დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
სს „საქართველოს ნავთობისა და გაზის კორპორაციის“ მიერ საერთაშორისო სტანდარტების მიწისქვეშა გაზსაცავის პროექტის განხორციელების უზრუნველსაყოფად საჭირო ფინანსური სახსრების მოზიდვისა და შესყიდვების წესების გამოყენების თაობაზე | |
---|---|
დოკუმენტის ნომერი | 1221 |
დოკუმენტის მიმღები | საქართველოს მთავრობა |
მიღების თარიღი | 15/06/2017 |
დოკუმენტის ტიპი | საქართველოს მთავრობის განკარგულება |
გამოქვეყნების წყარო, თარიღი | ვებგვერდი, 28/06/2017 |
სარეგისტრაციო კოდი | 000000000.00.003.023958 |
საქართველოს მთავრობის
განკარგულება №1221
2017 წლის 15 ივნისი
ქ. თბილისი
სს „საქართველოს ნავთობისა და გაზის კორპორაციის“ მიერ საერთაშორისო სტანდარტების მიწისქვეშა გაზსაცავის პროექტის განხორციელების უზრუნველსაყოფად საჭირო ფინანსური სახსრების მოზიდვისა და შესყიდვების წესების გამოყენების თაობაზე
1. ცნობად იქნეს მიღებული სს „საქართველოს ნავთობისა და გაზის კორპორაციის“ მიერ, სამგორის სამხრეთ თაღის გამომუშავებული ნავთობის საბადოს ბაზაზე საერთაშორისო სტანდარტების მიწისქვეშა გაზსაცავის პროექტის განხორციელების უზრუნველსაყოფად საჭირო ფინანსური სახსრების მოზიდვის მიზნით, გერმანიის რეკონსტრუქციის საკრედიტო ბანკთან (KFW), ევროპის საინვესტიციო ბანკთან (EIB), ევროპის რეკონსტრუქციისა და განვითარების ბანკსა (EBRD) და აზიის განვითარების ბანკთან (ADB) მიმდინარე მოლაპარაკებები.
2. „სახელმწიფო შესყიდვების შესახებ“ საქართველოს კანონის პირველი მუხლის მე-4 პუნქტის შესაბამისად, სამგორის სამხრეთ თაღის გამომუშავებული ნავთობის საბადოს ბაზაზე საერთაშორისო სტანდარტების მიწისქვეშა გაზსაცავის პროექტის განხორციელების მიზნით, სს „საქართველოს ნავთობისა და გაზის კორპორაციას“ მიენიჭოს უფლება, მიწისქვეშა გაზსაცავის მშენებლობასთან დაკავშირებული სამუშაოების, მომსახურებისა და საქონლის შესყიდვა, ამ განკარგულების პირველ პუნქტში მითითებულ ერთ ან რამდენიმე საფინანსო ინსტიტუტთან შეთანხმებით, განახორციელოს ამავე ორგანიზაციების შესყიდვების წესების შესაბამისად.
პრემიერ-მინისტრი გიორგი კვირიკაშვილი
დოკუმენტის კომენტარები