„ანაკლიის ღრმაწყლოვანი პორტის განვითარების გენერალური გეგმის განმხილველი კომისიის შექმნისა და დებულების დამტკიცების შესახებ“ საქართველოს მთავრობის 2016 წლის 30 დეკემბრის №2738 განკარგულებაში ცვლილების შეტანის თაობაზე

საქართველოს მთავრობის

განკარგულება №1064

2017 წლის 1 ივნისი

ქ. თბილისი

„ანაკლიის ღრმაწყლოვანი პორტის განვითარების გენერალური გეგმის განმხილველი კომისიის შექმნისა და დებულების დამტკიცების შესახებ“ საქართველოს მთავრობის 2016 წლის 30 დეკემბრის №2738 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის საფუძველზე, „ანაკლიის ღრმაწყლოვანი პორტის განვითარების გენერალური გეგმის განმხილველი კომისიის შექმნისა და დებულების დამტკიცების შესახებ“ საქართველოს მთავრობის 2016 წლის 30 დეკემბრის №2738 განკარგულებაში შეტანილ იქნეს ცვლილება და განკარგულებით დამტკიცებული „ანაკლიის ღრმაწყლოვანი პორტის განვითარების გენერალური გეგმის განმხილველი კომისიის დებულების“ მე-2 მუხლს დაემატოს შემდეგი შინაარსის „ე“ ქვეპუნქტი:

„ე) უზრუნველყოს საინვესტიციო ხელშეკრულების ფარგლებში კონსორციუმის მიერ წარდგენილი გარემოს საბაზისო კვლევისა და სხვა ტექნიკურ-ეკონომიკური კვლევების განხილვა და საჭიროების შემთხვევაში, შესაბამისი წინადადებების შემუშავება.“.

პრემიერ-მინისტრი                                                                                                                                გიორგი კვირიკაშვილი