„მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში ცვლილების შეტანის თაობაზე

საქართველოს მთავრობის

განკარგულება №10 92

2017 წლის 2 ივნისი

ქ. თბილისი

„მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის თანახმად, „მაღალმთიანი დასახლებების განვითარების ფონდიდან მუნიციპალიტეტებისათვის თანხის გამოყოფის შესახებ“ საქართველოს მთავრობის 2017 წლის 6 აპრილის №693 განკარგულებაში შეტანილ იქნეს ცვლილება და:

 ა) პირველი პუნქტის პრეამბულა ჩამოყალიბდეს შემდეგი რედაქციით:

„1. საქართველოს მთავრობის 2016 წლის 6 ივნისის №249 დადგენილების საფუძველზე და საქართველოს მთავრობის 2010 წლის 25 ივნისის №172 დადგენილებით შექმნილი სამთავრობო კომისიის მიმდინარე წლის 29 მაისს მიღებული გადაწყვეტილების შესაბამისად, საქართველოს ფინანსთა სამინისტრომ „საქართველოს 2017 წლის სახელმწიფო ბიუჯეტის შე­სა­ხებ“ საქართველოს კანონით გათვალისწინებუ­ლი მაღალმთიანი დასახლებების განვითარების ფონდიდან მუნიციპალიტეტებს გამოუყოს 6 892 679 (ექვსი მილიონ რვაას ოთხმოცდათორმეტი ათას ექვსას სამოცდაცხრამეტი) ლარი, მათ შორის:“;

ბ) პირველი პუნქტის 1.16 პუნქტი ჩამოყალიბდეს შემდეგი რედაქციით:

„1.16. ქარელის მუნიციპალიტეტს არაუმეტეს 524 871 (ხუთას ოცდაოთხი ათას რვაას სამოცდათერთმეტი) ლარისა №16 დანართით გათვალისწინებული ღონისძიებების დასაფინანსებლად.“;

გ) პირველ პუნქტს დაემატოს შემდეგი შინაარსის 1.18, 1.19 და 1.20 პუნქტები:

„1.18. ახმეტის მუნიციპალიტეტს არაუმეტეს 1 090 100 (ერთი მილიონ ოთხმოცდაათი ათას ასი) ლარისა №18 დანართით გათვალისწინებული ღონისძიებების დასაფინანსებლად.

1.19. ამბროლაურის მუნიციპალიტეტს არაუმეტეს 450 000 (ოთხას ორმოცდაათი ათასი) ლარისა №19 დანართით გათვალისწინებული ღონისძიებების დასაფინანსებლად.

1.20. კასპის მუნიციპალიტეტს არაუმეტეს 204 535 (ორას ოთხი ათას ხუთას ოცდათხუთმეტი) ლარისა №20 დანართით გათვალისწინებული ღონისძიებების დასაფინანსებლად.“;

დ) დანართი №16 ჩამოყალიბდეს თანდართული რედაქციით;

ე) დაემატოს №18 − №20 დანართები და ჩამოყალიბდეს თანდართული რედაქციით.

პრემიერ-მინისტრი                                                                        გიორგი კვირიკაშვილი