„სახელმწიფო საკუთრებაში არსებული უძრავი ნივთების შპს „მეღვინეობა ხარებისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 7 ნოემბრის №2031 და „სახელმწიფო საკუთრებაში არსებული უძრავი ნივთების შპს „ხარებასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 9 ივნისის №1066 განკარგულებებში ცვლილების შეტანისა და შპს „მეღვინეობა ხარებას“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №100 9

2017 წლის 25 მაისი

ქ. თბილისი

 „სახელმწიფო საკუთრებაში არსებული უძრავი ნივთების შპს „მეღვინეობახარებისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 7 ნოემბრის №2031 და „სახელმწიფო საკუთრებაში არსებული უძრავი ნივთების შპს „ხარებასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 9 ივნისის №1066 განკარგულებებში ცვლილების შეტანისა და შპს „მეღვინეობა ხარებას“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო საკუთრებაში არსებული უძრავი ნივთების შპს „მეღვინეობა ხარებისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 7 ნოემბრის №2031 განკარგულებაში შეტანილ იქნეს ცვლილება და მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) შესაბამისი ხელშეკრულების გაფორმებიდან არაუმეტეს 2 (ორი) წლის ვადაში, ამ განკარგულების მე-2 პუნქტის „ბ“ ქვეპუნქტით გათვალისწინებული საპრივატიზებო პირობის შესრულების მიზნით, არანაკლებ 776 759,55 ლარის (შვიდას სამოცდათექვსმეტი ათას შვიდას ორმოცდაცხრამეტი ლარი და ორმოცდათხუთმეტი თეთრი) ინვესტიციის განხორციელება.“.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო საკუთრებაში არსებული უძრავი ნივთების შპს „ხარებასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 9 ივნისის №1066 განკარგულებაში შეტანილ იქნეს ცვლილება და მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ამ პუნქტის „ბ“ ქვეპუნქტით განსაზღვრული ვალდებულებების შესრულების მიზნით, პირადად ან/და მესამე პირის მეშვეობით, არანაკლებ 2 241 940,45 ლარის (ორი მილიონ ორას ორმოცდაერთი ათას ცხრაას ორმოცი ლარი და ორმოცდახუთი თეთრი) ოდენობის ინვესტიციის განხორციელება;“.

3. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „მეღვინეობა ხარება“ გათავისუფლეს სსიპ – სახელმწიფო ქონების ეროვნულ სააგენტოსა და შპს „მეღვინეობა ხარებას“ შორის 2014 წლის 7 ნოემბრის №2031 განკარგულების საფუძველზე 2014 წლის 16 დეკემბერს დადებული ნასყიდობის ხელშეკრულების 3.1.2 მუხლით გათვალისწინებული ვალდებულების დარღვევის გამო, ამ განკარგულების საფუძველზე შესაბამისი ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსგან.

4. ამ განკარგულების პირველი და მე-3 პუნქტები ძალაშია საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოსა და შპს „ხარებას“ შორის ამ განკარგულების მე-2 პუნქტის საფუძველზე შესაბამისი ცვლილების ხელშეკრულების გაფორმების შემდეგ.

5. ამ განკარგულების მე-2 პუნქტის საფუძველზე შესაბამისი ცვლილების ხელშეკრულების გაფორმებამდე, შპს „ხარებამ“ წარადგინოს „სახელმწიფო საკუთრებაში არსებული უძრავი ნივთების შპს „ხარებასათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2016 წლის 9 ივნისის №1066 განკარგულების მე-2 პუნქტის „გ“ ქვეპუნქტით გათვალისწინებული ინვესტიციის თანხის არანაკლებ 10%-ის ოდენობის შეცვლილი ან ახალი საბანკო გარანტია, რომლის მოქმედების ვადაც განსაზღვრული უნდა იყოს არანაკლებ 2020 წლის 15 იანვრამდე.

6. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                          გიორგი კვირიკაშვილი