა ან/და რეაგირება (გარანტირებული სტანდარტი) – საწარმო ვალდებულია, მომხმარებლის წერილობით/ელექტრონულ მიმართვაზე გასცეს დასაბუთებული პასუხი, გააგზავნოს ტექსტური შეტყობინება ან/და მოახდინოს შესაბამისი რეაგირება „მიწოდებისა და მოხმარების წესების“ შესაბამისად, მომხმარებლის მიმართვიდან არაუმეტეს 10 სამუშაო დღის ვადაში. აღნიშნული სტანდარტი არ ვრცელდება ისეთი სახის მიმართვებზე, რომელთა შინაარსიც არ არის პირდაპირ კავშირში საწარმოს ამ წესებით რეგულირებად საქმიანობასთან. მომხმარებლის წერილობით/ელექტრონულ მიმართვაზე არ არის აუცილებელი დასაბუთებული პასუხის გაცემა, თუ ამ მოთხოვნაზე მოხდა სათანადო რეაგირება, რასაც მომხმარებელი ადასტურებს შესაბამის აქტზე ან/და ხელშეკრულებაზე ხელმოწერით ან მოთხოვნის დაკმაყოფილების შესახებ ინფორმაცია მომხმარებელს მიეწოდა ტექსტური შეტყობინებით, „მიწოდებისა და მოხმარების წესების“ შესაბამისად;

ვ) მომხმარებელთა მიმართვის საფუძველზე აღრიცხვის ხელსაწყოების ადგილზე შემოწმება (გარანტირებული სტანდარტი) – საწარმო ვალდებულია, უზრუნველყოს აღრიცხვის ხელსაწყოს ადგილზე შემოწმება (მათ შორის, მრიცხველის შეცვლის, დალუქვის ან მრიცხველის დაზიანების ან/და გაუმართაობის შესახებ მომხმარებლის განაცხადის მიღების შემთხვევაში) მომხმარებლის მიმართვიდან არაუმეტეს 10 სამუშაო დღისა. ამასთან, თუ მომსახურების გასაწევად საჭიროა მომხმარებლის მფლობელობაში არსებულ ტერიტორიაზე შესვლა, მომხმარებელი ვალდებულია, უზრუნველყოს საწარმოს წარმომადგენლების დაშვება თავის მფლობელობაში არსებულ ტერიტორიაზე წინასწარ შეთანხმებულ დროს;“.

დ) მე-6 მუხლის:

დ.ა) პირველი პუნქტის „გ“, „დ“ და „ე“ ქვეპუნქტები ჩამოყალიბდეს შემდეგი რედაქციით:

„გ) ქოლცენტრის ოპერატორის პასუხის დრო, წამებში განსაზღვრული, აითვლება სტანდარტულ სიტუაციაში ქოლცენტრში მომხმარებლის შემომავალი ზარის დაფიქსირებიდან ოპერატორისაგან პასუხის მიღებამდე; წინამდებარე სტანდარტთან მიმართებაში ფორსმაჟორი გულისხმობს ისეთ შემთხვევას, როდესაც საწარმოს მომსახურების არეალში გეგმური/არაგეგმური წყვეტის შედეგად ერთდროულად მომარაგება შეწყვეტილი აქვს 15 000 მომხმარებელს ან თვითმმართველი ერთეულის მომხმარებლების არანაკლებ 30 პროცენტს. ფორსმაჟორის შემთხვევაში, საწარმო ვალდებულია დააფიქსიროს აღნიშნული გარემოება (მისი დაწყებისა და დამთავრების ზუსტი დროის მითითებით). წინამდებარე სტანდარტთან მიმართებაში ფორსმაჟორი დადასტურებული უნდა იყოს საწარმოს ხელმძღვანელის ან მის მიერ უფლებამოსილი პირის ხელმოწერით. ამასთან, საწარმო ვალდებულია განცალკევებულად აღრიცხოს ფორსმაჟორი და მოთხოვნის შემთხვევაში წარადგინოს კომისიაში;

დ) იმ მომხმარებლისათვის მომარაგების აღსადგენად საჭირო დრო, რომელიც გაითიშა დავალიანების გადაუხდელობის გამო, აითვლება მომხმარებლის მიერ გადახდის ასახვიდან, მომხმარებლის მიერ ამ დავალიანების გადახდის დამადასტურებელი ქვითრის წარდგენიდან ან ეტაპობრივად გადახდის გრაფიკის ხელშეკრულების გაფორმებიდან - მომარაგების ფაქტობრივად აღდგენის დრომდე;

ე) მომხმარებლის წერილობით/ელექტრონულ მიმართვაზე დასაბუთებული პასუხის, ტექსტური შეტყობინების გაგზავნის ან/და რეაგირებისათვის საჭირო დრო აითვლება წერილობითი/ელექტრონული მიმართვის მიღებიდან – მომხმარებლისათვის გარანტირებული სტანდარტით გათვალისწინებული ფორმით დასაბუთებული პასუხის ან ტექსტური შეტყობინების გაგზავნის ან/და შესაბამისი რეაგირების მომხმარებლის მიერ ხელმოწერით დადასტურებამდე;“.

დ.ბ)  პირველი პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) აბონენტად დარეგისტრირებისათვის საჭირო დრო აითვლება აბონენტად დარეგისტრირების მსურველის მიერ განაცხადის წარდგენიდან აბონენტად დარეგისტრირებისა და, საჭიროებისას, მომარაგების უზრუნველყოფის თარიღამდე;“.

დ.გ) მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. თუ მომხმარებლის მიმართვის შესწავლისას ვერ ხერხდება კონკრეტული მომხმარებლის ან მისი მოთხოვნის იდენტიფიცირება, საწარმომ ამ მიმართვაზე უნდა დაადგინოს ხარვეზი და აღნიშნულის შესახებ საწარმოს ხელმძღვანელის ან მის მიერ უფლებამოსილი პირის ხელმოწერილი დოკუმენტი ატვირთოს ელექტრონულ ჟურნალში (აღნიშნული დოკუმენტის ატვირთვის თარიღი ჩაითვლება მიმართვაზე რეაგირების დროდ).“.

ე) მე-8 მუხლის:

ე.ა) მე-2 პუნქტი ჩამოყალიბდეს შემდეგი რედაქციით:

„2. გარანტირებული სტანდარტით გათვალისწინებული მომსახურების შიდა მიზეზებით შეუსრულებლობის შემთხვევაში საწარმო ვალდებულია, ამ წესების მიხედვით უზრუნველყოს მომხმარებლისთვის გაუწეველი მომსახურებისთვის განსაზღვრული კომპენსაციის გადახდა. გარანტირებული სტანდარტით გათვალისწინებული კომპენსაცია მომხმარებელს უნდა დაერიცხოს მის სააბონენტო ბარათზე, კრედიტის სახით, შემდგომი ანგარიშსწორებისთვის. ამასთან, კომპენსაცია უნდა აისახოს მომხმარებლის სააბონენტო ბარათზე, მომსახურების გარანტირებული სტანდარტის დარღვევიდან 15 სამუშაო დღის ვადაში.“.

ე.ბ) მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. თუ საწარმო არ ეთანხმება გარანტირებული სტანდარტის შეუსრულებლობისათვის კომპენსაციის დარიცხვას, ის უფლებამოსილია კონკრეტული კომპენსაციის დარიცხვასთან დაკავშირებით, წერილობით მიმართოს კომისიას ელექტრონული ჟურნალით კომპენსაციის დარიცხვის გადავადების ან გაუქმების მოთხოვნით. საწარმოს მოთხოვნა შეიძლება დაკმაყოფილდეს მხოლოდ კომისიის გადაწყვეტილების საფუძველზე, თუ არსებობს ობიექტური გარემოებები, რომლებიც აშკარად სადავოდ ხდის ამ წესებით გათვალისწინებული კომპენსაციის დარიცხვის საკითხს და დაცულია ამ პუნქტში მოცემული პირობები და პროცედურები. ელექტრონული ჟურნალით ავტომატურ დარიცხვასთან დაკავშირებით კომისიისთვის მიმართვის შემთხვევაში, საწარმო ვალდებულია დაიცვას შემდეგი მოთხოვნები:

ა) კომისიაში წარდგენილი მოთხოვნა უნდა შეიცავდეს მომხმარებლის მოთხოვნის შესრულებასთან დაკავშირებულ დოკუმენტაციას და განხილვა-შესრულების პროცესის მოკლე აღწერას; ხელის შემშლელი კონკრეტული გარემოებ(ებ)ის დასაბუთებასა და შესაბამის მტკიცებულებებს; ამასთან, ელექტრონული ჟურნალით კომპენსაციის დარიცხვის გადავადების მოთხოვნის შემთხვევაში – გადავადების ვადას (კონკრეტული პრობლემ(ებ)ის გადასაჭრელად საჭირო პერიოდზე მითითებით);

ბ) მოთხოვნა ასევე უნდა გაეგზავნოს მომხმარებელს წერილობით/ელექტრონულად (კომისიისთვის მიმართვასთან ერთად). მომხმარებელს უნდა გაეგზავნოს ინფორმაცია მოთხოვნის ძირითადი არსის შესახებ, ხოლო მომხმარებლის მოთხოვნის შემთხვევაში საწარმო ვალდებულია მომხმარებელს მიაწოდოს სრული ინფორმაცია;

გ) მოთხოვნა კომისიას უნდა წარედგინოს ელექტრონული ჟურნალით კომპენსაციის მომხმარებლისთვის დარიცხვის თარიღამდე არაუგვიანეს 5 სამუშაო დღით ადრე.“.

ვ) მე-9 მუხლის მე-2 პუნქტი ჩამოყალიბდეს შემდეგი რედაქციით:

„2. საწარმოს მიერ საერთო სტანდარტის სამიზნე მაჩვენებლის გაუმჯობესების ან გაუარესების შემთხვევაში, კომისია უფლებამოსილია საწარმოს ტარიფის გაანგარიშებისას რეგულირებადი დანახარჯების ბაზა შესაბამისად გაზარდოს ან შეამციროს დანართში №1 მითითებული ოდენობით. საერთო სტანდარტის სამიზნე მაჩვენებლის შეფასებისას მხედველობაში არ მიიღება სტანდარტის შეუსრულებლობის ისეთი შემთხვევები, რომლებიც გამოწვეულია გარე მიზეზით.“.

ზ) მე-10 მუხლის:

ზ.ა) მე-3 პუნქტის შემდეგ დაემატოს შემდეგი შინაარსის 3¹ და 3² პუნქტები:

„3¹. არაგეგმურ წყვეტაზე ელექტრონულ ჟურნალში ინფორმაციის ჩასწორება ან/და დაზუსტებული ინფორმაციის ასახვა დასაშვებია წყვეტის დასრულებიდან მომდევნო სამუშაო დღის ბოლომდე. არასტანდარტული სიტუაციის შემთხვევაში, როდესაც ადგილი აქვს ბუნებრივი მოვლენების შედეგად არაგეგმური წყვეტების რაოდენობის განსაკუთრებულ ზრდას, ელექტრონულ ჟურნალში უნდა დაფიქსირდეს აღნიშნულის შესახებ. ასეთ შემთხვევაში, ელექტრონულ ჟურნალში წყვეტების დაფიქსირება და შესაბამისი ინფორმაციის შეყვანა დასაშვებია არასტანდარტული პერიოდის დასრულებიდან მომდევნო სამუშაო დღის ბოლომდე. არასტანდარტული სიტუაცია უნდა დადასტურდეს საწარმოს ხელმძღვანელის ან მის მიერ უფლებამოსილი პირის ხელმოწერილი აქტით.

3². დავალიანების გადაუხდელობის გამო გათიშული მომხმარებლის მომარაგების აღდგენის ფაქტის ჟურნალში ასახვა ასევე დასაშვებია მომარაგების აღდგენის მომდევნო სამუშაო დღის ბოლომდე.“.

ზ.ბ) მე-5 პუნქტის შემდეგ დაემატოს შემდეგი შინაარსის 5¹ პუნქტი:

„5¹. თუ მომხმარებლის მიმართვაზე (ახალი მომხმარებლის მიერთების მოთხოვნის შემთხვევის გარდა) საწარმოს მიერ ელექტრონულ ჟურნალში არ აიტვირთება რეაგირების დამადასტურებელი ინფორმაცია 3 თვის ვადაში, ასეთ მიმართვაზე ელექტრონულ ჟურნალში პროცესი დასრულდება როგორც საწარმოს მიერ მიმართვაზე ამ წესებით დადგენილი მოთხოვნების დარღვევა.“.

თ) მე-11 მუხლი ჩამოყალიბდეს შემდეგი რედაქციით:

„მუხლი 11. ელექტრონული ჟურნალების შინაარსი

1. მომარაგების გეგმური წყვეტის თარიღისა და ხანგრძლივობის თაობაზე მომხმარებელთა ინფორმირების შესახებ შემდეგი ინფორმაცია აისახება გეგმური წყვეტის შესახებ ელექტრონულ ჟურნალში:

ა) გათიშვის არეალი;

ბ) წყვეტის მიზეზი (გარე/შიდა);

გ) გამორთულ მომხმარებელთა რაოდენობა;

დ) წყვეტის დაწყებისა და დასრულების როგორც დაგეგმილი (შეტყობინებაში მითითებული), ასევე ფაქტობრივი თარიღი და დრო;

ე) მომხმარებლის ინფორმირების ბოლო ვადა (გათვალისწინებული ამ წესებით);

ვ) მომხმარებლის ინფორმირების ფაქტობრივი დრო;

ზ) დროულად ინფორმირებულ მომხმარებელთა რაოდენობა;

თ) გამორთულ აბონენტთა რაოდენობა, რომლებსაც საკონტაქტო ინფორმაცია მიწოდებული აქვთ საწარმოსთვის;

ი) გამორთულ მომხმარებელთა პროცენტული მაჩვენებელი თვითმმართველ ერთეულში;

კ) ელექტრონული ჟურნალით გათვალისწინებული სხვა ინფორმაცია.

2. არაგეგმური წყვეტის გამო გამორთული მომხმარებლისთვის მომარაგების აღდგენის შესახებ ელექტრონულ ჟურნალში აისახება შემდეგი ინფორმაცია:

ა) გათიშვის არეალი;

ბ) წყვეტის მიზეზი (გარე/შიდა);

გ) წყვეტის ტიპი (მარტივი/რთული);

დ) გამორთულ მომხმარებელთა რაოდენობა;

ე) წყვეტის დაწყების თარიღი, დრო;

ვ) წყვეტის დასრულების მაქსიმალური თარიღი, ვადა (ამ წესების შესაბამისად);

ზ) წყვეტის დასრულების ფაქტობრივი თარიღი, დრო;

თ) დროულად ჩართულ მომხმარებელთა რაოდენობა;

ი) ელექტრონული ჟურნალით გათვალისწინებული სხვა ინფორმაცია.

3. დავალიანების გადაუხდელობის გამო გათიშული მომხმარებლის მომარაგების აღდგენის შესახებ ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) აბონენტის მისამართი;

გ) აბონენტის ნომერი;

დ) მომხმარებლის მიერ გადახდის ასახვის, მომხმარებლის მიერ ამ დავალიანების გადახდის დამადასტურებელი ქვითრის წარდგენის ან ეტაპობრივად გადახდის გრაფიკის ხელშეკრულების გაფორმების დრო;

ე) მომარაგების აღდგენის ფაქტობრივი დრო;

ვ) ელექტრონული ჟურნალით გათვალისწინებული სხვა ინფორმაცია.

4. მომხმარებლის მიმართვაზე რეაგირების შესახებ ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) აბონენტის მისამართი;

გ) აბონენტის ნომერი;

დ) მიმართვის შემოსვლის თარიღი და რეგისტრაციის ნომერი;

ე) პასუხის გაცემის ან/და რეაგირების ბოლო ვადა;

ვ) პასუხის გაცემის ან/და რეაგირების ფაქტობრივი თარიღი;

ზ) მოთხოვნის დაკმაყოფილების/დაუკმაყოფილებლობის შესახებ ინფორმაცია;

თ) რეაგირების ფორმა (წერილობითი ან ელექტრონული, ტექსტური შეტყობინება ან/და  მომხმარებლის მიერ ხელმოწერილი რეაგირების აქტი);

ი) ელექტრონული ჟურნალით გათვალისწინებული სხვა ინფორმაცია.

5. მომხმარებლის მიმართვის საფუძველზე აღრიცხვის ხელსაწყოების ადგილზე შემოწმების შესახებ ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) აბონენტის მისამართი;

გ) აბონენტის ნომერი;

დ) მომხმარებლის კატეგორია: საყოფაცხოვრებო, არასაყოფაცხოვრებო;

ე) მიმართვის შემოსვლის თარიღი;

ვ) პასუხის გაცემის (სამუშაოს შესრულების) ბოლო ვადა;

ზ) პასუხის გაცემის (სამუშაოს შესრულების)  ფაქტობრივი თარიღი;

თ) რეაგირების ფორმა (წერილობითი ან ელექტრონული, ტექსტური შეტყობინება ან/და  მომხმარებლის მიერ ხელმოწერილი რეაგირების აქტი);

ი) ელექტრონული ჟურნალით გათვალისწინებული სხვა ინფორმაცია.

6. აბონენტად რეგისტრაციის ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) მისამართი, სადაც უნდა მოხდეს მომსახურების გაწევა და მომარაგება;

გ) აბონენტად რეგისტრაციის ნომერი;

დ) მომხმარებლის კატეგორია: საყოფაცხოვრებო, არასაყოფაცხოვრებო;

ე) განაცხადის  შემოსვლის თარიღი;

ვ) აბონენტად რეგისტრაციის ბოლო ვადა;

ზ) აბონენტად რეგისტრაციის ფაქტობრივი თარიღი.

თ) რეაგირების ფორმა (წერილობითი ან ელექტრონული, ტექსტური შეტყობინება ან/და  მომხმარებლის მიერ ხელმოწერილი რეაგირების აქტი);

ი) ელექტრონული ჟურნალით გათვალისწინებული სხვა ინფორმაცია.

7. ახალი მომხმარებლის მიერთების შესახებ ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) მისამართი, სადაც უნდა მოხდეს მომსახურების გაწევა და მომარაგება;

დ) მოთხოვნილი პაკეტის პარამეტრები და ღირებულება;

ვ) განაცხადის  შემოსვლის თარიღი;

ზ) მომარაგების დაწყების ბოლო ვადა (მოქმედი კანონმდებლობის შესაბამისად);

თ) მომარაგების ფაქტობრივი ვადა;

ი)  დოკუმენტი მომსახურების შესრულება/არშესრულების შესახებ (ხარვეზის დადგენის შესახებ);

კ) კომპენსაციის ოდენობა მომსახურების შეუსრულებლობის შემთხვევაში;

ლ) კომპენსაციის დაფარვის ბოლო ვადა (ამ წესების შესაბამისად);

მ) კომპენსაციის დაფარვის (სააბონენტო ბარათზე ასახვის) ფაქტობრივი ვადა.

ნ) ელექტრონული ჟურნალით გათვალისწინებული სხვა ინფორმაცია.

8. მომხმარებელთა მიმართვის საფუძველზე მომარაგების ტექნიკური ხარისხის ადგილზე შემოწმების შესახებ ელექტრონულ ჟურნალში აისახება შემდეგი ინფორმაცია:

ა) ფიზიკური პირის შემთხვევაში – სახელი და გვარი, იურიდიული პირის შემთხვევაში – დასახელება (სახელწოდება);

ბ) აბონენტის მისამართი;

გ) აბონენტის ნომერი;

დ) მომხმარებლის კატეგორია: საყოფაცხოვრებო, არასაყოფაცხოვრებო;

ე) მიმართვის შემოსვლის თარიღი;

ვ) პასუხის გაცემის (სამუშაოს შესრულების) ბოლო ვადა;

ზ) პასუხის გაცემის (სამუშაოს შესრულების)  ფაქტობრივი თარიღი;

თ) რეაგირების ფორმა (წერილობითი ან ელექტრონული, ტექსტური შეტყობინება ან/და  მომხმარებლის მიერ ხელმოწერილი რეაგირების აქტი);

ი) ელექტრონული ჟურნალით გათვალისწინებული სხვა ინფორმაცია.“.

ი) მე-12 მუხლის:

ი.ა) პირველი პუნქტი ჩამოყალიბდეს შემდეგი რედაქციით:

„1. საწარმომ ელექტრონულ ჟურნალში კონკრეტული მომსახურების გაწევის დადასტურების მიზნით უნდა ატვირთოს ამ მუხლით გათვალისწინებული დოკუმენტები.“.

ი.ბ) მე-2 პუნქტი ჩამოყალიბდეს შემდეგი რედაქციით:

2. საწარმომ ელექტრონულ ჟურნალში ასევე უნდა ატვირთოს:

ა) იმ მედიასაშუალებათა ნუსხა, რომლითაც მოხდა მოსახლეობის ინფორმირება - მხოლოდ წესების მე-11 მუხლის პირველი პუნქტით გათვალისწინებულ შემთხვევაში;

ბ) გეგმური გათიშვის შესახებ აქტი, გამორთულ მომხმარებელთა რაოდენობის მითითებით – მხოლოდ მე-11 მუხლის პირველი პუნქტით გათვალისწინებულ შემთხვევაში;

გ) გარე მიზეზის არსებობისას – მისი დასაბუთება.“.

ი.გ) მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საწარმოს დასაბუთებული პასუხი/ტექსტური შეტყობინება ან რეაგირების დამადასტურებელი საბუთი;“.

კ) მე-13 მუხლის მე-3 პუნქტის „ბ“ ქვეპუნქტი ამოღებულ იქნეს.

ლ) მე-14 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამ წესების პირობების შესაბამისად, მომსახურების კომერციული ხარისხის საერთო სტანდარტის სამიზნე მაჩვენებლების საწარმოს შესაბამის ტარიფში ასახვის მიზნით, პირველი  სატესტო წლის ათვლის თარიღად განისაზღვროს 2018 წლის 1 იანვარი.“.

მ) №1 დანართი ჩამოყალიბდეს შემდეგი რედაქციით:

„დანართი №1

ფინანსური მექანიზმები

მომსახურების კომერციული ხარისხის საერთო სტანდარტის შეუსრულებლობის შემთხვევაში

“.

ნ) №2 დანართი ჩამოყალიბდეს შემდეგი რედაქციით:

„დანართი №2

კ ო მ პ ე ნ ს ა ც ი ა

მომსახურების კომერციული ხარისხის გარანტირებული სტანდარტის

 შეუსრულებლობის შემთხვევაში

“.