საქართველოს სპორტისა და ახალგაზრდობის საქმეთა სამინისტროს ბალანსზე რიცხული მოძრავი ნივთების ა(ა)იპ – საქართველოს კალათბურთის ეროვნული ფედერაციისათვის თხოვების ფორმით გადაცემაზე თანხმობის მიცემის შესახებ

საქართველოს მთავრობის

განკარგულება №1016

2017 წლის 25 მაისი

ქ. თბილისი

საქართველოს სპორტისა და ახალგაზრდობის საქმეთა სამინისტროს ბალანსზე რიცხული მოძრავი ნივთების ა(ა)იპ – საქართველოს კალათბურთის ეროვნული ფედერაციისათვის თხოვების ფორმით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის თანახმად, საქართველოს სპორტისა და ახალგაზრდობის საქმეთა სამინისტროს მიეცეს თანხმობა, რომ ა(ა)იპ – საქართველოს კალათბურთის ეროვნულ ფედერაციას (ს/ნ: 204851838) თხოვების ფორმით, არსებობის ვადით გადასცეს თავის ბალანსზე რიცხული 2 (ორი) კომპლექტი საკალათბურთო ფარები (4 (ოთხი) ცალი კალათი და 4 (ოთხი) ცალი ფარი), 1000 (ათასი) ლარის ღირებულებით (ერთეულის ფასი 500 (ხუთასი) ლარი).

2. ამ განკარგულების შესრულების უზრუნველსაყოფად, საქართველოს სპორტისა და ახალგაზრდობის საქმეთა სამინისტრომ განახორციელოს კანონმდებლობით გათვალისწინებული ღონისძიებები.

პრემიერ-მინისტრი                                         გიორგი კვირიკაშვილი