„მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში ცვლილების შეტანის თაობაზე

საქართველოს მთავრობის

განკარგულება №1281

2017 წლის 22 ივნისი

ქ. თბილისი

„მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის თანახმად, „მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში შეტანილ იქნეს ცვლილება და:

1. განკარგულების პირველი პუნქტის პრეამბულა ჩამოყალიბდეს შემდეგი რედაქციით:

„1. საქართველოს მთავრობის 2016 წლის 6 ივნისის №249 დადგენილების საფუძველზე და საქართველოს მთავრობის 2010 წლის 25 ივნისის №172 დადგენილებით შექმნილი სამთავრობო კომისიის მიმდინარე წლის 13 ივნისს მიღებული გადაწყვეტილების შესაბამისად, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შე­სა­ხებ“ საქართველოს კანონით გათვალის­წინე­ბუ­ლი მაღალმთიანი დასახლებების განვითარების ფონდიდან მუნიციპალიტეტებს გამოუყოს 7 025 892 (შვიდი მილიონ ოცდახუთი ათას რვაას ოთხმოცდათორმეტი) ლარი, მათ შორის:“.

2. განკარგულების პირველ პუნქტს დაემატოს შემდეგი შინაარსის 1.21 ქვეპუნქტი:

„1.21 თელავის მუნიციპალიტეტს – არაუმეტეს 133 213 (ას ოცდაცამეტი ათას ორას ცამეტი) ლარისა დანართი №21-ით გათვალისწინებული ღონისძიებების დასაფინანსებლად.“.

3. განკარგულებას დაემატოს თანდართული შინაარსის №21 დანართი.

პრემიერ-მინისტრი გიორგი კვირიკაშვილი