საქართველოს მთავრობას, შპს „ართანა ლოპოტას“, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის 2017 წლის 24 აპრილს ჰიდროელექტროსადგურ „ართანას“ შესახებ დადებული ურთიერთგაგების მემორანდუმის თაობაზე

საქართველოს მთავრობის

განკარგულება №1075

2017 წლის 1 ივნისი

ქ. თბილისი

საქართველოს მთავრობას, შპს „ართანა ლოპოტას“, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის 2017 წლის 24 აპრილს ჰიდროელექტროსადგურ „ართანას“ შესახებ დადებული ურთიერთგაგების მემორანდუმის თაობაზე

1. ცნობად იქნეს მიღებული ინფორმაცია საქართველოს მთავრობას, შპს „ართანა ლოპოტას“, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის ჰიდროელექტროსადგურ „ართანას“ შესახებ 2017 წლის 24 აპრილს დადებული ურთიერთგაგების მემორანდუმის 4.1 პუნქტით განსაზღვრული ვალდებულების შპს „ართანა ლოპოტას“ მიერ დარღვევის თაობაზე და აღნიშნული ურთიერთგაგების მემორანდუმი მიჩნეულ იქნეს შეწყვეტილად მემორანდუმის 13.3 პუნქტის საფუძველზე.

2. ცნობად იქნეს მიღებული ინფორმაცია საქართველოს მთავრობასა და სს „საქართველოს ენერგეტიკის განვითარების ფონდს“ შორის ჰიდროელექტროსადგურ „ართანას“ შესახებ 2014 წლის 17 ივლისს დადებული ურთიერთგაგების მემორანდუმის 3.4 პუნქტით დადგენილი ვადის დარღვევის თაობაზე და აღნიშნული ურთიერთგაგების მემორანდუმი მიჩნეულ იქნეს შეწყვეტილად მემორანდუმის 6.2 პუნქტის „ბ.გ“ ქვეპუნქტის საფუძველზე.

3. ამ განკარგულების პირველი პუნქტის გათვალისწინებით, საქართველოს ენერგეტიკის სამინისტრომ უზრუნველყოს შპს „ართანა ლოპოტასთვის“ ამ განკარგულების პირველ და მე-2 პუნქტებში მითითებული ურთიერთგაგების მემორანდუმების შეწყვეტის თაობაზე შესაბამისი შეტყობინების გაგზავნა.

პრემიერ-მინისტრი                                            გიორგი კვირიკაშვილი