„კომპანია Microsoft-ის ლიცენზიების (Genuine OS Licensing და Enterprise Licensing) ზოგიერთი საბიუჯეტო ორგანიზაციისათვის მიწოდებისა და მისი ადმინისტრირების თაობაზე“ საქართველოს მთავრობის 2015 წლის 16 ივნისის №1235 განკარგულებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„კომპანია Microsoft-ის ლიცენზიების (Genuine OS Licensing და Enterprise Licensing) ზოგიერთი საბიუჯეტო ორგანიზაციისათვის მიწოდებისა და მისი ადმინისტრირების თაობაზე“ საქართველოს მთავრობის 2015 წლის 16 ივნისის №1235 განკარგულებაში ცვლილების შეტანის შესახებ
დოკუმენტის ნომერი	1194
დოკუმენტის მიმღები	საქართველოს მთავრობა
მიღების თარიღი	15/06/2017
დოკუმენტის ტიპი	საქართველოს მთავრობის განკარგულება
გამოქვეყნების წყარო, თარიღი	ვებგვერდი, 28/06/2017
სარეგისტრაციო კოდი	000000000.00.003.023952

Word

დროებით, ფაილს შესაძლოა გააჩნდეს ვიზუალური ხარვეზი, სრული ვერსიის სანახავად დააჭირეთ ფაილის გადმოწერას

საქართველოს მთავრობის

განკარგულება №1194

2017 წლის 15 ივნისი

ქ. თბილისი

„კომპანია Microsoft-ის ლიცენზიების (Genuine OS Licensing და Enterprise Licensing) ზოგიერთი საბიუჯეტო ორგანიზაციისათვის მიწოდებისა და მისი ადმინისტრირების თაობაზე“ საქართველოს მთავრობის 2015 წლის 16 ივნისის №1235 განკარგულებაში ცვლილების შეტანის შესახებ

საქართველოს ზოგადი ადმინისტრაციული კოდექსის 63-ე მუხლის შესაბამისად, „კომპანია Microsoft-ის ლიცენზიების (Genuine OS Licensing და Enterprise Licensing) ზოგიერთი საბიუჯეტო ორგანიზაციისათვის მიწოდებისა და მისი ადმინისტრირების თაობაზე“ საქართველოს მთავრობის 2015 წლის 16 ივნისის №1235 განკარგულებაში შეტანილ იქნეს ცვლილება და:

ა) მე-3 პუნქტი ჩამოყალიბდეს შემდეგი რედაქციით:

„3. ამ განკარგულების მე-2 პუნქტით გათვალისწინებული საბიუჯეტო ორგანიზაციების მიერ, ამავე პუნქტის მიხედვით, კომპანია Microsoft-ის ლიცენზიების შესყიდვასთან დაკავშირებით შესაბამისი ანგარიშსწორება განხორციელდეს ეტაპობრივად, მხარეთა შორის გაფორმებული ხელშეკრულებებით გასაზღვრული ანგარიშსწორების გრაფიკის შესაბამისად. ამასთან, საბოლოო ანგარიშსწორება უნდა განხორციელდეს არა უგვიანეს 2017 წლისა (გარდა №6, №10 და №11 დანართებით განსაზღვრული საბიუჯეტო ორგანიზაციებისა). ამავე განკარგულების №10 და №11 დანართებით განსაზღვრულ საბიუჯეტო ორგანიზაციებს საბოლოო ანგარიშსწორების ვადად განესაზღვროს არაუგვიანეს 2018 წლისა, ხოლო №6 დანართით განსაზღვრულ საბიუჯეტო ორგანიზაციას საბოლოო ანგარიშსწორების ვადად განესაზღვროს არაუგვიანეს 2020 წლისა.“;

ბ) მე-6 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ამ განკარგულების დანართებით განსაზღვრული საბიუჯეტო ორგანიზაციებისათვის (გარდა №3, №6, №10, №11, №16, №17, №18 და №19 დანართებით განსაზღვრული საბიუჯეტო ორგანიზაციებისა), ამავე დანართებში მითითებული ოდენობების შესაბამისად, კომპანია Microsoft-ის ლიცენზიების მიწოდება – 3 (სამი) ეტაპად, ხოლო ამ განკარგულების №3, №10, №11, №16, №17, №18 და №19 დანართებით განსაზღვრული საბიუჯეტო ორგანიზაციებისათვის – 2 (ორი) ეტაპად და №6 დანართით განსაზღვრული საბიუჯეტო ორგანიზაციისათვის – 1 (ერთი) ეტაპად, ამავე დანართებში მითითებული ოდენობების შესაბამისად;“;

გ) განკარგულების №11 დანართი ჩამოყალიბდეს თანდართული რედაქციით.

პრემიერ-მინისტრი გიორგი კვირიკაშვილი